ಮುಟ್ಟಿನ ಸಮಯದಲ್ಲಿ ಅತೀ ಕಡಿಮೆ ರಕ್ತಸ್ರಾವ, ಏನಾದರೂ ಸಮಸ್ಯೆ ಇದೆಯೇ?

ಈ ಲಕ್ಷಣಗಳು ಕಂಡು ಬಂದರೆ ಆತಂಕ ಉಂಟಾಗುವುದು

* ಎರಡು ದಿನಕ್ಕಿಂತ ಕಡಿಮೆ ರಕ್ತಸ್ರಾವವಾಗುತ್ತಿದ್ದರೆ

* ಒಂದು ಕಲೆಯಷ್ಟೆ ಕಂಡು ರಕ್ತಸ್ರಾವವಾಗದೇ ಇದ್ದಾಗ

* ತಿಂಗಳಿಗೆ ಸರಿಯಾಗಿ ಮುಟ್ಟಾಗದೇ ಇದ್ದಾಗ

*ಅವಧಿಗೆ ಮುನ್ನವೇ ಮುಟ್ಟಾಗುವುದು ಹಾಗೂ ರಕ್ತಸ್ರಾವ ತುಂಬಾ ಕಡಿಮೆ ಇರುವುದು

ಈ ರೀತಿ ಆಗುತ್ತಿದ್ದು ಕಾರಣವೇನೆಮದು ತಿಳಿಯದಿದ್ದರೆ ವೈದ್ಯರನ್ನು ಭೇಟಿಯಾಗಿ ಪರೀಕ್ಷೆ ಮಾಡಿಸಬೇಕು.

ರಕ್ತಸ್ರಾವ ಕಡಿಮೆಯಾಗಲು ಈ ಕೆಳಗಿನ ಕಾರಣಗಳಿರಬಹುದು:

* ವಯಸ್ಸು: ಮೆನೋಪಾಸ್‌ ಸಮೀಸುತ್ತಿದ್ದಂತೆ ರಕ್ತಸ್ರಾವ ಕಡಿಮೆಯಾಗುವುದು.

* ತೂಕ ಹಾಗೂ ಆಹಾರಕ್ರಮ: ಮೈ ತೂಕ ಹೆಚ್ಚಾದರೆ ಮುಟ್ಟು ಅನಿಯಮಿತವಾಗಬಹುದು.

* ಎದೆ ಹಾಲುಣಿಸುತ್ತಿದ್ದರೆ: ಮಗುವಿಗೆ ಎದೆಹಾಲುಣಿಸುತ್ತಿದ್ದರೆ ವ್ಯತ್ಯಾಸ ಕಂಡು ಬರುವುದು. ಆಗ ತಲೆಕೆಡಿಸಿಕೊಳ್ಳಬೇಕಾಗಿಲ್ಲ. ಎದೆಹಾಲು ಕೊಡುವುದನ್ನು ನಿಲ್ಲಿಸಿದ ಬಳಿಕ ಸರಿಯಾಗುವುದು.

*ಗರ್ಭನಿರೋಧಕ ವಿಧಾನ ಅನುಸರಿಸುತ್ತಿದ್ದರೆ

* ಮಾತ್ರೆ ತೆಗೆದುಕೊಳ್ಳುವುದು

* ಇತರ ವಿಧಾನಗಳನ್ನು ಅಳವಡಿಸಿಕೊಂಡಿದ್ದರೆ

* ಮಾನಸಿಕ ಒತ್ತಡ: ಅತೀಯಾದ ಮಾನಸಿಕ ಒತ್ತಡವಿದ್ದಾಗ ರಕ್ತಸ್ರಾವ ಕಡಿಮೆಯಾಗುವುದು.

* ಅತ್ಯಧಿಕ ವ್ಯಾಯಾಮ ಮಾಡಿದಾಗ: ತುಂಬಾ ಅಧಿಕ ವ್ಯಾಯಾಮ ಮಾಡುವವರ ಮುಟ್ಟಿನ ಚಕ್ರದಲ್ಲಿ ವ್ಯತ್ಯಾಸ ಉಂಟಾಗುವುದು.

ತಿನ್ನುವ ಕಾಯಿಲೆ: ಅನೊರೆಕ್ಸಿಯಾ ನರ್ವೋಸಾ, ಬುಲೇಮಿಯಾ ಮುಂತಾದ ತಿನ್ನುವ ಕಾಯಿಲೆ ಇದ್ದರೆ ಮುಟ್ಟಿನಲ್ಲಿ ವ್ಯತ್ಯಾಸ ಉಂಟಾಗುವುದು.

ಥೈರಾಯ್ಡ್, ಪಿಸಿಒಎಸ್‌ ಸಮಸ್ಯೆಯಿದ್ದಾಗ

ಥೈರಾಯ್ಡ್‌, ಪಿಸಿಒಎಸ್ ಸಮಸ್ಯೆಯಿದ್ದಾಗ ಈ ರೀತಿ ಮುಟ್ಟಿನಲ್ಲಿ ವ್ಯತ್ಯಾಸ ಉಂಟಾಗುವುದು. ಹಾರ್ಮೋನ್‌ಗಳ ಬದಲಾವಣೆಯಿಂದಾಗಿ ಈ ರೀತಿ ಉಂಟಾಗುತ್ತದೆ. ದೇಹದಲ್ಲಿ ಅಂಡಾಣುಗಳು ಉತ್ಪತ್ತಿಯನ್ನು ತಡೆಗಟ್ಟುತ್ತದೆ, ಮುಟ್ಟಿನ ಚಕ್ರದ ಮೇಲೆ ಪರಿಣಾಮ ಬೀರುವುದು. ಇದರಿಂದ ಸಂತಾನೋತ್ಪತ್ತಿಗೆ ತೊಂದರೆಯಾಗುವುದು.

ಯಾವಾಗ ವೈದ್ಯರನ್ನು ಕಾಣಬೇಕು?

* 3 ತಿಂಗಳಿನಿಂದ ನೀವು ಮುಟ್ಟೇ ಆಗಿಲ್ಲ, ಆದರೆ ನೀವು ಗರ್ಭಿಣಿಯಲ್ಲ ಎಂದಾದರೆ ವೈದ್ಯರನ್ನು ಭೇಟಿಯಾಗಿ.

* ಅನಿಯಮಿತ ಮುಟ್ಟಿನ ಸಮಸ್ಯೆ

* ಮುಟ್ಟಿನ ಚಕ್ರದ ಮಧ್ಯದಲ್ಲಿ ರಕ್ತಸ್ರಾವ ಕಂಡು ಬರುವುದು (ಆದರೆ ಮುಟ್ಟು ನಿಂತ ಮೇಲೆ ಕೆಲ ದಿನ ಬಿಟ್ಟು ರಕ್ತಸ್ರಾವ ಂಡು ಬರುವುದು)

*ಮುಟ್ಟಿನ ಸಮಯದಲ್ಲಿ ತುಂಬಾ ನೋವು

ಕೊನೆಯದಾಗಿ: ಮುಟ್ಟಿನ ಸಮಸ್ಯೆ ಕಂಡು ಬಂದರೆ ನಿರ್ಲಕ್ಷ್ಯ ಮಾಡದೆ ವೈದ್ಯರಿಗೆ ತೋರಿಸಿ. ಕೆಲವೊಂದು ಸಮಸ್ಯೆಗೆ ಸಕಾಲದಲ್ಲಿ ಚಿಕಿತ್ಸೆ ಪಡೆದರೆ ಬೇಗನೆ ಗುಣಪಡಿಸಬಹುದು.