ಸಂಬಂಧದಲ್ಲಿನ ಹಲವಾರು ವಿಧಗಳು

ಅಧಿಕಾರಯುತ ಸಂಬಂಧ

ಜೀವನದಲ್ಲಿ ಒಂದಲ್ಲಾ ಒಂದು ಹಂತದಲ್ಲಿ ನಿಮ್ಮ ಮೇಲೆ ಅಧಿಕಾರ ಸಾಧಿಸಿದಂತಹ ವ್ಯಕ್ತಿಯೊಂದಿಗೆ ನೀವು ಡೇಟಿಂಗ್ ನಡೆಸಿರಬಹುದು. ಇಲ್ಲಿ ಅವರೇ ಸಂಬಂಧದ ನಿಯಮಗಳನ್ನು ರೂಪಿಸುವರು ಮತ್ತು ನಾವು ಅದನ್ನು ಪಾಲಿಸಿಕೊಂಡು ಹೋಗಬೇಕು. ಈ ಸಂಬಂಧಕ್ಕೆ ಬೆನ್ನೆಲುಬು ಇಲ್ಲ ಎಂದು ನಿಮಗನಿಸಬಹುದು. ಇಲ್ಲಿನ ನಿಯಮಗಳು ಹೆಚ್ಚು ಭೀಕರವಾಗಿರುವುದು. ಇಂತಹ ಸಂಬಂಧದಲ್ಲಿ ನಿಮ್ಮ ಹೃದಯ ಮಾತನ್ನು ಹೇಳಿಕೊಳ್ಳಲು ನಿಮಗೆ ಆತಂಕವಾಗುವುದು.

ಮುಕ್ತ ಸಂಬಂಧ

ಈ ಸಂಬಂಧವು ಇಬ್ಬರು ಭಾವನಾತ್ಮಕವಾಗಿ ಹೆಚ್ಚು ನಿಕಟವಾಗಿರದೆ ಇದ್ದಾಗ ಕೆಲಸ ಮಾಡುವುದು. ಇವರಿಬ್ಬರು ಪರಸ್ಪರರನ್ನು ಗೌರವಿಸಿ, ಸಂಬಂಧದಲ್ಲಿ ಉಳಿದುಕೊಳ್ಳುವರು. ಆದರೆ ಇವರು ಬೇರೆ ಸಂಬಂಧ ಕೂಡ ಇಟ್ಟುಕೊಳ್ಳಬಹುದು.

ಸಂಬಂಧಕ್ಕಾಗಿ ಕಠಿಣ ಶ್ರಮ

ಪರಸ್ಪರರು ಜತೆಯಾಗಿರಲು ಹಲವಾರು ರೀತಿಯ ಬದಲಾವಣೆಗಳನ್ನು ನೀವು ಮಾಡಿಕೊಂಡಿರಬಹುದು. ನಿಮ್ಮ ಪರವಾಗಿ ಈ ಸಂಬಂಧವಿರಲು ಕಠಿಣವಾಗಿ ಕೆಲಸ ಮಾಡಬೇಕಾಗುತ್ತದೆ. ಇದಕ್ಕಾಗಿ ನೀವು ಮಾತನಾಡುವ ರೀತಿ, ಬಟ್ಟೆ ಹಾಕಿಕೊಳ್ಳುವುದು, ಸಾಮಾಜಿಕವಾಗಿ ಬೆರೆತುಕೊಳ್ಳುವುದು ಮತ್ತು ನಿಮ್ಮ ಆದ್ಯತೆಗಳನ್ನು ಬದಲಾಯಿಸಿಕೊಳ್ಳುವಿರಿ. ಹೊರ ಜಗತ್ತಿಗೆ ನೀವು ತುಂಬಾ ಸಂತೋಷವಾಗಿದ್ದೀರಿ ಎಂದು ತೋರಿಸಿಕೊಟ್ಟರೂ ಒಳಗಿನಿಂದ ನೀವು ನೋವಿನಿಂದ ಕೊರಗುತ್ತಾ ಇರುತ್ತೀರಿ.

