ಕೊರೊನಾ ರೂಪಾಂತರ ಹರಡುವ ವೇಗ ಶೇ,70ರಷ್ಟು ಅಧಿಕ: ಮೈಮರತರೆ ಅಪಾಯ ಗ್ಯಾರಂಟಿ!

ಏನಿದು ಹೊಸ ತಳಿಯ ಕೊರೋನಾ?:

ಒಂದು ವೈರಸ್ ದೇಹವನ್ನು ಸೇರಿದಾಗ ಅದು ಲಕ್ಷಾಂತರ ವೈರಸ್ ಉತ್ಪಾದಿಸುತ್ತದೆ. ಈ ವೈರಸ್ ಎಲ್ಲವೂ ಒಂದೇ ಬಗೆಯದು ಆಗಿರುವುದಿಲ್ಲ, ಇದು ಮತ್ತೆ-ಮತ್ತೆ ಉತ್ಪಾದನೆಯಾದಾಗ ಆ ವೈರಸ್‌ನಲ್ಲಿ ಬೇರೆಯದೇ ಗುಣಲಕ್ಷಣಗಳು ಕಂಡು ಬರುವುದು, ಇದುವೇ ವೈರಸ್ ರೂಪಾಂತರವಾಗುವುದು.

ವೈರಸ್ ರೂಪಾಂತರವಾಗುವುದು ಸಾಮಾನ್ಯ ಪ್ರಕ್ರಿಯೆ. ಈ ರೀತಿ ರೂಪಾಂತರಗೊAಡ ವ್ಯರಸ್ ಎಲ್ಲವೂ ಅಪಾಯಕಾರಿಯಾಗಿರುವುದಿಲ್ಲ. ಕೆಲವೊಂದು ಬೇಗನೆ ನಾಶವಾದರೆ ಕೆಲವೊಂದು ಮಾತ್ರ ತೀವ್ರ ಸ್ವರೂಪ ಪಡೆದು ಮತ್ತಷ್ಟು ಅಪಾಯಕಾರಿಯಾಗುತ್ತವೆ. ಬ್ರಿಟನ್‌ನಲ್ಲಿ ಕಂಡು ಬಂದಿರುವುದು ಕೊರೋನಾ ವೈರಸ್‌ನ ಅಂಥದ್ದೇ ರೂಪಾಂತರವಾಗಿದೆ.

ಈ ಹಿಂದಿಗಿಂತ ಶೇ.70ರಷ್ಟು ವೇಗವಾಗಿ ಹರಡುವುದು:

ಹೌದು, ರೂಪಾಂತರಗೊಂಡ ಈ ಕೊರೊನಾ ಸೂಪರ್ ಸ್ಪೆçಡರ್ ಆಗಿ ಪರಿವರ್ತನೆಯಾಗಿದೆ. ಅಂದ್ರೆ ಈ ಹಿಂದಿಗಿಂತ ಸುಮಾರು ಶೇ.70ರಷ್ಟು ಹರಡುವಿಕೆಯ ಪ್ರಮಾಣ ಹೆಚ್ಚಿದೆ ಅಂತ ಅಧ್ಯಯನಗಳು ಹೇಳಿವೆ. ಒಬ್ಬರಿಗೆ ಕೊರೊನಾ ಅಟ್ಯಾಕ್ ಆದ್ರೆ ಬೇಗನೆ ಮತ್ತೊಬ್ಬರಿಗೆ ಸೋಂಕು ತಗುಲಬಹುದು. ವೈರಸ್‌ನಲ್ಲಿ ಸುಮಾರು 17ಬದಲಾವಣೆಗಳು ಕಂಡುಬಂದಿದ್ದು, ಒಂದು ಬದಲಾವಣೆಯು ಎನ್ 501ವೈ ಆಗಿದೆ. ಇದು ಮಾನವ ಜೀವಕೋಶಗಳಿಗೆ ಪ್ರವೇಶಿಸುವ ವೈರಸ್‌ಗೆ ಕಾರಣವಾಅಗಿದೆ. ಇದು ನಮ್ಮ ದೇಹದಲ್ಲಿ ವೈರಸ್ ಪ್ರವೇಶಿಸುವ ಪ್ರವೃತ್ತಿಯನ್ನು ಹೆಚ್ಚಿಸುತ್ತದೆ. ಇದರಿಂದ ಹೆಚ್ಚು ಜನರಿಗೆ ಸೋಂಕು ತಗುಲುವ ಸಾಧ್ಯತೆ ಅಷ್ಟೇ ಹೆಚ್ಚಾಗಿದೆ.

ಸಾವಿನ ಪ್ರಮಾಣ ಕಡಿಮೆ:

ಈ ಹೊಸ ತಳಿಯ ಕೊರೊನಾದ ಹರಡುವಿಕೆಯ ಪ್ರಮಾಣ ಹೆಚ್ಚಾಗಿದ್ದರೂ ಆತಂಕ ಪಡುವ ಅಗತ್ಯವಿಲ್ಲ. ಯಾಕಂದ್ರೆ ಇದು ತೀವ್ರತೆಯ ಮೇಳೆ ಪರಿಣಾಮ ಬೀರುವುದಿಲ್ಲ. ಸಾವಿನ ಸಂಖ್ಯೆಯಾಗಲಿ ಅಥವಾ ಆಸ್ಪತ್ರೆಗೆ ದಾಖಲಾಗುವ ಪ್ರಮಾಣವು ಜಾಸ್ತಿಯಾಗುವುದಿಲ್ಲ. ಆದ್ದರಿಂದ ಯಾರೂ ಆತಂಕ ಪಡುವ ಅಗತ್ಯವಿಲ್ಲ. ಸೂಕ್ತ ಚಿಕಿತ್ಸೆ ತೆಗೆದುಕೊಂಡರೆ ಇದರಿಂದ ಪಾರಾಗಬಹುದು.

ಭಾರತಕ್ಕೆ ಸ್ವಲ್ಪ ರಿಲೀಫ್:

ಬ್ರಿಟನ್‌ನಲ್ಲಿ ಕಂಡುಬಂದ ಈ ಹೊಸ ಕೊರೊನಾ ಭಾರತದಲ್ಲಿ ಇನ್ನೂ ಕಂಡುಬಂದಿಲ್ಲ. ಆದ್ದರಿಂದ ಜನರು ಹೆಚ್ಚು ಭಯ ಪಡುವ ಅಗತ್ಯವಿಲ್ಲ. ಆದರೆ ಬ್ರಿಟನ್‌ನಿಂದ ಈಗಾಗಲೇ ಹಲವಾರು ಜನರು ದೇಶಕ್ಕೆ ಬಂದಿಳಿದಿದ್ದಾರೆ. ಅವರನ್ನು ಪತ್ತೆ ಹಚ್ಚಿ ತಪಾಸಣೆ ನಡೆಸಲಾಗುತ್ತಿದೆ. ಹಾಗಂತ ಯಾವುದನ್ನು ನಿರ್ಲಕ್ಷಿಸಬಾರದು. ತಮ್ಮ ತಮ್ಮ ಆರೋಗ್ಯವನ್ನು ಕಾಪಾಡಿಕೊಳ್ಳುವ ಜವಾಬ್ದಾರಿ ಅವರವರ ಮೇಲೆಯೇ ಇದೆ. ಆದ್ದರಿಂದ ವ್ಯವಹಾರ ನಡೆಸುವಾಗ ಸೂಕ್ತ ಮುಂಜಾಗೃತ ಕ್ರಮಗಳನ್ನು ತೆಗೆದುಕೊಳ್ಳುವುದು ಅಗತ್ಯವಾಗಿದೆ.