ಈ ದೇವಸ್ಥಾನಗಳ ಹೆಸರು ಕೇಳಿದರೆಯೇ ಮನದಲ್ಲಿ ಭಯ ಭಕ್ತಿ ಮೂಡುತ್ತದೆ

ಶಬರಿಮಲೈ

ಕೇರಳದ ಶಬರಿಮಲೈಯಲ್ಲಿರುವ ಈ ದೇವಾಲಯ ಅಯ್ಯಪ್ಪ ಸ್ವಾಮಿಗೆ ಮುಡಿಪಾದ ದೇವಾಲಯವಾಗಿದೆ. ಶಿವ ಮತ್ತು ವಿಷ್ಣುವಿನ ಏಕಮಾತ್ರ ಹೆಣ್ಣು ಅವತಾರವಾದ ಮೋಹಿನಿನ ಸಂಗದಿಂದ ಜನಿಸಿದ ಅಯ್ಯಪ್ಪಸ್ವಾಮಿಗೆ ಹರಕೆ ಹೊತ್ತು ವರ್ಷಕ್ಕೊಂದು ಬಾರಿಯ ಮೇಳದಲ್ಲಿ ಭಾಗವಹಿಸುವುದರಿಂದ ಪಾಪಗಳಿಂದ ಮುಕ್ತಿ ದೊರಕುತ್ತದೆ ಎಂದು ಭಕ್ತರು ನಂಬುತ್ತಾರೆ. ಪ್ರತಿ ವರ್ಷ ಮೂರು ಕೋಟಿಗೂ ಹೆಚ್ಚು ಭಕ್ತರು ಭೇಟಿ ನೀಡುವುದೇ ಇದರ ಜನಪ್ರಿಯತೆಗೆ ಸಾಕ್ಷಿಯಾಗಿದೆ.

ತಿರುಪತಿ ದೇವಾಲಯ

ಆಂಧ್ರ ಪ್ರದೇಶದ ಚಿತ್ತೂರು ಜಿಲ್ಲೆಯಲ್ಲಿರುವ ತಿರುಮಲ ಬೆಟ್ಟದ ಮೇಲಿರುವ ಈ ದೇವಾಲಯ ಭಗವಾನ್ ವಿಷ್ಣುವಿನ ಒಂದು ಅವತಾರವಾದ ಬಾಲಾಜಿ ಅಥವಾ ವೆಂಕಟೇಶ್ವರ ದೇವರ ಆಲಯವಾಗಿದೆ. ಪುರಾಣದ ಪ್ರಕಾರ ಶ್ರೀಮಂತ ಕುಬೇರನಿಂದ ತನ್ನ ಮಗಳ ಮದುವೆಗಾಗಿ ಬಾಲಾಜಿ ಸಾಲ ಪಡೆದುಕೊಂಡಿದ್ದು ಈ ಸಾಲವನ್ನು ತೀರಿಸಲು ಭಕ್ತರಿಂದ ದೇಣಿಗೆಯನ್ನು ಸ್ವೀಕರಿಸುತ್ತಾನೆ ಎಂಬ ನಂಬಿಕೆ ಇದೆ. ಇದೇ ಕಾರಣಕ್ಕೆ ಭಕ್ತರು ನೀಡುವ ಅಪಾರ ಧನಕನದ ಕಾರಣ ತಿರುಪತಿ ದೇವಾಲಯ ಭಾರತದ ಅತ್ಯಂತ ಹೆಚ್ಚಿನ ಆದಾಯವನ್ನು ಪಡೆಯುವ ದೇವಾಲಯವಾಗಿದೆ.

ಪರಿಶುದ್ಧ ಭಕ್ತರು ಮಾತ್ರ ಈ ದೇವಸ್ಥಾನಕ್ಕೆ ಪ್ರವೇಶಿಸಲು ಸಾಧ್ಯ!

ಜಮ್ಮು ಮತ್ತು ಕಾಶ್ಮೀರ ರಾಜ್ಯದಲ್ಲಿರುವ ವೈಷ್ಣೋದೇವಿ ದೇವಾಲಯವನ್ನು ಶೇರಾವಾಲಿ ಮಾತಾ ಎಂದೂ ಕರೆಯಲಾಗುತ್ತದೆ. ಹುಲಿಯನ್ನು ಸವಾರಿ

ಮಾಡುತ್ತಿರುವ ದೇವಿಯ ಈ ದೇವಾಲಯ ದುರ್ಗಮ ಬೆಟ್ಟದ ತುದಿಯಲ್ಲಿರುವ ಗುಹೆಯಲ್ಲಿದ್ದು ದರ್ಶನಕ್ಕೆ ತಲುಪುವುದು ಅಷ್ಟು ಸುಲಭವಲ್ಲ. ಕೇವಲ ದೇವಿಯ ಪರಿಶುದ್ಧ ಭಕ್ತರು ಮತ್ತು ಸತ್ಯಂತರು ಮಾತ್ರ ಈ ಸ್ಥಳವನ್ನು ತಲುಪಬಲ್ಲರು ಎಂಬ ನಂಬಿಕೆಯಿಂದ ಹೆಚ್ಚಿನ ಜನರು ಈ ಸ್ಥಳವನ್ನು ತಲುಪಲು ಶ್ರಮಿಸುತ್ತಾರೆ.

