Just In
Don't Miss
- News ಕುಡುಕರಿಗೆ ಎಣ್ಣೆ ಸಿಗುತ್ತಿಲ್ಲ, ಪರದಾಟ ನೋಡಲು ಆಗುತ್ತಿಲ್ಲ!
- Movies Bhagyalakshmi: ಶ್ರೇಷ್ಠಾ-ತಾಂಡವ್ ಮದುವೆಗೆ ಕುಸುಮಾ ಹಾರೈಕೆ; ಸತ್ಯ ಗೊತ್ತಾದ್ರೆ ಐತೆ ಮಾರಿ ಹಬ್ಬ!
- Sports DC vs GT IPL 2024: ಅಕ್ಷರ್, ಪಂತ್ ಭರ್ಜರಿ ಬ್ಯಾಟಿಂಗ್; ಗುಜರಾತ್ಗೆ ಸವಾಲಿನ ಗುರಿ ನೀಡಿದ ಡೆಲ್ಲಿ
- Technology ಒಪ್ಪೋ ಫೈಂಡ್ X7 ಅಲ್ಟ್ರಾ ಕ್ಯಾಮೆರಾ: ಮೊಬೈಲ್ ಫೋಟೋಗ್ರಫಿಗೆ ಅತ್ಯುತ್ತಮ ಫೋನ್!
- Automobiles ಸ್ವಂತ ದುಡಿಮೆಯಲ್ಲಿ ಹೊಸ ಕಾರು ಖರೀದಿಸಿ ಯುವ ನಟಿಯ ಭಾವನಾತ್ಮಕ ಪೋಸ್ಟ್
- Finance ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಹಣ, ಶ್ರಮ ಉಳಿಸಲು ಅಡುಗೆ ಮನೆಯಲ್ಲಿ ಸಾಮಗ್ರಿ ಹೀಗೆ ಜೋಡಿಸಿ
ದಿನವೂ ಯಾವು ಅಡುಗೆ ಮಾಡುವುದು, ಏನು ತಯಾರಿಸುವುದು, ಆ ದಿನಸಿ ಇಲ್ಲ, ಈ ಅಡುಗೆ ಮಾಡಲು ಇನ್ನಷ್ಟು ಸಾಮಗ್ರಿಗಳು ಬೇಕು, ಆದರೇ ತಕ್ಷಣವೇ ತರಲು ಸಾಧ್ಯವಿಲ್ಲ.. ಹೀಗೆ ಅಡುಗೆ ಮನೆಗೆ ಕಾಲಿಟ್ಟರೆ ಸಾಕು ಹೆಂಗಸರಿಗೆ ನೂರಾರು ಸಮಸ್ಯೆಗಳು ಎದುರಾಗುತ್ತವೆ. ಆದರೆ ಇದಕ್ಕೆಲ್ಲ ಒಂದು ಪರಿಹಾರವೆಂದರೆ ಅಡುಗೆ ಉಗ್ರಾಣದಲ್ಲಿ ಪದಾರ್ಥಗಳ ಸಂಗ್ರಹ!
ವಾರಕ್ಕೆ ಊಟವನ್ನು ತಯಾರಿಸುವುದಿರಲಿ ಅಥವಾದಿನವೂ ತಯಾರಿಸುವುದಿರಲಿ, ನಿಮ್ಮ ಅಡುಗೆ ಮನೆಯ ಉಗ್ರಾಣದಲ್ಲಿ ಆರೋಗ್ಯಕರ ಪದಾರ್ಥಗಳನ್ನು ಸಂಗ್ರಹಿಸಿಡುವುದರಿಂದ ಆರೋಗ್ಯಕರ ಅಡುಗೆಯನ್ನು ತಯಾರಿಸುವುದು ಅತ್ಯಂತ ಸುಲಭ.
