ಮೊದಲ ಬಾರಿ ವರಲಕ್ಷ್ಮಿ ವ್ರತ ಮಾಡುತ್ತಿದ್ದೀರಾ? ಈ ನಿಯಮಗಳು ತಿಳಿದಿರಲಿ

1. ಮನೆ ಶುದ್ಧವಾಗಿರಬೇಕು

ಮನೆಯ ಮೂಲೆ ಮೂಲೆ ಸ್ವಚ್ಛ ಮಾಡಿರಬೇಕು, ಗುರುವಾರನೇ ಮನೆಯನ್ನು ಸ್ವಚ್ಛಗೊಳಿಸಿರಬೇಕು. ಮನೆ ಸ್ವಚ್ಚವಾಗಿದ್ದರೆ ಮಾತ್ರ ಲಕ್ಷ್ಮಿ ಮನೆಗೆ ಬರುತ್ತಾಳೆ.

ಕಳಸ ಕೂರಿಸಿ ಲಕ್ಷ್ಮಿಯನ್ನು ಆಹ್ವಾನಿಸಬೇಕು

ಬೆಳಗ್ಗೆ ಸ್ನಾನಾನಂತರ ದೇವರ ಕೋಣೆ ಅಥವಾ ಮನೆಯಲ್ಲಿ ದೊಡ್ಡ ಜಾಗದಲ್ಲಿ ಗೋಮೂತ್ರದಿಂದ ಸ್ಥಳ ಶುದ್ಧಿ ಮಾಡಬೇಕು. ರಂಗೋಲಿ ಬಿಡಿಸಿ ಅಗ್ರ ಇರುವ ಎರಡು ಅಥವಾ ಐದು ಬಾಳೆ ಎಲೆ ಇಟ್ಟು, ಅದರಲ್ಲಿ ಅಕ್ಕಿ ಹಾಕಿ, ಕಲಶ ಇಟ್ಟು, ಕಲಶದಲ್ಲಿ ಒಣ ದ್ರಾಕ್ಷಿ, ಖರ್ಜೂರ, ಬಾದಾಮಿ, ಗೋಡಂಬಿ ಸ್ವಲ್ಪ ಹಾಕಿ.

ಅನುಕೂಲ ಇದ್ದಲ್ಲಿ ಬೆಳ್ಳಿ ಅಥವಾ ಬಂಗಾರದ ನಾಣ್ಯ ಹಾಕಿ. ಶುದ್ಧವಾದ ಅರಿಶಿನ ಚಿಟಿಕೆ ಹಾಕಿ. ಶುದ್ಧವಾದ ನೀರು ತುಂಬಬೇಕು. ಮಾವಿನ ಸೊಪ್ಪು ಹಾಕಿ, ತೆಂಗಿನ ಕಾಯಿ ಇಡಬೇಕು. ಇನ್ನು ಕಲಶಕ್ಕೆ ಸೀರೆ, ಆಭರಣ ಬೇರೆ ಅಲಂಕಾರ ಮಾಡಬಹುದು. ಕಲಶದ ಕೆಳಗೆ ಒಂದು ಲಕ್ಷ್ಮಿಯ ಚಿಕ್ಕ ವಿಗ್ರಹ ಇಟ್ಟರೆ ಉತ್ತಮ. ನಂತರ ಲಕ್ಷ್ಮಿಯನ್ನು ಆಹ್ವಾನಿಸಬೇಕು.

ನೀವು ಅವಿವಾಹಿತ ಮಹಿಳೆಯಾಗಿದ್ದು ಈ ವ್ರತ ಮಾಡುವುದಾದರೆ

ವರಲಕ್ಷ್ಮಿ ವ್ರತವನ್ನು ವಿವಾಹಿತ ಮಹಿಳೆಯರು ಮಾಡಬೇಕು, ನೀವು ಅವಿವಾಹಿತರಾಗಿದ್ದರೆ ಈ ಪೂಜೆಯನ್ನು ತಾಯಿಯೊಂದಿಗೆ ಮಾಡಬೇಕು.

ಇಂದು ಪೂಜೆ ಮಾಡಲು ಸಾಧ್ಯವಾಗದಿದ್ದರೆ

ಆಗಸ್ಟ್‌ 5ರಂದು ಪೂಜೆ ಮಾಡಲು ಸಾಧ್ಯವಾಗದಿದ್ದರೆ ಆಗಸ್ಟ್‌ 12ರಂದು ಪೂಜೆಯನ್ನು ಮಾಡಬಹುದು.

ಯಾರು ಪೂಜೆ ಮಾಡಬಾರದು

ಹೆರಿಗೆಯಾಗಿ 22 ದಿನ ಕಳೆದಿಲ್ಲ ಎಂದಾದರೆ ವರಲಕ್ಷ್ಮಿ ವ್ರತವನ್ನು ಮಾಡುವಂತಿಲ್ಲ, ಬಾಣಂತಿಯರು ವರಲಕ್ಷ್ಮಿ ವ್ರತ ಮಾಡುವುದು ಅಶುದ್ಧವಾಗಿದೆ. ಈ ಪೂಜೆಯನ್ನು ಮಡಿಯಿಂದ ಮಾಡಬೇಕು.