ಮಂಕಿಪಾಕ್ಸ್: ಸಲಿಂಗಿಗಳು, ಮಾಂಸಾಹಾರಿಗಳಿಗೆ ಈ ಕಾಯಿಲೆ ಹರಡುವುದೇ? ಮಂಗನಿಂದ ಇದು ಹರಡುತ್ತಿಯೇ?

ಸುಳ್ಳು ಸುದ್ದಿ 1

ಮಂಕಿಪಾಕ್ಸ್‌ ಮಂಕಿಗಳಿಂದ ಮಾತ್ರ ಹರಡುತ್ತಿದೆ

ಈ ಕಾಯಿಲೆಯ ಹೆಸರು ಮಂಕಿಪಾಕ್ಸ್‌,ಆಗಿರುವ ಕಾರಣ ಇದು ಮಂಗಗಳಿಂದ ಹರಡುತ್ತಿದೆ ಎಂದು ಕೆಲವರು ತಪ್ಪಾಗಿ ಭಾವಿಸುತ್ತಿದ್ದಾರೆ. ಮಂಕಿಪಾಕ್ಸ್‌ ಯಾವುದೇ ಪ್ರಾಣಿಗಳಿಂದಲೂ ಮನುಷ್ಯನಿಗೆ ಹರಡಬಹುದು. ಮಂಕಿಪಾಕ್ಸ್‌ ಸೋಂಕು ತಗುಲಿರುವ ಪ್ರಾಣಿಯ ಮಾಂಸ ಸೇವನೆಯಿಂದ ಅಥವಾ ಆ ಪ್ರಾಣಿಯನ್ನು ಮುಟ್ಟುವುದು, ಅದರ ಮಲ, ಮೂತ್ರ ತಾಗಿದಾಗ ಹರಡುವುದು.

ಸುಳ್ಳು ಸುದ್ದಿ 2

ಮಾಂಸಾಹಾರ ಸೇವನೆಯಿಂದ ಮಂಕಿಪಾಕ್ಸ್ ಹರಡುವುದು

ಮಾಂಸಾಹಾರ ಸೇವನೆಯಿಂದ ಮಂಕಿಪಾಕ್ಸ್‌ ಹರಡುತ್ತಿಲ್ಲ. ಮಂಕಿಪಾಕ್ಸ್‌ ವೈರಸ್‌ ತಗುಲಿರುವ ಪ್ರಾಣಿಯ ಮಾಂಸಾ ಸೇವನೆ ಮಾಡಿದಾಗ ಹರಡುವುದು, ಮಾಂಸಾ ಚೆನ್ನಾಗಿ ಬೆಂದಿದ್ದರೆ ಭಯವಿಲ್ಲ. ಈ ಸಮಯದಲ್ಲಿ ಯಾವುದೇ ಪ್ರಾಣಿಯ ಮಾಂಸಾಹಾರ ಸೇವಿಸುವುದಾದರೆ ಚೆನ್ನಾಗಿ ಬೇಯಿಸಿ ತಿನ್ನಿ.

ಸುಳ್ಳು ಸುದ್ದಿ 3

ಆಸ್ಟ್ರಾಜೆನಿಕಾ ಕೋವಿಡ್ ಲಸಿಕೆಯಿಂದಾಗ ಮಂಕಿಪಾಕ್ಸ್ ಬರುತ್ತಿದೆ

ಪ್ರಮುಖವಾಗಿ ಬ್ರಿಟನ್‌ನಲ್ಲಿ ಈ ಬಗೆಯ ಸುಳ್ಳು ಸುದ್ದಿಗಳು ಹರಡುತ್ತಿದೆ. ತಜ್ಞರು ಇದನ್ನು ಸ್ಪಷ್ಟವಾಗಿ ಅಲ್ಲಗಳೆದಿದ್ದು ಈ ಬಗೆಯ ಸುಳ್ಳು ಸುದ್ದಿ ಹರಡದಂತೆ ಜನರಲ್ಲಿ ಕೇಳಿಕೊಂಡಿದ್ದಾರೆ.

ಸುಳ್ಳು ಸುದ್ದಿ 4

ಮಂಕಿಪಾಕ್ಸ್‌ ಕೋವಿಡ್‌ 19ಗಿಂತ ಭಯಾನಕ

ಮಂಕಿಪಾಕ್ಸ್‌ ಕೋವಿಡ್‌ 19ನಷ್ಟು ಭೀಕರವಾಗಿಲ್ಲ ಎಂದು NTAGI (National Technical Advisory Group on Immunisation) ಹೇಳಿದೆ. ಆದರೆ ಇದು ಹರಡುತ್ತಿರುವುದು ಆತಂಕ ಹೆಚ್ಚಿಸಿದೆ. ಭಾರತದಲ್ಲಿ ಇದುವರೆಗೆ ಮಂಕಿಪಾಕ್ಸ್ ಪತ್ತೆಯಾಗಿಲ್ಲ.

ಸುಳ್ಳು ಸುದ್ದಿ 5

ಗೇ ಅಥವಾ ಬೈಸೆಕ್ಷ್ಯೂಯಲ್‌ ಪುರುಷರಿಗೆ ಮಾತ್ರ ಹರಡುವುದು

ಇದು ತಲೆ-ಬುಡವಿಲ್ಲದ ಸುಳ್ಳು-ಸುದ್ದಿಯಾಗಿದೆ. ಕೆಲವು ಗೇ ವ್ಯಕ್ತಿಗಳಲ್ಲೂ ಈ ವೈರಸ್‌ ಕಂಡು ಬಂದಿರುವುದರಿಂದ ಈ ರೀತಿಯ ಸುದ್ದಿ ಹರಡುತ್ತಿದೆ. ಈ ವೈರಸ್‌ಗೆ ಲಿಂಗ ಅಥವಾ ಯಾವುದೇ ಬೇಧವಿಲ್ಲ, ಯಾರಿಗೂ ಬೇಕಾದರೂ ಹರಡಬಹುದು. ಮಂಕಿವೈರಸ್‌ ತಗುಲಿರುವ ವ್ಯಕ್ತಿಯೊಂದಿಗೆ ಲೈಂಗಿಕ ಸಂಪರ್ಕ ಅಥವಾ ಅವರ ದೇಹದ ದ್ರವ ತಾಗಿದಾಗ, ಅವರು ಕೆಮ್ಮಿದಾಗ, ಸೀನಿದಾಗ, ತುಂಬಾ ಹೊತ್ತು ಅವರ ಎದುರು ನಿಂತು ಕೊಂಡರೂ ಮಂಕಿವೈರಸ್‌ ಹರಡುತ್ತದೆ.