For Quick Alerts
ALLOW NOTIFICATIONS  
For Daily Alerts

ನವರಾತ್ರಿ ಉಪವಾಸ: ಸೇವಿಸಬಹುದಾದ, ಸೇವಿಸಲೇಬಾರದ ಆಹಾರಗಳು, ಹೀಗಿರಲಿ ದಿನಚರಿ

|

ದೇಶಾದ್ಯಂತ ಆಚರಿಸುವ ಪವಿತ್ರ ನವರಾತ್ರಿಯ ಹಬ್ಬವನ್ನು ಆಡಂಬರದಿಂದ ಆಚರಿಸಲಾಗುತ್ತದೆ. ಆದರೆ ಈ ಬಾರಿ ಕೊರೋನಾ ಕಾರಣದಿಂದ ಎಲ್ಲರೂ ಸರಳವಾಗಿ ಹಾಗೂ ಮನೆಗೆ ಮಾತ್ರ ಸೀಮಿತವಾಗಿ ಹಬ್ಬವನ್ನು ಆಚರಿಸಬೇಕಿದೆ. ಆದರೆ ಮನೆಗೆ ಸೀಮಿತ ಎಂದು ಕೆಲವು ಸಂಪ್ರದಾಯ, ಪದ್ಧತಿಗಳನ್ನು ಬಿಡಲಾಗುವುದಿಲ್ಲ. ನವರಾತ್ರಿಗೆ ಸಂಬಂಧಿಸಿದ ಅಂಥಾ ನಂಬಿಕೆಯಲ್ಲಿ ಉಪವಾಸ ಪ್ರಮುಖವಾದದ್ದು.

ಮಹಿಳೆಯರು ತಮ್ಮ ವ್ರತ, ಪದ್ಧತಿ, ಸಾಮರ್ಥ್ಯಕ್ಕೆ ಅನುಗುಣವಾಗಿ ಉಪವಾಸವನ್ನು ಆಚರಿಸುತ್ತಾರೆ. ಇದರಲ್ಲಿ ಕೆಲವರು ಒಂಬತ್ತು ದಿನಗಳ ಕಾಲ ಉಪವಾಸ ಮಾಡುತ್ತಾರೆ, ಅದರಲ್ಲೂ ಒಂದು ಹೊತ್ತು, ಎರಡು ಅಥವಾ ಮೂರು ಹೊತ್ತು ಹೀಗೆ ತಮ್ಮ ಆರೋಗ್ಯ, ಅನುಕೂಲಕ್ಕೆ ತಕ್ಕಂತೆ ಮಾಡುತ್ತಾರೆ. ಆದರೆ ಅಂತಹ ಪರಿಸ್ಥಿತಿಯಲ್ಲಿ ನಿಮ್ಮ ಆರೋಗ್ಯದ ಬಗ್ಗೆ ಕಾಳಜಿ ವಹಿಸುವುದು ಸಹ ಅಗತ್ಯವಾಗಿರುತ್ತದೆ.

ಇದಕ್ಕಾಗಿ ನೀವು ಏನು ತಿನ್ನಬೇಕು ಮತ್ತು ಯಾವುದನ್ನು ತಪ್ಪಿಸಬೇಕು ಮತ್ತು ದಿನಚರಿ ಹೇಗೆ ಇರಬೇಕು ಎಂಬುದನ್ನು ನೀವು ತಿಳಿದುಕೊಳ್ಳಬೇಕು. ಈ ಲೇಖನದಲ್ಲಿ ಈ ವಿಷಯಗಳ ಬಗ್ಗೆ ಮಾಹಿತಿಯನ್ನು ನೀಡಲಿದ್ದೇವೆ:

ಉಪವಾಸ ಮಾಡುವಾಗ ಈ ವಿಷಯಗಳನ್ನು ನೆನಪಿನಲ್ಲಿಡಿ:

ಉಪವಾಸ ಮಾಡುವಾಗ ಈ ವಿಷಯಗಳನ್ನು ನೆನಪಿನಲ್ಲಿಡಿ:

