ಸ್ವರ್ಗದಲ್ಲಿರುವ ನಿಮ್ಮ ಪಿತೃಗಳು ಈ ನಾಲ್ಕು ಸಂದರ್ಭಗಳಲ್ಲಿ ನಿಮ್ಮನ್ನು ಭೇಟಿಯಾಗಬಹದು!

ಏಕಾಂಗಿಯಾದಾಗ

ಏಕಾಂಗಿಯಾಗಿರುವಂತಹ ಸಮಯದಲ್ಲಿ ನಮ್ಮನ್ನು ಬಿಟ್ಟುಹೋಗಿರುವ ಹಿರಿಯರ ಜತೆಗೆ ಭಾವನಾತ್ಮಕವಾಗಿ ಬೆಸೆದುಕೊಳ್ಳಬಹುದು ಎಂದು ಹೇಳಲಾಗುತ್ತದೆ. ಆದರೆ ನಾವು ಈ ಸಂದರ್ಭದಲ್ಲಿ ಹೆದರಬಾರದು. ಯಾಕೆಂದರೆ ಇವರು ನಮ್ಮ ಜೀವನದಲ್ಲಿ ಬೆಂಬಲ ನೀಡಲು ಕಾಣಿಸುವರು. ನಾವು ಭೀತಿಯಿಲ್ಲದೆ, ತುಂಬಾ ಸಂತೋಷವಾಗಿ ಅವರನ್ನು ನೋಡಲು ಬಯಸಿದರೆ ಖಂಡಿತವಾಗಿಯೂ ಅವರ ಉಪಸ್ಥಿತಿಯು ಕಂಡುಬರುವುದು. ಆದರೆ ಪ್ರತಿಯೊಬ್ಬರಿಗೂ ಅವರ ಉಪಸ್ಥಿತಿಯು ಗೊತ್ತಾಗದು.

ನಿದ್ರೆಯಲ್ಲಿ ಇರುವಾಗ ಅಥವಾ ಕನಸಿನಲ್ಲಿ…

ಕೆಲವು ಜನರು ನಡುರಾತ್ರಿಯಲ್ಲಿ ಎದ್ದು ತುಂಬಾ ಚುರುಕು, ತಾಜಾ ಹಾಗೂ ಚಟುವಟಿಕೆಯಿಂದ ಇರುವಂತಹ ಭಾವನೆಯಾಗುತ್ತದೆ ಎಂದು ಹೇಳುವರು. ಇದು ಸಾಮಾನ್ಯವಾಗಿ ಮುಂಜಾನೆ 3 ಗಂಟೆಯಿಂದ 5 ಗಂಟೆ ಮಧ್ಯೆ ನಡೆಯುವುದು. ಹಿರಿಯರು ನಮ್ಮನ್ನು ಭೇಟಿಯಾಗಲು ಬರುವ ವೇಳೆ ಇದು ನಡೆಯುತ್ತದೆ ಎಂದು ಹೇಳಲಾಗುತ್ತದೆ. ಅದಾಗ್ಯೂ, ನಾವು ಗಾಢನಿದ್ರೆಯಲ್ಲಿರುವಾಗ ಅವರು ನಮ್ಮನ್ನು ಭೇಟಿಯಾಗಲು ಬರುವರು ಎಂದು ಹೇಳಲಾಗುತ್ತದೆ. ಆದರೆ ಇಂತಹ ಭಾವನೆಗಳಿಗೆ ಇದು ಒಂದೇ ಕಾರಣವಲ್ಲ.

ಜೀವನದ ಸಂಕಷ್ಟದ ಸಮಯದಲ್ಲಿ

ವ್ಯಕ್ತಿಯೊಬ್ಬನು ಜೀವನದ ತುಂಬಾ ಕಠಿಣ ಸಮಯವನ್ನು ಎದುರಿಸುತ್ತಿರುವಾಗ, ಎಲ್ಲಾ ಸಮಸ್ಯೆಗಳಿಗೆ ಯಾವುದೇ ಪರಿಹಾರಗಳು ಇಲ್ಲದೆ ಇರುವಾಗ, ಯಾವುದೇ ರೀತಿಯ ನೆರವು ಸಿಗದೆ ಇರುವಾಗ ಮತ್ತು ಎಲ್ಲರೂ ಆತನ ವಿರುದ್ಧವೇ ಮಾತನಾಡುತ್ತಿರುವಾಗ ಹಿರಿಯರು ಬಂದು ನಿಮ್ಮನ್ನು ಭೇಟಿಯಾಗುವರು ಎಂದು ಹೇಳಲಾಗುತ್ತದೆ. ಇಂತಹ ಸಂಕಷ್ಟದ ಸಮಯದಲ್ಲಿ ಅವರು ಬಂದು ನೆರವಾಗುವರು ಎಂದು ಹೇಳಲಾಗುತ್ತದೆ.

ಕುಟುಂಬದ ಕಾರ್ಯಕ್ರಮದ ವೇಳೆ

ಯಾವುದೇ ರೀತಿಯ ಕುಟುಂಬದ ಕಾರ್ಯಕ್ರಮಗಳು ಇರುವಾಗ ನಾವು ಹಿರಿಯರಿಂದ ಆಶೀರ್ವಾದ ಪಡೆದುಕೊಳ್ಳಬೇಕು. ಈ ವೇಳೆ ಹಿರಿಯರು ಬಂದು ತಮ್ಮ ಮಕ್ಕಳಿಗೆ ಆಶೀರ್ವಾದ ಮಾಡುವರು ಎಂದು ಹೇಳಲಾಗುತ್ತದೆ. ಕೆಲವು ಜನರು ಇವರ ಆಗಮನವನ್ನು ಗಮನಿಸುವರು. ಆದರೆ ಎಲ್ಲರಿಗೂ ಇದು ಸಾಧ್ಯವಿಲ್ಲ. ಇವರು ಕೆಲವೇ ಕ್ಷಣಗಳಿಗಾಗಿ ಬರುವರು ಮತ್ತು ಆಶೀರ್ವಾದ ನೀಡಿ ಹೋಗುವರು ಎಂದು ಹೇಳಲಾಗುತ್ತದೆ.