ತಾತ್ಕಾಲಿಕ ಸಂಬಂಧ

ಇಬ್ಬರು ಸಂಗಾತಿಗಳು ಜತೆಯಾಗಿರುವಂತಹ ಸ್ವಲ್ಪ ಸಮಯದ ಸಂಬಂಧ ಇದಾಗಿದೆ. ಇದಕ್ಕೆ ಯಾವುದೇ ಭವಿಷ್ಯದ ಯೋಜನೆಗಳು ಇರುವುದಿಲ್ಲ. ಪರಸ್ಪರರ ಜತೆ ಮತ್ತು ಲೈಂಗಿಕ ಕ್ರಿಯೆ ಬಯಸುವಿರಿ. ಇದು ಅಡಚಣೆ ಇರುವಂತಹ ಸಂಬಂಧ ಮತ್ತು ಒಬ್ಬರು ದೀರ್ಘ ಸಂಬಂಧ ಬಯಸಿದಾಗ ಇದು ಬೇಗನೆ ಕೊನೆಯಾಗುವುದು.

ದೀರ್ಘ ಕಾಲದ ಸಂಬಂಧ

ರೋಮ್ಯಾಂಟಿಕ್ ಆಗಿರುವ ಪ್ರತಿಯೊಂದು ಹಂತದಲ್ಲಿ ನೀವು ದೀರ್ಘ ಸಂಬಂಧ ಕಂಡುಕೊಳ್ಳುವಿರಿ. ನಿಮ್ಮ ಸಂಬಂಧವು ದೀರ್ಘ ಕಾಲ ಉಳಿಯಲಿದೆ ಮತ್ತು ಇದನ್ನು ಮದುವೆ ತನಕ ಕೊಂಡೊಯ್ಯಬಹುದು ಎಂದು ನೀವು ಬಯಸುತ್ತೀರಿ. ತಿಂಗಳಿಗೆ ಒಂದು ಸಲ ಅಥವಾ ಅದಕ್ಕಿಂತ ಹೆಚ್ಚು ಸಲ ನೀವು ನಿಮ್ಮ ಪ್ರಿಯತಮನನ್ನು ಭೇಟಿಯಾಗುವಿರಿ. ಇದು ರಜೆ ಭೇಟಿಯಂತಿದ್ದರೂ ನಿಮ್ಮಿಂದ ಅಥವಾ ನಿಮ್ಮ ಸಂಗಾತಿಯಿಂದ ಇದು ಕೊನೆಯಾಗಬಹುದು. ತುಂಬಾ ಕಡಿಮೆ ಜನರು ಸಂಬಂಧವನ್ನು ಮದುವೆ ತನಕ ಕೊಂಡೊಯ್ಯುವರು.

ಅವಲಂಬಿ ಸಂಬಂಧ

ನೀವು ಅಥವಾ ನಿಮ್ಮ ಸಂಗಾತಿಯು ನಿಮ್ಮ ಮೇಲೆ ಅವಲಂಬಿತವಾಗಿರುವುದು ಮತ್ತು ಒಬ್ಬರಿಲ್ಲದೆ ಇನ್ನೊಬ್ಬರಿಗೆ ಕೆಲಸ ಮಾಡಲು ಆಗದೆ ಇರುವುದು. ಸಂಗಾತಿ ಜತೆಯಾಗಿ ಇಲ್ಲದೆ ಇದ್ದಾಗ ಇದು ತುಂಬಾ ಆತಂಕ ಮತ್ತು ಖಿನ್ನತೆ ಉಂಟು ಮಾಡುವುದು. ಇದರಿಂದಾಗಿ ನಿಮ್ಮ ಜೀವನದ ಕೆಲವು ವಿಭಾಗಗಳ ಮೇಲೆ ಪ್ರಭಾವ ಬೀರಬಹುದು.