  • ಉಪವಾಸದ ಸಮಯದಲ್ಲಿ ಬೆಳಿಗ್ಗೆ ಏನನ್ನೂ ತಿನ್ನದೇ ಖಾಲಿ ಹೊಟ್ಟೆಯಲ್ಲಿ ಇರುವುದು ದೊಡ್ಡ ತಪ್ಪು. ದಿನವಿಡೀ ನಿಮ್ಮನ್ನು ನೀವು ಶಕ್ತಿಯುತವಾಗಿಡಲು ಹಣ್ಣಿನ ರಸ, ಹಾಲು ಮತ್ತು ಸಾಕಷ್ಟು ನೀರು ಅತ್ಯಗತ್ಯ. ಹಸಿದ ಹೊಟ್ಟೆಯಲ್ಲಿರುವುದರಿಂದ ತಲೆ ಭಾರ ಮತ್ತು ಹೆದರಿಕೆ ಮುಂತಾದ ಸಮಸ್ಯೆಗಳು ಎದುರಾಗಬಹುದು.
  • ಉಪವಾಸದ ಸಮಯದಲ್ಲಿ ನಿಮ್ಮ ದೇಹಕ್ಕೆ ಹೆಚ್ಚಿನ ಶಕ್ತಿಯ ಅಗತ್ಯವಿರುತ್ತದೆ. ಈ ಸಂದರ್ಭದಲ್ಲಿ ಅತಿಯಾದ ಕೆಲಸ, ಮಾನಸಿಕ ಗೊಂದಲ, ಕಿರಿಕಿರಿಯ ಜೀವನಕ್ರಮ ನಿಮಗೆ ಹಾನಿಕಾರಕವಾಗಿದೆ. ಯೋಗ ಮತ್ತು ಲಘು ವ್ಯಾಯಾಮದ ಮೂಲಕ ಬೆಳಿಗ್ಗೆಯನ್ನು ಆರಂಭಿಸಿ.
  • ಉಪವಾಸದ ಹೆಸರಿನಲ್ಲಿ ಜಂಗ್‌ ಫುಡ್‌ ಸೇವನೆ ಆರೋಗ್ಯಕ್ಕೆ ಹಾನಿಕರ. ಇದು ಆಮ್ಲೀಯತೆ, ಹೊಟ್ಟೆಯ ಅನಿಲ ಮತ್ತು ವಾಂತಿಗೆ ಕಾರಣವಾಗಬಹುದು. ಉಪವಾಸದ ಸಮಯದಲ್ಲಿ ದಿನಕ್ಕೆ ಒಮ್ಮೆ ಮಾತ್ರ ತಿನ್ನಿರಿ. ಸಣ್ಣ ಹಸಿವಿಗೆ ಹಣ್ಣುಗಳು ಮತ್ತು ಡ್ರೈ ಫ್ರೂಟ್ಸ್‌ಗಳನ್ನು ಸೇವಿಸಿ.
  • ಉಪವಾಸದ ಸಮಯದಲ್ಲಿ ಹೊಸ ಹೊಸ ಆಹಾರಗಳಪ್ರಯೋಗ ಬೇಡ. ಇದಲ್ಲದೆ, ಉಪವಾಸದ ಸಮಯದಲ್ಲಿ ಬೆಳಗಿನ ಉಪಾಹಾರಕ್ಕೆ ಹಾಲು ಬೆಸ್ಟ್ ಆಹಾರ.
ಉಪವಾಸದ ಸಮಯದಲ್ಲಿ ಎಂಥಾ ಆಹಾರ ಸೇವನೆ ಉತ್ತಮ

