ಆರೋಗ್ಯ ವಿಮೆಯಲ್ಲಿ ಮಹತ್ವದ ಬದಲಾವಣೆ..! 65 ವರ್ಷ ಮೇಲ್ಪಟ್ಟವರು ವಿಮೆ ಮಾಡಿಸಬಹುದು..!

ನಮ್ಮ ಜೀವನದಲ್ಲಿ ಬರುವ ಅನೇಕ ಸಮಸ್ಯೆಗಳಿಗೆ ನಮ್ಮಲ್ಲಿ ಸರಿಯಾದ ಪ್ಲಾನಿಂಗ್ ಇಲ್ಲದಿರುವುದು ಕಾರಣ. ಜೀವನ ಹೇಗಾದರೂ ನಡೆಯುತ್ತದೆ ಎನ್ನುವ ಮನೋಭಾವ ಇರುವವನಿಗೆ ಜೀವನದಲ್ಲಿ ಬರುವ ಕಷ್ಟಗಳು ಸವಾಲಾಗುವುದು. ಅದೇ ಮುಂದಿನ ಜೀವನಕ್ಕಾಗಿ ಈ ದಿನ ಯೋಚಿಸುವವನು ಭವಿಷ್ಯದಲ್ಲಿ ಕಷ್ಟಗಳನ್ನು ಸುಲಭವಾಗಿ ಎದುರಿಸುತ್ತಾನೆ. ಆದರೆ ಈ ವಿಷಯವನ್ನು ನಾವು ಯೋಚಿಸುವುದೇ ಇಲ್ಲ.

ಹೀಗಾಗಿ ಭವಿಷ್ಯದ ದೃಷ್ಟಿಯಿಂದ ನಾವು ವಿಮೆಗಳ ಮಾಡಿಸುತ್ತೇವೆ. ಕಷ್ಟಕಾಲದಲ್ಲಿ ವಿಮೆಗಳು ಸಹಾಯಕ್ಕೆ ಬರಲಿದೆ. ಅದರಲ್ಲೂ ಆರೋಗ್ಯ ವಿಮೆ ತುಂಬಾನೆ ಪ್ರಯೋಜನಕಾರಿ. ನಿಮ್ಮಲ್ಲಿ ಆರೋಗ್ಯ ವಿಮೆ ಇಲ್ಲದಿದ್ದರೆ ಮೊದಲು ಮಾಡಿಸಿ. ಯಾರ ಆರೋಗ್ಯ ಯಾವ ಸಮಯದಲ್ಲಿ ಹದಗೆಡುವುದೋ ಹೇಳುವುದು ಅಸಾಧ್ಯ. ಆದ್ದರಿಂದ ಆರೋಗ್ಯ ವಿಮೆ ಅತ್ಯಂತ ಅವಶ್ಯಕವಾದ ಅಂಶವಾಗಿದೆ.

ಆದರೆ ಎಲ್ಲರು ಆರೋಗ್ಯ ವಿಮೆ ಮಾಡಿಸಲು ಅರ್ಹತೆ ಪಡೆದಿರುವುದಿಲ್ಲ. ಭಾರತದಲ್ಲಿ ಈ ಹಿಂದೆ 65 ವರ್ಷ ಮೇಲ್ಪಟ್ಟವರು ಆರೋಗವ್ಯ ವಿಮೆ ಮಾಡಿಸುವಂತಿರಲಿಲ್ಲ. ಆದ್ರೆ ಈಗ ಇದಕ್ಕೆ ತಿದ್ದುಪಡಿ ತರಲಾಗಿದ್ದು, 65 ವರ್ಷ ಮೇಲ್ಪಟ್ಟವರು ಸಹ ಆರೋಗ್ಯ ವಿಮೆ ಮಾಡಿಸಬಹುದು ಎಂದು ವಿಮಾ ನಿಯಂತ್ರಣ ಮತ್ತು ಅಭಿವೃದ್ಧಿ ಪ್ರಾಧಿಕಾರ (IRDAI) ಮಾಹಿತಿ ನೀಡಿದೆ.