ಸ್ವತಂತ್ರ ಸಂಬಂಧ

ಇದು ತುಂಬಾ ಬಲಶಾಲಿ ಸಂಬಂಧವೆಂದು ನೀವು ಭಾವಿಸುವಿರಿ. ಆದರೆ ಇದರಲ್ಲಿ ಇಬ್ಬರು ಕೂಡ ತುಂಬಾ ಸ್ವತಂತ್ರರಾಗಿರುವರು ಮತ್ತು ಸಂಬಂಧಕ್ಕಾಗಿ ಯಾವುದೇ ಹೊಂದಾಣಿಕೆ ಮಾಡಿಕೊಳ್ಳಲ್ಲ. ಇಲ್ಲಿ ಸಂಬಂಧಕ್ಕಿಂತ ವ್ಯಕ್ತಿಯೇ ದೊಡ್ಡವನಾಗಿರುತ್ತಾನೆ. ಈ ಸಂಬಂಧದಲ್ಲಿ ಪ್ರೀತಿಗೆ ಯಾವುದೇ ಆದ್ಯತೆಯಿರಲ್ಲ.

ಲಿವ್ ಇನ್ ರಿಲೇಷನ್(ಜತೆಯಾಗಿ ವಾಸಿಸುವ ಸಂಬಂಧ)

ಈ ಸಂಬಂಧದಲ್ಲಿ ಇಬ್ಬರು ಮದುವೆಯಾಗದೆ ಎಲ್ಲಾ ರೀತಿಯಿಂದಲೂ ಜತೆಯಾಗಿ ವಾಸಿಸುತ್ತಾ ಇರುವರು. ಇಂದಿನ ದಿನಗಳಲ್ಲಿ ಹೆಚ್ಚಿನವರು ಹೊಂದಾಣಿಕೆ ಮಾಡಿಕೊಳ್ಳುವ ಸಲುವಾಗಿ ಮೊದಲು ಲಿವ್ ಇನ್ ರಿಲೇಷನ್ ಶಿಪ್ ನಲ್ಲಿರುವರು. ಇದರ ಬಳಿಕ ತಮ್ಮ ಅದೃಷ್ಟ ಪರೀಕ್ಷೆ ಮಾಡಿಕೊಳ್ಳುವರು. ಈ ಎಂಟು ಸಂಬಂಧಗಳಲ್ಲಿ ಯಾವುದಾದರೂ ಒಂದು ಸಂಬಂಧವು ನಮ್ಮ ಮುಂದೆ ಬರುವುದು. ಪರಿಪೂರ್ಣ ಸಂಬಂಧವೆನ್ನುವುದು ಇಲ್ಲ. ಆದರೆ ಇಬ್ಬರು ವ್ಯಕ್ತಿಗಳು ಸಂಬಂಧಕ್ಕೆ ಪರಿಪೂರ್ಣತೆ ಒದಗಿಸಲು ಪ್ರಯತ್ನಿಸುತ್ತಾ ಇರುವಾಗ ಆ ಸಂಬಂಧವು ನೈಜ ಹಾಗೂ ಪರಿಶುದ್ಧವಾಗುವುದು. ಇಂತಹ ಯಾವುದೇ ಒಂದು ಸಂಬಂಧದಲ್ಲಿ ನೀವು ಇದ್ದರೆ ಆಗ ನೀವು ಸಮಸ್ಯೆಗಳನ್ನು ಚರ್ಚಿಸಿ ಮತ್ತು ನಿಮ್ಮಿಬ್ಬರ ಅಗತ್ಯಕ್ಕೆ ತಕ್ಕಂತೆ ಅದನ್ನು ಪರಿಹರಿಸಿಕೊಳ್ಳಿ. ನಿಮಗೆ ಸಂಬಂಧದ ಬಗ್ಗೆ ಇನ್ನಷ್ಟು ತಿಳಿದಿದ್ದರೆ ಮತ್ತು ಇದಕ್ಕೆ ಹೆಚ್ಚುವರಿಯಾಗಿ ಸೇರಿಸಬೇಕೆಂದು ಅನಿಸಿದರೆ ಕಮೆಂಟ್ ಸೆಕ್ಷನ್ ನಲ್ಲಿ ಬರೆಯಿರಿ.