ನಿಮಗೆ ನಿಮ್ಮ ಉಗ್ರಾಣದಲ್ಲಿ ಹೇಗೆ ಪದಾರ್ಥಗಳನ್ನು ಶೇಖರಿಸಿಡಬಹುದು ಎಂಬ ಮಾರ್ಗದರ್ಶನವನ್ನು ನಾವಿಲ್ಲಿ ನೀಡುತ್ತಿದ್ದೇವೆ. ಆರಂಭದಲ್ಲಿ ಪೂರ್ವಭಾವಿಯಾಗಿ ಸಾಮಗ್ರಿಗಳನ್ನು ಸಂಗ್ರಹಿಸುವುದು ನಂತರ ಅಡುಗೆ ಮಾಡುವುದು ನಿಮಗೆ ಕಷ್ಟವೆನಿಸಿದರೂ ಈ ಕೆಲವು ಸೂಚನೆಗಳು ಖಂಡಿತವಾಗಿಯೂ ನಿಮ್ಮ ಗೊಂದಲಗಳನ್ನು ದೂರಮಾಡಬಲ್ಲದು.
ನಿಮ್ಮ ದಿನಸಿ ಪಟ್ಟಿಯನ್ನು ಕಡಿಮೆ ಮಾಡುತ್ತದೆ
ನೀವು ಎಂದಾದರೂ ಪಾಕವಿಧಾನವನ್ನು ನೋಡಿ ಅದನ್ನು ತಯಾರಿಸಲು ನೀವು ಖರೀದಿಸಬೇಕಾದ ಪದಾರ್ಥಗಳ ಸಂಖ್ಯೆಯ ಬಗ್ಗೆ ಹೆಚ್ಚು ತಲೆಕೆಡಿಸಿಕೊಂಡಿದ್ದೀರಾ? ಆದರೆ ಇದಕ್ಕೆ ಇಲ್ಲಿದೆ ಉಚಿತ ಮಾರ್ಗ. ಮನೆಯಲ್ಲಿ ಕೆಲವು ಅಗತ್ಯ ಪದಾರ್ಥಗಳನ್ನು, ವಿಶೇಷವಾಗಿ ಮಸಾಲೆಗಳು ಮತ್ತು ಗಿಡಮೂಲಿಕೆಗಳನ್ನು ಇಟ್ಟುಕೊಳ್ಳುವುದರ ಮೂಲಕ, ಆ ಹೊಸ ಮತ್ತು ಸುದೀರ್ಘವಾದ ಪಾಕವಿಧಾನಗಳನ್ನು ಅತ್ಯಂತ ಸುಲಭವಾಗಿ ತಯಾರಿಸಿಕೊಳ್ಳಬಹುದು.
ಊಟದ ಯೋಜನೆಗೆ ಸಹಾಯ ಮಾಡುತ್ತದೆ
ನಿರ್ದಿಷ್ಟ ರಾತ್ರಿ ಅಥವಾ ವಾರದಲ್ಲಿ ಊಟಕ್ಕೆ ಏನು ಮಾಡಬೇಕೆಂದು ನೀವು ಚಿಂತಿಸುತ್ತಿದ್ದರೆ, ಅದಕ್ಕೆ ಪ್ರಥಮವಾಗಿ ಮಾಡಬೇಕಾದ ವಿಷಯವೆಂದರೆ ಅಡುಗೆ ಉಗ್ರಾಣ, ಫ್ರಿಡ್ಜ್ ಮತ್ತು ಫ್ರೀಜರ್ ಗಳ ಕಡೆಗೆ ಒಮ್ಮೆ ಕಣ್ಣಾಯಿಸಿ. ಈ ಮೂಲಕ ನೀವು ಈಗಾಗಲೇ ನಿಮ್ಮಲ್ಲಿರುವ ವಸ್ತುಗಳನ್ನು ಬಳಸಿ ಸಂಭಾವ್ಯ ಪಾಕವಿಧಾನಗಳನ್ನು ಮಾಡಲು ಪ್ರಾರಂಭಿಸಬಹುದು.
