Just In
Don't Miss
- Movies ಬಯಸಿದ್ದು ಬಾಲಿವುಡ್ ಸಿನಿಮಾ, ಗೆದ್ದಿದ್ದು ತೆಲುಗು ಸಿನಿಮಾ; ಈ ನಟಿಯ ಭವಿಷ್ಯವೇನು?
- News IT Company: ಐಟಿ-ಬಿಟಿ ಕಂಪನಿಗಳಿಗೆ ಜಲಮಂಡಳಿಯ ನೀರಿನ ಭರವಸೆ
- Sports CSK vs RCB: ದಾಖಲೆಯ ಪುಟ ಸೇರಿದ ಉದ್ಘಾಟನಾ ಪಂದ್ಯ: 16.8 ಕೋಟಿ ಜನರಿಂದ ವೀಕ್ಷಣೆ
- Finance ಮೃತರ ಖಾತೆಯಲ್ಲಿರುವ ಹಣವನ್ನು ಕುಟುಂಬಸ್ಥರು ಡ್ರಾ ಮಾಡಬಹುದಾ, ಬ್ಯಾಂಕ್ ನಿಯಮಾವಳಿ ಏನು ಹೇಳುತ್ತೆ?
- Automobiles ಇನ್ಮುಂದೆ ಟೋಲ್ ಪ್ಲಾಜಾಗಳು ಕಣ್ಮರೆ: ಖುಷಿ ಪಡುವ ಮುನ್ನ ಈ ಸುದ್ದಿ ನೋಡಿ...
- Technology Motorola: ಮೊಟೊರೊಲಾ ಎಡ್ಜ್ 50 ಅಲ್ಟ್ರಾ ಸ್ಮಾರ್ಟ್ಫೋನ್ ಫೀಚರ್ಸ್ ಲೀಕ್! ವಿಶೇಷತೆ ಏನು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಹಿಮೋಫಿಲಿಯಾ Bಗೆ ನೀಡುವ ಜೀನ್ ಥೆರಪಿ ಬೆಲೆ ಕೇಳಿದರೆ ಮೂರ್ಛೆ ಹೋಗುವಿರಿ
ಯುಎಸ್ ಆರೋಗ್ಯ ನಿಯಂತ್ರಣ ಸಂಸ್ಥೆ ಹಿಮೋಫಿಲಿಯಾ B ಕಾಯಿಲೆಗೆ ಸಿದ್ಧಪಡಿಸಿರುವ ಜೀನ್ ಥೆರಪಿ ಔಷಧಿಗೆ ಅನುಮತಿ ಸೂಚಿಸಿದೆ. ಈ ಔಷಧ ಅತ್ಯಂತ ದುಬಾರಿಯಾಗಿದ್ದು ಇದರ ಬೆಲೆ ಒಂದು ಡೋಸ್ಗೆ $3.5 ಮಿಲಿಯನ್ ಇದೆ. ಇಂದಿನ ಬೆಲೆ ಒಂದು ಡಾಲರ್ ಅಂದ್ರೆ (81.73ರೂ), ಹಾಗಾದರೆ ಈ ಔಷಧ ಎಷ್ಟು ದುಬಾರಿಯೆಂಬುವುದು ನೀವೇ ಊಹಿಸಿ. ಲೆಕ್ಕ ಹಾಕಿದರೆ ರೂ. 28,59,06,250.00 ಬರುತ್ತದೆ!
ಹಿಮೋಫಿಲಿಯಾ B ಎಂಬುವುದು ಅಪರೂಪದ ರಕ್ತದ ಕಾಯಿಲೆ, ಈ ಕಾಯಿಲೆ ಇರುವವರಿಗೆ ಇತರರಂತೆ ರಕ್ತ ಹೆಪ್ಪು ಗಟ್ಟುವುದಿಲ್ಲ, ಈ ಸಮಸ್ಯೆ ಇರುವವರಿಗೆ ರಕ್ತ ಹೆಪ್ಪುಗಟ್ಟುವುದೇ ಇಲ್ಲ, ಇದರಿಂದ ಒಂದು ಗಾಯವಾದರೆ ತುಂಬಾನೇ ಕಷ್ಟವಾಗುವುದು.
ಚಿಕ್ಕ ಪುಟ್ಟ ಗಾಯಗಳಾದರೆ ತೊಂದರೆಯೇನು ಇಲ್ಲ, ಆದರೆ ದೇಹದೊಳಗಡೆ ಏನಾದರೂ ಸಮಸ್ಯೆಯಾದರೆ ಮಾತ್ರ ಕಷ್ಟ, ರಕ್ತಸ್ರಾವ ನಿಲ್ಲುವುದೇ ಇಲ್ಲ. ಇದರಿಂದಾಗಿ ಪ್ರಾಣಕ್ಕೆ ಅಪಾಯ ಉಂಟಾಗಬಹುದು.