ಉಪವಾಸದ ಸಮಯದಲ್ಲಿ ಎಂಥಾ ಆಹಾರ ಸೇವನೆ ಉತ್ತಮ

  • ಜೀವಸತ್ವಗಳನ್ನು ಹೊಂದಿರುವ ಹಣ್ಣುಗಳು ದಿನವಿಡೀ ನಿಮ್ಮನ್ನು ಆರೋಗ್ಯಕರ ಮತ್ತು ಶಕ್ತಿಯುತವಾಗಿರಿಸುತ್ತದೆ. ಈ ಸಮಯದಲ್ಲಿ ಕನಿಷ್ಠ 1 ಬಾರಿಯಾದರೂ ಹಣ್ಣು ತಿನ್ನಿರಿ. ನವರಾತ್ರಿ ಉಪವಾಸದ ಸಮಯದಲ್ಲಿ ಸೇಬು, ಬಾಳೆಹಣ್ಣು, ಸಪೋಟ, ಪಪ್ಪಾಯಿ, ಕಲ್ಲಂಗಡಿ ಮತ್ತು ದ್ರಾಕ್ಷಿಯನ್ನು ತಿನ್ನಬಹುದು. ನೀವು ಬಯಸಿದರೆ, ನೀವು ತಾಜಾ ಹಣ್ಣಿನ ರಸವನ್ನು ಸಹ ಕುಡಿಯಬಹುದು.
  • ಉಪವಾಸದ ಸಮಯದಲ್ಲಿ ಜಂಗ್‌ ಫುಡ್‌ ಬದಲಿಗೆ ಸಾಬುದಾನಿ ಆಹಾರವನ್ನು ಸೇವಿಸಿ. ಇದು ನಿಮಗೆ ಸಾಕಷ್ಟು ಪ್ರೋಟೀನ್ ನೀಡುತ್ತದೆ ಮತ್ತು ನಿಮ್ಮ ಹೊಟ್ಟೆ ದೀರ್ಘಕಾಲದವರೆಗೆ ಹಸಿವನ್ನು ತಡೆಯುವಂತೆ ಮಾಡುತ್ತದೆ.
  • ಸಂಜೆ ಚಹಾದೊಂದಿಗೆ, ನೀವು ಅವಲಕ್ಕಿಯ ಖಾದ್ಯಗಳನ್ನು ಲಘು ಆಹಾರವಾಗಿ ತೆಗೆದುಕೊಳ್ಳಬಹುದು. ಟೇಸ್ಟಿ ಆಗಿರುವುದರ ಜೊತೆಗೆ, ಇದು ಪೌಷ್ಠಿಕಾಂಶವೂ ಆಗಿದೆ, ಇದು ಉಪವಾಸದ ಸಮಯದಲ್ಲಿ ದೇಹಕ್ಕೆ ಶಕ್ತಿ ಮತ್ತು ಪೋಷಣೆಯನ್ನು ನೀಡುತ್ತದೆ.
  • ಡ್ರೈ ಫ್ರೂಟ್ಸ್‌ಗಳಾದ ಕಿವಿ ಹಣ್ಣು, ಒಣದ್ರಾಕ್ಷಿ, ಏಪ್ರಿಕಾಟ್, ಅಂಜೂರದ ಹಣ್ಣುಗಳು, ಒಣದ್ರಾಕ್ಷಿ, ಬೆರ್ರಿಹಣ್ಣುಗಳು ಇತ್ಯಾದಿಗಳನ್ನು ನಿಮ್ಮ ಆಹಾರದಲ್ಲಿ ಸೇರಿಸಿ.
  • ಮೊಸರು ಪ್ರೋಟೀನ್, ಕ್ಯಾಲೊರಿ ಮತ್ತು ಶಕ್ತಿಯನ್ನು ಹೊಂದಿರುತ್ತದೆ. ಇದಲ್ಲದೆ ಇದು ಹೆಚ್ಚು ಬಾಯಾರಿಕೆಯನ್ನು ತಡೆಯುತ್ತದೆ ಮತ್ತು ನಿಮ್ಮ ಹೊಟ್ಟೆ ಸಹ ತುಂಬಿದಂತಾಗುತ್ತದೆ. ಅಲ್ಲದೆ, ಹೆಚ್ಚಿನ ಕಾರ್ಬೋಹೈಡ್ರೇಟ್ ಮತ್ತು ಕಡಿಮೆ ಕೊಬ್ಬು ಇರುವುದರಿಂದ ನಿಮಗೆ ಪೂರ್ಣ ಶಕ್ತಿಯನ್ನು ನೀಡಲು ಸಹಾಯ ಮಾಡುತ್ತದೆ. ನಿಮಗೆ ಬೇಕಾದರೆ, ಖೀರ್ ತಯಾರಿಸುವ ಮೂಲಕ ನೀವು ಅದನ್ನು ತಿನ್ನಬಹುದು.
  • ಆಲೂಗಡ್ಡೆಯಲ್ಲಿ ಕಬ್ಬಿಣ, 70% ನೀರು, ಕ್ಯಾಲ್ಸಿಯಂ, ರಂಜಕ, ಪೊಟ್ಯಾಸಿಯಂ, ಬೀಟಾ ಕ್ಯಾರೋಟಿನ್, ಕಬ್ಬಿಣ, ವಿಟಮಿನ್ ಬಿ ಮತ್ತು ಸಿ ಇರುತ್ತವೆ, ಇದು ನಿಮ್ಮ ಆರೋಗ್ಯಕ್ಕೆ ಬಹಳ ಪ್ರಯೋಜನಕಾರಿ.
ಉಪವಾಸದ ಸಮಯದಲ್ಲಿ ಇವುಗಳನ್ನು ತಪ್ಪಿಸಲೇಬೇಕು

