ಒಮಿಕ್ರಾನ್: ಲಸಿಕೆ ಪಡೆದವರಲ್ಲಿ ಸೋಂಕು ತಗುಲುವ ಸಾಧ್ಯತೆ 3 ಪಟ್ಟು ಕಡಿಮೆ

ದಕ್ಷಿಣ ಆಫ್ರಿಕದ ಆಸ್ಪತ್ರೆಗಳ ವರದಿ ಏನು ಹೇಳುತ್ತಿದೆ?

ದಕ್ಷಿಣ ಆಫ್ರಿಕದಲ್ಲಿ ಒಮಿಕ್ರಾನ್‌ ವೈರಸ್‌ ಮಾರಾಣಾಂತಿಕವಾಗಿಲ್ಲ. ಅಲ್ಲದೆ ಆಸ್ಪತ್ರೆಯಲಲ್ಲಿ ದಾಖಲಾಗಿರುವವರ ಸಂಖ್ಯೆಯಲ್ಲಿ ಲಸಿಕೆ ಪಡೆದವರಿಗಿಂತ ಲಸಿಕೆ ಪಡೆಯದವರ ಸಂಖ್ಯೆ ಅಧಿಕವಾಗಿದೆ. ಲಸಿಕೆ ಪಡೆದವರಲ್ಲಿ ಒಮಿಕ್ರಾನ್‌ ಗಂಭೀರವಾಗಿ ಪರಿಣಾಮ ಬೀರುತ್ತಿಲ್ಲ ಎಂದು ತಜ್ಞರು ಹೇಳಿದ್ದಾರೆ.

ಲಸಿಕೆ ಎಷ್ಟು ಸುರಕ್ಷತೆಯನ್ನು ನೀಡುತ್ತದೆ?

ಒಂದು ವೇಳೆ ಲಸಿಕೆ ಪಡೆದ ಮೇಲೂ ಡೆಲ್ಟಾ ರೂಪಾಂತರ ತಾಗಿದ್ದರೆ ಕೋವಿಡ್‌ 19ನಿಂದ ಸಾವನ್ನಪ್ಪುವ ಸಾಧ್ಯತೆ 9 ಪಟ್ಟು ಕಡಿಮೆ. ಅಲ್ಲದೆ ಸಂಪೂರ್ಣ ಲಸಿಕೆ (ಎರಡು ಡೋಸ್‌) ಪಡೆದಿದ್ದರೆ ಕೋವಿಡ್ 19 ತಗುಲುವ ಸಾಧ್ಯತೆ 3 ಪಟ್ಟು ಕಡಿಮೆ ಎಂಬುವುದು ಅಧ್ಯಯನದಿಂದ ತಿಳಿದು ಬಂದಿದೆ.

ಕಾರ್ಡಿಫ್‌ ಯೂನಿವರ್ಸಿಟಿಯ ಪ್ರೊ. ಪೌಲ್‌ ಮೋರ್ಗಾನ್‌ ' ಓಮಿಕ್ರಾನ್‌ ವೈರಸ್‌ ಅತ್ಯಂತ ಸೋಂಕುಕಾರಿಯಾಗಿದ್ದರೂ, ಇದರಿಂದ ಸಂಪೂರ್ಣ ನಷ್ಟ (ರೋಗ ನಿರೋಧಕ ಶಕ್ತಿ ಸಂಪೂರ್ಣವಾಗಿ ಕುಗ್ಗಿಸುವುದು) ಆಗುತ್ತಿಲ್ಲ ಎಂದು ಹೇಳಿರುವುದಾಗಿ 'ದಿ ಗಾರ್ಡಿಯನ್ ' ಕೋಟ್ ಮಾಡಿದೆ.

ಲಸಿಕೆ ಪಡೆದವರು, ಹಾಗೂ ಒಮ್ಮೆ ಸೋಂಕು ತಗುಲಿದ್ದು ಲಸಿಕೆ ಪಡೆದವರು

ಲಸಿಕೆ ಇತರ ಕೊರೊನಾ ರೂಪಾಂತರ ತಡೆಗಟ್ಟುವಲ್ಲಿ ಸಮರ್ಥವಾಗಿದೆ ಎಂಬುವುದು ಸಾಬೀತಾಗೊದೆ. ಆದರೆ ಓಮಿಕ್ರಾನ್‌ ಹೊಸ ತಳಿ ದೇಹದ ಮೇಲೆ ದಾಳಿ ಮಾಡಿದಾಗ ನಮ್ಮ ದೇಹದ ರೋಗನಿರೋಧಕ ವ್ಯವಸ್ಥೆ ಗುರಿತಿಸುವುದಿಲ್ಲ. ಆದ್ದರಿಂದ ಲಸಿಕೆ ಪರಿಣಾಮ ಬೀರದೇ ಹೋಗಬಹುದು.

ಒಂದು ವೇಳೆ ಈಗಾಗಲೇ ಡೆಲ್ಟಾ ವೈರಸ್ ತಗುಲಿದ್ದವರು ಕೋವಿಡ್‌ 19 ಲಸಿಕೆ ಪಡೆದಿದ್ದರೆ ಅವರು ಹೆಚ್ಚು ಸುರಕ್ಷಿತ ಎಂದು ತಜ್ಞರು ಅಭಿಪ್ರಾಯ ಪಟ್ಟಿದ್ದಾರೆ.

ಇದುವರೆಗೆ ಲಸಿಕೆ ಪಡೆಯದೇ ಇದ್ದರೆ ಅಪಾಯ ಹೆಚ್ಚು

ನಿಜವಾಗಿ ಆತಂಕ ಪಡಬೇಕಾಗಿರುವುದು ಇದುವರೆಗೆ ಕೊರೊನಾ ಲಸಿಕೆ ಪಡೆಯದೇ ಇರುವವರ ಬಗ್ಗೆ ಆಗಿದೆ. ಏಕೆಂದರೆ ಓಮಿಕ್ರಾನ್ ವಿರುದ್ದ ನೈಸರ್ಗಿಕವಾದ ಅಥವಾ ಲಸಿಕೆಯಿಂದ ಪಡೆದ ರೋಗ ನಿರೋಧಕ ಶಕ್ತಿ ಇಲ್ಲದೇ ಇರುವುದರಿಂದ ಒಮಿಕ್ರಾನ್‌ ತಗುಲಿದರೆ ಆಸ್ಪತ್ರೆಗೆ ದಾಖಲಾಗಬೇಕಾಗುವುದು.

ಒಮಿಕ್ರಾನ್‌ ರೂಪಾಂತ ಊಹಿಸಿದಕ್ಕಿಂತಲೂ ವೇಗವಾಗಿ ಹರಡುತ್ತಿರುವುದರಿಂದ ಲಸಿಕೆ ಪಡೆಯದೇ ಇರುವವರಲ್ಲಿ ಇದು ತುಂಬಾ ಕೆಟ್ಟ ಪರಿಣಾಮ ಬೀರಬಹುದು ಎಂದು ತಜ್ಞರು ಹೇಳುತ್ತಿದ್ದಾರೆ.