ಆರೋಗ್ಯ ವಿಮೆಯನ್ನು ಮಾಡಿಸಲು 65 ವರ್ಷ ವಯಸ್ಸಿನ ಮಿತಿಯನ್ನು ರದ್ದುಗೊಳಿಸಿದೆ, ಇದು ಕವರೇಜ್ ಅನ್ನು ಹೆಚ್ಚು ಪ್ರವೇಶಿಸುವಂತೆ ಮಾಡಿದೆ. ಈ ಕ್ರಮವು ವಯಸ್ಸನ್ನು ಲೆಕ್ಕಿಸದೆ ಎಲ್ಲರಿಗೂ ಅವಕಾಶ ಕಲ್ಪಿಸುವ ಆರೋಗ್ಯ ವ್ಯವಸ್ಥೆಯನ್ನು ರಚಿಸುವ ಗುರಿಯನ್ನು ಹೊಂದಿದೆ ಮತ್ತು ಅನಿರೀಕ್ಷಿತ ವೈದ್ಯಕೀಯ ವೆಚ್ಚಗಳ ಹೊರೆಯನ್ನು ಕಡಿಮೆ ಮಾಡಲಿದೆ.

ಈ ಹಿಂದೆ 65ರ ವರೆಗೆ ಮಾತ್ರ ಹೊಸ ವಿಮೆಯನ್ನು ಪಡೆಯಬಹುದಾಗಿತ್ತು. ಈಗ, ಏಪ್ರಿಲ್ 1 ರಿಂದ ಜಾರಿಗೆ ಬರುವ ಆರೋಗ್ಯ ವಿಮೆಯನ್ನು ಯಾರು ಬೇಕಾದರು ಮಾಡಿಸಬಹುದಾಗಿದೆ. ಹೀಗಾಗಿ ಈ ಯೋಜನೆಯಿಂದ ಲಕ್ಷ ಲಕ್ಷ ಮಂದಿಗೆ ನೆರವಾಗಲಿದೆ. ವಯಸ್ಸಿನ ಕಾರಣದಿಂದಾಗಿ ವಿಮೆಯಿಂದ ಹೊರಗುಳಿದಿದ್ದ ಬಹುತೇಕ ಮಂದಿ ಈಗ ಆರೋಗ್ಯ ವಿಮೆ ಪಡೆಯಲಿದ್ದಾರೆ.

ಹೆಚ್ಚುವರಿಯಾಗಿ, ಆಯುರ್ವೇದ ಮತ್ತು ಯೋಗ ಸೇರಿದಂತೆ ಆಯುಷ್ ಚಿಕಿತ್ಸೆಗಳಿಗೆ ಯಾವುದೇ ಮಿತಿಯಿಲ್ಲ, ಆದರೆ ಲಾಭ-ಆಧಾರಿತ ಪಾಲಿಸಿದಾರರು ವಿವಿಧ ವಿಮಾದಾರರೊಂದಿಗೆ ಬಹು ಕ್ಲೈಮ್‌ಗಳನ್ನು ಸಲ್ಲಿಸಬಹುದು. ಕ್ಯಾನ್ಸರ್, ಹೃದಯ ಅಥವಾ ಮೂತ್ರಪಿಂಡ ವೈಫಲ್ಯ, ಮತ್ತು ಏಡ್ಸ್‌ನಂತಹ ತೀವ್ರ ಕಾಯಿಲೆಗಳು ಸೇರಿದಂತೆ, ಮೊದಲೇ ಅಸ್ತಿತ್ವದಲ್ಲಿರುವ ವೈದ್ಯಕೀಯ ಪರಿಸ್ಥಿತಿಗಳನ್ನು ಹೊಂದಿರುವ ವ್ಯಕ್ತಿಗಳಿಗೂ ಆರೋಗ್ಯ ವಿಮೆ ಒದಗಿಸಲು ವಿಮಾದಾರರು ನೀಡುವುದು ಕಡ್ಡಾಯವಾಗಲಿದೆ. ಹೀಗಾಗಿ ಎಲ್ಲರಿಗೂ ಸಮಗ್ರ ವ್ಯಾಪ್ತಿಯನ್ನು ಖಾತ್ರಿಪಡಿಸುತ್ತದೆ.

