ವರಮಹಾಲಕ್ಷ್ಮೀ ವ್ರತ 2022: ಗರ್ಭಿಣಿಯರು ವರಮಹಾಲಕ್ಷ್ಮಿ ವ್ರತ ಮಾಡಬಹುದೇ?

ಪದ್ಧತಿಗೆ ಭಂಗವಾಗುವುದೇ?

ಪೂಜೆಗಳು ಮತ್ತು ವ್ರತಗಳನ್ನು ಕುಟುಂಬದ ಹಿರಿಯರಿಂದಲೂ ಮಾಡಿಕೊಂಡು ಬಂದಿರುವ ವಾಡಿಕೆ ಕೆಲವು ಮನೆತನಗಳಲ್ಲಿ ಇದ್ದರೆ ಇನ್ನು ಕೆಲವರು ಹೊಸದಾಗಿ ವರಮಹಾಲಕ್ಷ್ಮಿ ವ್ರತವನ್ನು ಮಾಡಲು ಆರಂಭಿಸುತ್ತಾರೆ. ಹೀಗೆ ಸಾಗಿ ಬಂದ ವಾಡಿಕೆ ಕೆಲವು ವರ್ಷಗಳಲ್ಲಿ ನಡುವೆ ಮಾಡಲು ಸಾಧ್ಯವಾಗದ ಸಂದರ್ಭಗಳು ಎದುರಾಗಬಹುದು. ಇಂಥಾ ಸಂದರ್ಭಗಳಲ್ಲಿ ವ್ರತ ಮಾಡದ ಬಗ್ಗೆ ಸಾಕಷ್ಟು ಗೊಂದಲಗಳು ನಮಗಾಗುವುದು ಸಾಮಾನ್ಯ, ಅಂಥಾ ಕೆಲವು ಸಂದರ್ಭಗಳಲ್ಲಿ ಗರ್ಭಾವಸ್ಥೆಯಾಗುವುದು ಒಂದು. ಗರ್ಭಾವಸ್ಥೆಯಲ್ಲಿ ವರಮಹಾಲಕ್ಷ್ಮಿ ವ್ರತ ಮಾಡದಿದ್ದರೆ ಪದ್ಧತಿಗೆ ಭಂಗವಾಗುವುದಿಲ್ಲ.

ಗರ್ಭಿಣಿಯರು ವ್ರತ ಮಾಡಬಹುದೇ?

ಗರ್ಭಿಣಿಯರು "ವೃದ್ಧಿ" ಆರಂಭವಾಗುತ್ತಿದ್ದಂತೆ ಅಥವಾ 6 ತಿಂಗಳ ನಂತರ ಗರ್ಭಿಣಿಯರು ವರಮಹಾಲಕ್ಷ್ಮಿ ವ್ರತ ಮಾಡುವಂತಿಲ್ಲ ಎಂದು ಹಿರಿಯರು ಹಾಗೂ ಹಿಂದೂ ಸಂಪ್ರದಾಯ ಹೇಳುತ್ತದೆ ಹಾಗೂ ವರಮಹಾಲಕ್ಷ್ಮಿ ವ್ರತ ಮಾಡಲು ಬಯಸುವವರು ಪಾರಾಯಣ ಮತ್ತು ಪೂಜೆಯನ್ನು ಅನುಮತಿಸಲಾಗಿದ್ದು, ಉಪವಾಸ ಮಾಡುವುದು ಬೇಡ ಎನ್ನಲಾಗುತ್ತದೆ. ಗರ್ಭಿಣಿ ಮಹಿಳೆಯರ ಮೇಲೆ ಔಷಧದ ಪರಿಣಾಮ ಜತೆಗೆ ಉಪವಾಸ ಕಷ್ಟಕರವಾಗುವುದರಿಂದ, ಗರ್ಭಿಣಿಯರು ಉಪವಾಸ ಮಾಡದಿರುವುದು ಉತ್ತಮ.

ಮಗು ಹುಟ್ಟಿದ 22 ದಿನಗಳ ಒಳಗೆ ವರಮಹಾಲಕ್ಷ್ಮಿ ವ್ರತ ಇದ್ದರೆ ಬಾಣಂತಿಯರು ವ್ರತ ಮಾಡುವಂತಿಲ್ಲ ಎನ್ನಲಾಗಿದೆ.

ವೈಜ್ಞಾನಿಕವಾಗಿ ಏನು ಹೇಳುತ್ತಾರೆ?

ವರಮಹಾಲಕ್ಷ್ಮಿ ವ್ರತ ಮಾಡುವ ವೇಳೆ ಮುತ್ತೈದೆಯರು ಬೆಳಗಿನಿಂದ ಸಂಜೆಯ ವರೆಗೂ ಉಪವಾಸ ಇದ್ದು, ಸಂಜೆಯ ನಂತರ ಊಟ ಮಾಡುವ ಪದ್ಧತಿ ಇದೆ. ಗರ್ಭಾವಸ್ಥೆಯಾಗಿರುವ ಸಂದರ್ಭದಲ್ಲಿ ಇಡೀ ದಿನ ಉಪವಾಸ ಮಾಡುವುದು ಕಷ್ಟಸಾಧ್ಯ ಅಥವಾ ಇದು ಅವರ ಆರೋಗ್ಯದ ಮೇಲೆ ಪರಿಣಾಮ ಬೀರುತ್ತದೆ ಆದ್ದರಿಂದ ಗರ್ಭಿಣಿಯರು ವರಮಹಾಲಕ್ಷ್ಮಿ ವ್ರತ ಮಾಡುವುದು ಒಳಿತಲ್ಲ ಎಂದು ವೈದ್ಯಕೀಯವಾಗಿ ಹೇಳಲಾಗಿದೆ. ಅಲ್ಲದೆ, ಲಕ್ಷ್ಮಿ ವ್ರತ ಮಾಡಲು ಸಾಕಷ್ಟು ದೈಹಿಕ ಶ್ರಮವೂ ಅಗತ್ಯ ವಿರುವುದರಿಂದ ಗರ್ಭಿಣಿಯರು ಈ ಸಂದರ್ಭದಲ್ಲಿ ದೈಹಿಕ ಶ್ರಮ ತೆಗೆದುಕೊಳ್ಳುವುದು ಉತ್ತಮವಲ್ಲ ಎಂದು ಹೇಳಲಾಗುತ್ತದೆ.