ಗರ್ಭಕಂಠದ ಕ್ಯಾನ್ಸರ್‌ ಸಂಪೂರ್ಣ ತಡೆಗಟ್ಟಲು ಭಾರತದಲ್ಲಿಯೇ ತಯಾರಾಗಿದೆ ಸರ್ವಿಕಲ್ ಕ್ಯಾನ್ಸರ್ ವ್ಯಾಕ್ಸಿನ್, ಬೆಲೆಯೆಷ್ಟು?

ಹೆಚ್ಚಾಗಿ ಗರ್ಭಕಂಠದ ಕ್ಯಾನ್ಸರ್‌ಗೆ ಬಲಿಯಾಗುತ್ತಿರುವ ಮಹಿಳೆಯರು

ಮಹಿಳೆಯರನ್ನು ಹೆಚ್ಚಾಗಿ ಕಾಡುತ್ತಿರುವ ಕ್ಯಾನ್ಸರ್‌ಗಳಲ್ಲಿ ಸ್ತನ ಕ್ಯಾನ್ಸರ್ ಹಾಗೂ ಗರ್ಭಕಂಠದ ಕ್ಯಾನ್ಸರ್ ಪ್ರಮುಖವಾಗಿದೆ. ಬಾರತದಲ್ಲಿ ಸರ್ವಿಕಲ್‌ ಕ್ಯಾನ್ಸರ್‌ ಹೆಚ್ಚಾಗಿ 15-44 ವರ್ಷದವರಲ್ಲಿ ಕಂಡು ಬರುತ್ತಿದೆ.

ಈ ಲಸಿಕೆ ಭಾರತದ ಮಹಿಳೆಯರ ಆರೋಗ್ಯ ದೃಷ್ಟಿಯಿಂದ ಪ್ರಮುಖವಾಗಿದೆ. ಏಕೆಂದರೆ ಗರ್ಭಕಂಠದ ಕ್ಯಾನ್ಸರ್ ತಡೆಗಟ್ಟುವ ನಿಟ್ಟಿನಲ್ಲಿ ಇದು ಪ್ರಮುಖದ ಹೆಜ್ಜೆಯಾಗಿದೆ. ಈ ಲಸಿಕೆ ಪಡೆಯುವುದರ ಮೂಲಕ ಶೇ. 85-90ರಷ್ಟು ಗರ್ಭಕಂಠದ ಕ್ಯಾನ್ಸರ್‌ ತಡೆಗಟ್ಟಬಹುದಾಗಿದೆ.

ಹದಿಹರೆಯದ ಹೆಣ್ಣು ಮಕ್ಕಳಿಗೆ ಸರ್ವಿಕಲ್‌ ಕ್ಯಾನ್ಸರ್ ಲಸಿಕೆ

ಈ ಲಸಿಕೆಯನ್ನು ಹದಿಹರೆಯದ ಪ್ರಾಯದಲ್ಲಿ ಹೆಣ್ಮಕ್ಕಳಿಗೆ ನೀಡಿದರೆ ಅವರನ್ನು ಸೋಂಕಿನಿಂದ ತಡೆಗಟ್ಟಿ ಮುಂದೆ 30 ವರ್ಷಗಳಲ್ಲಿ ಈ ಗರ್ಭಗಂಠದ ಕ್ಯಾನ್ಸರ್ ಸಂಪೂರ್ಣವಾಗಿ ತಡೆಗಟ್ಟಬಹುದಾಗಿದೆ.

ಆರೋಗ್ಯ ಇಲಾಖೆ qHPVಯನ್ನು 9-14 ವರ್ಷದ ಹೆಣ್ಣು ಮಕ್ಕಳಿಗೆ ನೀಡಲು ಮುಂದಾಗಿದ್ದು ಇನ್ನು 6 ತಿಂಗಳಲ್ಲಿ ಲಸಿಕೆ ದೊರೆಯಲಿದೆ.

2022 ಡಿಸೆಂಬರ್‌ನಲ್ಲಿ 1 ಕೋಟಿ qHPV ಲಸಿಕೆ ನೀಡುವುದಾಗಿ SII ಹೇಳಿದೆ.

ವಿಶ್ವ ಆರೋಗ್ಯ ಸಂಸ್ಥೆಯ ವರದಿ ಪ್ರಕಾರ 2019ರವರೆಗಿನ ಅಂಕಿ ಅಂಶ ನೋಡಿದಾಗ 41, 91,000 ಮಹಿಳೆಯರು ಗರ್ಭಕಂಠದ ಕಾಯಿಲೆಯಿಂದಾಗಿ ಸಾವನ್ನಪ್ಪಿದ್ದಾರೆ.

ಬೆಲೆ ಎಷ್ಟಿರಲಿದೆ?

ಸರ್ವಿಕಲ್‌ ಕ್ಯಾನ್ಸರ್ ಲಸಿಕೆಯ ಬೆಲೆ ₹200-400ರ ಒಳಗೆ ಇರಬಹುದು ಎಂದು ಹೇಳಲಾಗುತ್ತಿದೆ. ಆದರೆ ಇದರ ಬೆಲೆಯನ್ನು ಇನ್ನೂ ನಿಗದಿ ಮಾಡಿಲ್ಲ. ಪ್ರತಿಯೊಬ್ಬರಿಗೂ ಕೊಳ್ಳಲು ಅನುಕೂಲಕರವಾಗುವಂಥ ಬೆಲೆಯನ್ನು ನಿಗದಿ ಮಾಡಲಾಗುವುದು ಎಂದು ಹೇಳಲಾಗುತ್ತಿದೆ. ಸದ್ಯಕ್ಕೆ ಭಾರತದಲ್ಲಿ ₹2,800ಬೆಲೆಯ uadrivalent vaccine ಹಾಗೂ ₹3,299 ಬೆಲೆಯ bivalent vaccine ಲಭ್ಯವಿದ್ದು ಇದು ಬಡ ಹಾಗೂ ಮಧ್ಯಮ ವರ್ಗದ ಕುಟುಂಬದವರಿಗೆ ಸ್ವಲ್ಪ ದುಬಾರಿಯಾಗಿದೆ.

ಇದೀಗ ಭಾರತದಲ್ಲಿ ತಯಾರಾದ ಲಸಿಕೆ ಗರ್ಭಕಂಠದ ಕ್ಯಾನ್ಸರ್ ಸಂಪೂರ್ಣ ಹೋಗಲಾಡಿಸುವ ಭರವಸೆ ತಂದಿದೆ.