ಚಿಕಿತ್ಸೆಯ ವ್ಯಾಪ್ತಿಯನ್ನು ವಿಸ್ತರಿಸುವುದು

ಯಾವುದೇ ಮಿತಿಯಿಲ್ಲದೆ ವಿಮಾ ಮೊತ್ತದವರೆಗೆ ಆಯುರ್ವೇದ, ಯೋಗ, ನ್ಯಾಚುರೋಪತಿ, ಯುನಾನಿ, ಸಿದ್ಧ ಮತ್ತು ಹೋಮಿಯೋಪತಿಯಂತಹ ವ್ಯವಸ್ಥೆಗಳನ್ನು ಒಳಗೊಂಡಿರುವ ಆಯುಷ್ ಚಿಕಿತ್ಸೆಗಳಿಗೆ ಅನಿಯಂತ್ರಿತ ವ್ಯಾಪ್ತಿಯನ್ನು ನಿಯಂತ್ರಣವು ಕಡ್ಡಾಯಗೊಳಿಸುತ್ತದೆ.

ಲಾಭ-ಆಧಾರಿತ ಪಾಲಿಸಿಗಳನ್ನು ಹೊಂದಿರುವ ಪಾಲಿಸಿದಾರರು ಈಗ ವಿವಿಧ ವಿಮಾದಾರರೊಂದಿಗೆ ಬಹು ಕ್ಲೈಮ್‌ಗಳನ್ನು ಸಲ್ಲಿಸಬಹುದು, ಇದು ಹೆಚ್ಚಿನ ನಮ್ಯತೆ ಮತ್ತು ಆಯ್ಕೆಯನ್ನು ಒದಗಿಸುತ್ತದೆ. ಇದಲ್ಲದೆ ವಿಶೇಷ ಹಿರಿಯ ನಾಗರಿಕರ ದೂರುಗಳು ಮತ್ತು ಅನುಮಾನಗಳ ಪರಿಹರಿಸಲು ಹೊಸ ಸಹಾಯವಾಣಿ ಆರಂಭಿಸುವುದಾಗಿಯೂ ವಿಮಾ ನಿಯಂತ್ರಣ ಮತ್ತು ಅಭಿವೃದ್ಧಿ ಪ್ರಾಧಿಕಾರ ತಿಳಿಸಿದೆ.

ಆದರೆ ಈ ಮೊದಲು ನಿಮ್ಮ ಆರೋಗ್ಯ ವಿಮಾ ಪಾಲಿಸಿ ಮಾಡಿಸಬೇಕಾದರೆ ಹಲವು ರೀತಿಯ ನಿಯಮಗಳಿಗೆ ಬದ್ಧರಾಗಬೇಕಿತ್ತು, ಇದರಲ್ಲಿ ಕೆಲವೊಂದಕ್ಕೆ ವಿನಾಯಿತಿ ಸಿಗಲಿದೆ. ಜೊತೆಗೆ ಹಲವು ನಿಯಮದಂದಾಗಿ ಈವರೆಗೆ ವಿಮೆ ಮಾಡಿಸಲು ಸಾಧ್ಯವಾಗದ ಮಂದಿ ಈ ಹೊಸ ನಿಯಮದ ಕಾರಣದಿಂದ ಆರೋಗ್ಯ ವಿಮೆಯತ್ತ ಮುಖಮಾಡಲಿದ್ದಾರೆ. ಇದರಿಂದ ಹೂಡಿಕೆ ಮೇಲೆ ಮತ್ತಷ್ಟು ಹಣ ಹರಿದುಬರಲಿದೆ.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.