ಉಪವಾಸದ ಸಮಯದಲ್ಲಿ ಇವುಗಳನ್ನು ತಪ್ಪಿಸಲೇಬೇಕು

  • ಈ ಉಪವಾಸದ ಸಮಯದಲ್ಲಿ ಅನೇಕರು ಆಲೂಗಡ್ಡೆಯಿಂದ ಮಾಡಿದ ಫ್ರೈಡ್ ಖಾದ್ಯಗಳನ್ನು ತಿನ್ನಲು ಇಷ್ಟಪಡುತ್ತಾರೆ, ಇದು ಆರೋಗ್ಯಕ್ಕೆ ತುಂಬಾ ಅಪಾಯಕಾರಿ. ಈ ಸಂದರ್ಭದಲ್ಲಿ, ನೀವು ಆರೋಗ್ಯಕರ ವಸ್ತುಗಳನ್ನೇ ಆಯ್ಕೆ ಮಾಡಿದರೆ ಉತ್ತಮವಾಗಿರುತ್ತದೆ.
  • ತಜ್ಞರ ಪ್ರಕಾರ, ಉಪವಾಸದ ಸಮಯದಲ್ಲಿ ಚಹಾ-ಕಾಫಿಯನ್ನು ಸೇವಿಸಬಾರದು. ಏಕೆಂದರೆ ಇದು ಮಲಬದ್ಧತೆ, ಗ್ಯಾಸ್ಟ್ರಿಕ್ ಮತ್ತು ಆಮ್ಲೀಯತೆಯಂತಹ ಸಮಸ್ಯೆಗಳನ್ನು ಉಂಟುಮಾಡುತ್ತದೆ. ಇದಲ್ಲದೆ, ನೀವು ನಿದ್ರೆ ಮಾಡದಿರುವ ಸಮಸ್ಯೆಯನ್ನೂ ಎದುರಿಸಬೇಕಾಗುತ್ತದೆ.
  • ಖಾಲಿ ಹೊಟ್ಟೆಯಲ್ಲಿ ಸಿಹಿ ಪದಾರ್ಥಗಳನ್ನು ಸೇವಿಸುವುದು ಅಪಾಯಕಾರಿ. ಇದರಿಂದ ದೇಹದಲ್ಲಿನ ರಕ್ತದಲ್ಲಿನ ಸಕ್ಕರೆಯ ಪ್ರಮಾಣ ಹೆಚ್ಚಾಗುತ್ತದೆ ಮತ್ತು ಕಣ್ಣುಗಳಿಗೆ ಸಂಬಂಧಿಸಿದ ಅನೇಕ ಸಮಸ್ಯೆಗಳಿರುವ ಅಪಾಯವಿದೆ.
  • ಈ ಸಮಯದಲ್ಲಿ, ಆಲ್ಕೊಹಾಲ್ ಮತ್ತು ಧೂಮಪಾನವನ್ನು ಕಡ್ಡಾಯವಾಗಿ ತಪ್ಪಿಸಬೇಕು.
English summary

Navratri Fasting Rules : Know What to Eat and What to Avoid to Remain Healthy

Here we are discussing about Navratri Fasting Rules : Know What to Eat and What to Avoid to Remain Healthy. we are going to give you information about these things so that you can observe Navratri fast with good health. Read more.
X