ಬೇಡಿದನ್ನು ಕರುಣಿಸುವ ಸಿದ್ಧಿ ವಿನಾಯಕ....

ಮಹಾರಾಷ್ಟ್ರದ ಮುಂಬೈ ನಗರದ ಪ್ರಭಾದೇವಿಯಲ್ಲಿರುವ ಜನನಿಬಿಡ ಸ್ಥಳದಲ್ಲಿರುವ ಸಿದ್ಧಿ ವಿನಾಯಕ ದೇವಾಲಯ ವಿನಾಯಕನಿಗೆ ಮುಡಿಪಾದ ದೇವಾಲಯವಾಗಿದೆ. ಗಣೇಶನಲ್ಲಿ ಕೇಳಿಕೊಂಡ ಯಾವುದೇ ಕೋರಿಕೆಯೂ ಇಲ್ಲಿ ಸಿದ್ಧಿಸುವುದು ಎಂಬ ನಂಬಿಕೆಯಿಂದಲೇ ಸಿದ್ಧಿ ಎಂಬ ಪದದ ಬಳಕೆಯಾಗಿದೆ.

ಸಾಯಿ ಬಾಬಾ

ಹಿಂದೂ ಮತ್ತು ಮುಸ್ಲಿಮರಿಂದ ಸಮಾನವಾಗಿ ಪ್ರವಾದಿ ಎಂದು ಪರಿಗಣಿಸಲ್ಪಟ್ಟ ಸಾಯಿ ಬಾಬಾರ ದೇವಾಲಯವಾದ ಶಿರ್ಡಿಯ ಸಾಯಿ ಬಾಬಾ ದೇವಾಲಯ ಎರಡೂ ಪಂಗಡಗಳ ನೆಚ್ಚಿನ ಯಾತ್ರಾಸ್ಥಳವಾಗಿದೆ. ಸಾಯಿ ಬಾಬಾ ಹದಿನಾರು ವರ್ಷದವರಿದ್ದಾಗ ತಪಸ್ಸು ಮಾಡಿದ್ದರೆಂದು ನಂಬಲಾದ ಬೇವಿನ ಮರವೂ ಧಾರ್ಮಿಕ ಮಹತ್ವ ಪಡೆದಿದೆ. ಅಷ್ಟೇ ಅಲ್ಲದೆ ಸಾಯಿ ಬಾಬಾರಿಗೆ ನೆರಳು ನೀಡಿತ್ತೆಂಬ ಕಾರಣದಿಂದ ಈ ರೆಂಬೆಯ ಎಲೆಗಳು ಸಿಹಿಯಾಗಿದೆ ಎಂದೂ ಉಳಿದ ರೆಂಬೆಗಳ ಎಲೆಗಳು ಕಹಿಯಾಗಿವೆ ಎಂದೂ ಜನರು ನಂಬುತ್ತಾರೆ. ಈ ಮರ ಇಂದಿಗೂ ಜೀವಂತವಿದ್ದು ಭಕ್ತರು ಎಲೆಗಳನ್ನು ಸೇವಿಸಲು ಉತ್ಸುಕರಾಗಿರುತ್ತಾರೆ.

ಸಾಯಿ ಬಾಬಾ

ರಾಮೇಶ್ವರಂ ದೇವಾಲಯ ತಮಿಳುನಾಡು ರಾಜ್ಯದ ಭೂಪಟ ನೋಡಿದರೆ ಸೂಜಿಯಂತೆ ಒಂದು ಭಾಗ ಶ್ರೀಲಂಕಾದತ್ತ ಚಾಚಿದ್ದು ಆ ಮುಳ್ಳಿನ ತುತ್ತ ತುದಿಯಲ್ಲಿರುವ ರಾಮೇಶ್ವರಂನಲ್ಲಿರುವ ಶಿವನ ದೇವಾಲಯ ಒಂದು ಜ್ಯೋತಿರ್ಲಿಂಗವಿರುವ ದೇವಾಲಯವಾಗಿದೆ. ಇಡಿಯ ವಿಶ್ವದಲ್ಲಿ ಒಟ್ಟು ಹನ್ನೆರಡು ಜ್ಯೋತಿರ್ಲಿಂಗಗಳಿದ್ದು ಇದರಲಿ ರಾಮೇಶ್ವರಂ ದೇವಾಲಯ ಪ್ರಮುಖವಾಗಿದೆ. ರಾಮಾಯಣದ ಪ್ರಕಾರ ಲಂಕೆಯ ಯುದ್ಧದ ಸಮಯದಲ್ಲಿ ಬ್ರಾಹ್ಮಣನೊಬ್ಬನನ್ನು ವಧಿಸಿದ ಪಾಪದಿಂದ ಮುಕ್ತಿ ಪಡೆಯಲು ಶಿವನಲ್ಲಿ ಪ್ರಾರ್ಥಿಸಲು ಈ ಸ್ಥಳವನ್ನು ಆಯ್ದುಕೊಂಡಿದ್ದ ಎಂದು ನಂಬಲಾಗಿದೆ.