ಬಟ್ಟೆ ಮೇಲಿನ ಬೆವರಿನ ಕಲೆ ತೊಲಗಿಸುವುದು ಹೇಗೆ?

1. ಬಟ್ಟೆಯನ್ನು 10 ನಿಮಿಷ ನಿಂಬೆರಸ ಬೆರೆಸಿದ ನೀರಿನಲ್ಲಿ ಅಥವಾ ಸೊಡಾ ಬೆರೆಸಿದ ನೀರಿನಲ್ಲಿ ನೆನೆಸಬೇಕು. ಇದು ಬೆವರಿನ ಕಲೆಯನ್ನು ಹೋಗಲಾಡಿಸಿ ಬಟ್ಟೆಗೆ ತಾಜಾ ಗಂಧ ನೀಡುತ್ತದೆ.

2. ಬೆವರಿನ ಕಲೆ ಹೋಗಲಾಡಿಸಲು ಬ್ರಶ್ ಉಪಯೋಗಿಸುವುದಕ್ಕಿಂತ ಕೈಯ್ಯಲ್ಲೇ ಒಗೆದರೆ ಉತ್ತಮ. ಇದು ಬಟ್ಟೆಯನ್ನು ಹೆಚ್ಚು ಕಾಲ ಬಾಳಿಕೆ ಬರುವಂತೆ ಮಾಡುತ್ತದೆ.

3. ಬಟ್ಟೆ ಒಗೆದ ನಂತರ ಬಟ್ಟೆಗೆ ಇರುವ ಕಂಡೀಶನರ್ ಬಳಸಿದರೆ ಬಟ್ಟೆಗಳು ತಾಜಾ ಮತ್ತು ಸುಗಂಧಭರಿತವಾಗಿರುತ್ತದೆ.

4. ಗಾಢ ಬಣ್ಣದ ಬಟ್ಟೆಗಳು ಒಗೆಯುತ್ತಾ ಒಗೆಯುತ್ತಾ ಬಣ್ಣ ಮಾಸುತ್ತದೆ. ಆದ್ದರಿಂದ ಇಂತಹ ಬಟ್ಟೆಗಳನ್ನು ಉಪ್ಪು ಬೆರೆಸಿದ ನೀರಿನಲ್ಲಿ ನೆನೆಸಿ ಒಗೆದರೆ ಬಹುಕಾಲ ಬಣ್ಣ ಮಾಸದಿರುವಂತೆ ನೋಡಿಕೊಳ್ಳುತ್ತದೆ.

5. ತುಂಬಾ ಬೆಲೆ ಬಾಳುವ ಸಿಲ್ಕ್ ಮತ್ತು ಹತ್ತಿ ಬಟ್ಟೆಗಳನ್ನು ಡ್ರೈ ವಾಶ್ ಗೆ ನೀಡುವುದೇ ಉತ್ತಮ.

6. ಬೆವರಿನ ಕಲೆ ಆಗುವುದಕ್ಕೆ ಮುನ್ನವೇ ಅದನ್ನು ತಡೆಯುವ ಹಲವು ಮಾರ್ಗಗಳಿವೆ. ಬೆವರಾಗದಿರಲೆಂದು ಲಭ್ಯವಿರುವ ಪ್ಯಾಡ್ ಗಳನ್ನು ತೊಟ್ಟುಕೊಂಡರೆ, ಬೆವರು ಬಟ್ಟೆಗೆ ತಾಕುವುದಿಲ್ಲ.