ಕೊನೆಯ ನಿಮಿಷದಲ್ಲೂ ಊಟ ತಯಾರಿಸಬಹುದು
ಸಾಮಾನ್ಯವಾಗಿ ರಾತ್ರಿ ತಡವಾಗಿ ಮನೆಗೆ ಬಂದಾಗ ನಾವೆಲ್ಲರೂ ಆ ರಾತ್ರಿ ಊಟಕ್ಕೇನು ಮಾಡುವುದು ಎಂದು ಯೋಚಿಸುತ್ತೇವೆ. ಆಗ ದಿನಸಿ ಅಂಗಡಿಗೆ ಹೋಗಲೂ ಸಹ ಸಮಯವಿರುವುದಿಲ್ಲ. ಆ ಸಮಯದಲ್ಲಿ ಹೊರಗಿನಿಂದ ಊಟವನ್ನು ತರಿಸಲು ಪ್ರಯತ್ನಿಸುತ್ತೇವೆ. ಆದರೆ ಅದರ ಬದಲು ನಿಮ್ಮ ಮನೆಯಲ್ಲಿಯೇ ಇರುವ ಪದಾರ್ಥಗಳ ಬಗ್ಗೆ ನಿಮಗೆ ತಿಳಿದಿದ್ದರೆ, ಸುಲಭವಾಗಿ ಸಂಯೋಜಿಸಬಹುದಾದ ಪದಾರ್ಥಗಳಿಂದ ಸರಳ ಅಡುಗೆಯನ್ನು ಮಾಡಬಹುದು.
ಆರೋಗ್ಯಕರ ತಿಂಡಿಗೆ ಇಲ್ಲಿದೆ ಪರಿಹಾರ
ತಿಂಡಿ ವಿಷಯಕ್ಕೆ ಬಂದಾಗ, ನಮ್ಮಲ್ಲಿ ಹೆಚ್ಚಿನವರು ಹಸಿವಿನಿಂದ ಬಳಲುತ್ತಿರುವಾಗ ಕಿರಾಣಿ ಅಂಗಡಿಗೆ ಹೋಗುವುದು ಸಾಧ್ಯವಿಲ್ಲ. ಬದಲಾಗಿ, ನಮ್ಮ ಅಡುಗೆಮನೆಯಲ್ಲಿ ಈಗಾಗಲೇ ಇರುವ ಪದಾರ್ಥಗಳನ್ನೇ ಹುಡುಕುತ್ತೇವೆ. ಹಾಗಾಗಿ ಹಣ್ಣು, ಚೀಸ್, ಮತ್ತು ಬೀಜಗಳಂತಹ ಪದಾರ್ಥಗಳನ್ನು ಮನೆಯಲ್ಲಿ ಇಟ್ಟುಕೊಂಡಿದ್ದರೆ ಆರೋಗ್ಯಕರ ಆಯ್ಕೆಗಳನ್ನು ಮಾಡುವುದು ಸುಲಭವಾಗುತ್ತದೆ.
ನಿಮ್ಮ ಹಣವನ್ನು ಉಳಿಸುತ್ತದೆ
ನಿಮ್ಮ ಅಡಿಗೆ ದಾಸ್ತಾನು ಸಂಗ್ರಹಿಸಲು ಆರಂಭಿಕ ಹೂಡಿಕೆ ಇದ್ದರೂ, ಕಾಲಾನಂತರದಲ್ಲಿ ಅದು ನಿಮ್ಮ ಹಣವನ್ನು ಉಳಿಸಬಹುದು. ಹೆಚ್ಚುವರಿ ಕೊಡುಗೆಗಳಿರುವ ಸಮಯದಲ್ಲಿ ಹೆಚ್ಚು ಸಂಗ್ರಹ ಮಾಡಿಕೊಂಡರೆ ಅದು ಹಣ ಉಳಿಸಲು ಸಹಾಯಮಾಡುತ್ತದೆ.
ಒಟ್ಟಿನಲ್ಲಿ, ನೀವು ಈಗ ಯಾವ ಆಹಾರಗಳನ್ನು ಸಾಮಗ್ರಿಗಳನ್ನು ಸಂಗ್ರಹಿಸಿ ಇಟ್ಟುಕೊಳ್ಳಬೇಕೆಂಬುದರ ಪಟ್ಟಿ ನಿಮ್ಮಕೈಯಲ್ಲಿದೆ, ನೀವು ಮುಂದೆ ಖರೀದಿಗೆ ಹೋದಾಗ ನಿಮಗೆ ಯಾವ ಸಾಮಗ್ರಿಗಳು ಬೇಕು ಯಾವುದು ಬೇಡ ಎಂಬುದರ ಬಗ್ಗೆ ಹೆಚ್ಚಿನ ಅರಿವು ನಿಮಗಾಗುತ್ತದೆ.