ಮನೆಯಲ್ಲಿ ಇಂತಹ ಪೈಂಟಿಂಗ್‪ಗಳಿದ್ದರೆ-ಮೊದಲು ಹೊರಗಡೆ ಹಾಕಿ!!

ನಟರಾಜ

ನಟರಾಜವು ನೃತ್ಯರೂಪದಲ್ಲಿ ಶಿವ ದೇವರನ್ನು ಪ್ರತಿನಿಧಿಸುವರು. ಈ ಕಲಾಕೃತಿಯು ಎಷ್ಟೇ ಸುಂದರವಾಗಿ ಕಾಣಿಸಿದರೂ ಶಿವನ ಸಿಟ್ಟಿನ ರೂಪವಾಗಿದೆ. ಶಿವ ತುಂಬಾ ಕೋಪಗೊಂಡು, ಧ್ವಂಸ ಮಾಡುವರು. ಕೋಪದಲ್ಲಿರುವ ದೇವರ ಚಿತ್ರಗಳು ಮನೆಗೆ ಒಳ್ಳೆಯದಲ್ಲವೆಂದು ಪರಿಗಣಿಸಲಾಗಿದೆ.

ಉಗ್ರ ಪಾಣಿಗಳು

ಪ್ರಾಣಿಗಳ ಕಲಾಕೃತಿಗಳೂ ಎಷ್ಟೇ ಸುಂದರವಾಗಿದ್ದರೂ ಹಿಂಸೆ ಮಾಡುವ ಪ್ರಾಣಿಗಳು ಹಿಂಸೆಯನ್ನೇ ಸೂಚಿಸುವುದು. ಇದನ್ನು ಮನೆಯಲ್ಲಿ ಇಟ್ಟರೆ ಅದರಿಂದ ಮನೆಮಂದಿ ಮಧ್ಯೆ ಜಗಳ ಹಾಗೂ ತಪ್ಪು ಗ್ರಹಿಕೆ ಉಂಟಾಗಬಹುದು. ಇದು ಮನೆಯಲ್ಲಿ ಜನರ ಕೋಪವನ್ನು ಉತ್ತೇಜಿಸುವುದು.

ಮಹಾಭಾರತದ ದೃಶ್ಯಗಳು

ಮಹಾಭಾರತವು ಹಿಂದೂಗಳಿಗೆ ತುಂಬಾ ಪವಿತ್ರವೆಂದು ಪರಿಗಣಿಸಿದರೂ ಇದರ ದೃಶ್ಯಗಳು ಅಥವಾ ಪೈಂಟಿಂಗ್ ಗಳನ್ನು ಮನೆಯಲ್ಲಿ ಇಡಬಾರದು. ಮಹಾಭಾರತದ ಸಂದೇಶವು ಧನಾತ್ಮಕವಾಗಿದ್ದರೂ ಅದರಿಂದ ಬರುವ ತರಂಗಗಳು ನಕಾರಾತ್ಮಕವಾಗಿರುವುದು ಮತ್ತು ಇದರಿಂದ ಸಮಸ್ಯೆ, ಜಗಳ ಹಾಗೂ ಮನಸ್ತಾಪ ಕಾಡುವುದು. ಈ ಪೈಂಟಿಂಗ್ ಕುಟುಂಬ ಸದಸ್ಯರ ನಡುವಿನ ಜಗಳಕ್ಕೆ ಕಾರಣವಾಗಬಹುದು.

ಮ್ಯಾಜಿಕ್ ಅಥವಾ ಯುದ್ಧ

ಮಹಾಭಾರತದಂತೆ ಬೇರೆ ಯುದ್ಧದ ಕಲಾಕೃತಿಗಳು ಕೂಡ ನಕಾರಾತ್ಮಕತೆ ಉಂಟು ಮಾಡುವುದು. ಇದರಿಂದ ಮನೆಯಲ್ಲಿ ಶಾಂತಿ ನೆಮ್ಮದಿ ಹಾಳಾಗಬಹುದು. ಇದರಿಂದಾಗಿ ಕುಟುಂಬ ಸದಸ್ಯರ ಮಧ್ಯೆ ಜಗಳವಾಗಬಹುದು. ದೆವ್ವಗಳ ಕಲಾಕೃತಿಗಳನ್ನು ಕೂಡ ಇಡಬಾರದು. ಇದು ಕೂಡ ನಕಾರಾತ್ಮಕತೆ ಉಂಟು ಮಾಡುವುದು.

ಹರಿಯುವ ನೀರು

ಹರಿಯುವ ನೀರು ಅಸ್ಥಿರತೆಯ ಸಂಕೇತವಾಗಿದೆ. ಹರಿಯುವ ನೀರಿನ ಕಲಾಕೃತಿಯು ತುಂಬಾ ಅಪವಿತ್ರವೆಂದು ಪರಿಗಣಿಸಲಾಗಿದೆ. ಇದರಿಂದಾಗಿ ಮನೆಯಲ್ಲಿ ಆರ್ಥಿಕ ಅಸ್ಥಿರತೆ ಉಂಟಾಗಬಹುದು. ಮನೆಯಿಂದ ಹಣವು ಹೊರಗೆ ಹರಿದುಹೋಗುವುದು.

ಮುಳುಗುವ ಹಡಗು

ಮುಳುಗುವ ಹಡಗು ತೊಂದರೆ ಮತ್ತು ಅವಘಡದ ಸೂಚನೆ. ಇಂತಹ ಯಾವುದೇ ರೀತಿಯ ಕಲಾಕೃತಿ ಅಥವಾ ಫೋಟೊಗಳನ್ನು ಮನೆಯಲ್ಲಿ ಇಟ್ಟುಕೊಳ್ಳಬಾರದು. ಇದರಿಂದ ನಿಮ್ಮ ಮನೆಯ ಸಂತೋಷವೇ ಮುಳುಗಿಹೋಗಬಹುದು.

ತಾಜ್ ಮಹಲ್

ತಾಜ್ ಮಹಲ್ ತುಂಬಾ ಸುಂದರ ಕಟ್ಟಡ ಎನ್ನುವುದರಲ್ಲಿ ಎರಡು ಮಾತಿಲ್ಲ. ಆದರೆ ಇದನ್ನು ರಾಜ ಶಾಹಜಹಾನ್ ತನ್ನ ಪತ್ನಿಯ ಸಮಾಧಿ ಮೇಲೆ ಕಟ್ಟಿಸಿದ. ಇಂತಹ ಕಲಾಕೃತಿಗಳು ನಕಾರಾತ್ಮಕತೆ ತರುವುದು. ಸಮಾಧಿ ಅಥವಾ ಸ್ಮಶಾನದ ಪೈಂಟಿಂಗ್ ಮನೆಯಲ್ಲಿ ಇಡಬಾರದು. ಇದರಿಂದ ಇದನ್ನು ಮನೆಯಲ್ಲಿ ಇಡಬಾರದು.