ಹಿಮೋಫಿಲಿಯ ಯಾರಲ್ಲಿ ಕಂಡು ಬರುತ್ತದೆ? ಹಿಮೋಫಿಲಿಯಾ ಎಂಬುವುದು ವಂಶವಾಹಿಯಾಗಿ ಬರುವ ಸಮಸ್ಯೆಯಾಗಿದೆ. ಇದಕ್ಕೆ ರಕ್ತವನ್ನು ಹೆಪ್ಪುಗಟ್ಟಿಸುವ ಚಿಕಿತ್ಸೆ ಅಗ್ಯತವಿದೆ. ಇದೀಗ ಅಮೆರಿಕದಲ್ಲಿ Hemgenix ಐವಿ ಟ್ರೀಟ್ಮೆಂಟ್ಗೆ ಒಪ್ಪಿಗೆ ಸಿಕ್ಕಿದೆ. ಈ ಸಮಸ್ಯೆ ಹೆಚ್ಚಾಗಿ ಪುರುಷರಲ್ಲಿ ಕಂಡು ಬರುತ್ತದೆ.
ಈ ಚಿಕಿತ್ಸೆ ಪಡೆದರೆ ರಕ್ತ ಹೆಪ್ಪುಗಟ್ಟುವಂತೆ ಮಾಡಿ, ರಕ್ತಸ್ರಾವ ತಡೆಗಟ್ಟಬಹುಉದು.
ಹಿಮೋಫಿಲಿಯ ಲಕ್ಷಣಗಳೇನು:
* ಬಿದ್ದು ಅಥವಾ ಏನಾದರೂ ತಾಗಿ ಗಾಯವಾದಾಗ ರಕ್ತಸ್ರಾವ ನಿಲ್ಲದೇ ಇರುವುದು. ಇವರಿಗೆ ಹಲ್ಲು ಕೀಳಿಸುವುದು ಕೂಡ ಕಷ್ಟ. ಏಕೆಂದರೆ ರಕ್ತಸ್ರಾವ ಪ್ರಾರಂಭವಾದರೆ ನಿಲ್ಲುವುದೇ ಲ್ಲ.
* ಲಸಿಕೆ ಪಡೆದ ಬಳಿಕ ರಕ್ತಸ್ರಾವವಾಗುವುದು
* ಒಂದು ಚಿಕ್ಕ ಗಾಯವಾದರೂ ನಿಲ್ಲದೆ ರಕ್ತ ಸುರಿಯುವುದು
* ಮೂತ್ರದಲ್ಲಿ ರಕ್ತ ಕಂಡು ಬರುವುದು
* ಕಾರಣವಿಲ್ಲದೆ ಮೂಗಿನಲ್ಲಿ ರಕ್ತಸ್ರಾವ
* ಚಿಕ್ಕ ಮಕ್ಕಳಾಗಿದ್ದರೆ ಕಾರಣವಿಲ್ಲದೆ ತುಂಬಾನೇ ಕಿರಿಕಿರಿ ಮಾಡುತ್ತಾರೆ.
ಮೆದುಳಿನಲ್ಲಿ ರಕ್ತಸ್ರಾವ
ಯಾರಿಗೆ ಹಿಮೋಫಿಲಿಯ ಜಾಸ್ತಿ ಆಗಿದೆಯೋ ಅವರಿಗೆ ಮದುಳಿನಲ್ಲೂ ರಕ್ತಸ್ರಾವ ಕಂಡು ಬರಬಹುದು, ಆಗ ಈ ಲಕ್ಷಣಗಳು ಕಂಡು ಬರುವುದು
* ತಲೆನೋವು
* ವಾಂತಿ
* ನಿದ್ದೆ
* ಕಣ್ಣು ಮಂಜಾಗುವುದು
* ಸುಸ್ತು
ಯಾವಾಗ ವೈದ್ಯರಿಗೆ ತೋರಿಸಬೇಕು?
* ಈ ಸಮಸ್ಯೆ ಇರುವವರು ಒಂದು ಪುಟ್ಟ ಗಾಯ ಕೂಡ ಆಗದಂತೆ ತುಂಬಾನೇ ಎಚ್ಚರವಹಿಸಬೇಕು.
* ಒಂದು ಗಾಯವಾದಾಗ ಅದರಿಂದ ರಕ್ತಸ್ರಾವ ನಿಲ್ಲದೇ ಹೋದರೆ ಕೂಡಲೇ ಆಸ್ಪತ್ರೆಗೆ ಹೋಗಿ
* ಸಂಧುಗಳಲ್ಲಿ ಊತ, ಅದನ್ನು ಮುಟ್ಟುವಾಗ ನೋವು ಇದ್ದರೆ ವೈದ್ಯರಿಗೆ ತೋರಿಸಿ.
ಹಿಮೋಫಿಲಿಯಾ ಕುಟುಂಬದಲ್ಲಿ ಯಾರಿಗೂ ಇಲ್ಲದಿದ್ದರೂ ಬರುವುದೇ?
ಕೆಲವರಲ್ಲಿ ಈ ಬಗೆಯ ಸಮಸ್ಯೆ ಉಂಟಾಗುತ್ತದೆ, ಇದಕ್ಕೆ ವೈದ್ಯಕೀಯ ಭಾಷೆಯಲ್ಲಿ acquired hemophilia ಎಂದು ಕರೆಯಲಾಗುವುದು. ಈ ಸಂದರ್ಭಗಳಲ್ಲಿ ಈ ರೀತಿಯಾಗುವುದುಂಟು
* ಹೆರಿಗೆಯ ಸಮಯದಲ್ಲಿ
* ಅಟೊಇಮ್ಯೂನೆ ಕಂಡೀಷನ್
* ಕ್ಯಾನ್ಸರ್
* ಔಷಧ ಅಡ್ಡಪರಿಣಾಮ ಬೀರಿದಾಗ