ಚೀನಾದಲ್ಲಿ ಬ್ರೂಸೆಲೋಸಿಸ್ ಕಾಯಿಲೆ ಭೀತಿ: ಪುರುಷರನ್ನು ನಪುಂಸಕರನ್ನಾಗಿಸುತ್ತೆ ಈ ವೈರಸ್

ಬ್ರೂಸೆಲೋಸಿಸ್ ಎಂದರೇನು?

ಬ್ರೂಸೆಲ್ಲಾ ಎಂಬ ಬ್ಯಾಕ್ಟಿರಿಯಾದಿಂದ ಬರುವ ಸೋಂಕು ಇದಾಗಿದ. ಇದು ಮನುಷ್ಯ ಹಾಗೂ ಪ್ರಾಣಿಗಳ ಮೇಲೆ ಕೆಟ್ಟ ಪರಿಣಾಮ ಬೀರುವುದು. ಪ್ರಾಣಿಗಳಲ್ಲಿ ಕುರಿ, ಹಸು, ಆಡು, ಹಂದಿ, ನಾಯಿ ಮುಂತಾದ ಪ್ರಾಣಿಗಳಿಗೆ ಈ ಸೋಂಕು ಹರಡುವುದು.

ಬ್ರೂಸೆಲೋಸಿಸ್ ಲಕ್ಷಣಗಳು

* ಆಗಾಗ ಜ್ವರ ಬಂದು ಹೋಗುವುದು

* ತಲೆನೋವು

* ಕಿಬ್ಬೊಟ್ಟೆ ನೋವು

* ಸ್ನಾಯುಗಳಲ್ಲಿ ಸೆಳೆತ, ಬೆನ್ನುನೋವು

* ತಲೆಸುತ್ತು

* ಚಳಿಯಾಗುವುದು

* ಬೆವರುವುದು

* ತೂಕ ಇಳಿಕೆ

* ಹೊಟ್ಟೆ ಹಾಳಾಗುವುದು, ಹಸಿವು ಇಲ್ಲದಿರುವುದು

CDC ಪ್ರಕಾರ ಈ ಸೋಂಕು ಬಂದರೆ ಇದರ ಲಕ್ಷಣಗಳು ತುಂಬಾ ಸಮಯದವರೆಗೆ ಇರುತ್ತದೆ.

ಮನುಷ್ಯರಿಗೆ ಬ್ರೂಸೆಲೋಸಿಸ್ ಹೇಗೆ ಬರುತ್ತದೆ?

ಹಾಲನ್ನು ಕುದಿಸಿದೆ ಬಳಸುವುದರಿಂದ ಈ ರೋಗ ಹರಡುವ ಸಾಧ್ಯತೆ ಇದೆ. ಅಲ್ಲದೆ ಈ ಬ್ಯಾಕ್ಟಿರಿಯಾ ಗಾಳಿ ಮುಖಾಂತರವೂ ಹರಡುವುದು ಅಥವಾ ಸೋಂಕು ಇರುವ ಪ್ರಾಣಿಗಳ ನೇರ ಸಂಪರ್ಕದಿಂದ ಹರಡುವುದು.ಈ ಬ್ಯಾಕ್ಟಿರಿಯಾ ಗುಳ್ಳೆಗಳು ಅಥವಾ ಗಾಯಗಳಿದ್ದರೆ ಅದರ ಮೂಲಕ ದೇಹವನ್ನು ಸೇರುವುದು. ಈ ಕಾಯಿಲೆ ಮನುಷ್ಯರಿಂದ-ಮನುಷ್ಯರಿಗೆ ಹರಡುವುದು ತುಂಬಾ ಅಪರೂಪ. ಒಂದು ವೇಳೆ ತಾಯಿಗೆ ಈ ಸೋಂಕು ತಗುಲಿದರೆ ಮಗುವಿಗೆ ಎದೆಹಾಲಿನ ಮುಖಾಂತರ ಹರುಡವುದು. ಲೈಂಗಿಕ ಕ್ರಿಯೆ ಮೂಲಕ ಹರಡಿರುವ ಪ್ರಕರಣ ವರದಿಯಾಗಿರುವುದು ಅತೀ ವಿರಳ.

ಜಗತ್ತಿನ ಹಲವು ಕಡೆ ಈ ಕಾಯಿಲೆ ಕಂಡು ಬರುತ್ತದೆ ಅದರಲ್ಲೂ ತಾಜಾ ಚೀಸ್‌ಗಳಲ್ಲಿ ಹೆಚ್ಚಿನವು ಕುರಿ ಮತ್ತು ಮೇಕೆ ಚೀಸ್. ಇದರ ಪಕ್ಕದಲ್ಲಿ ಜಾನುವಾರು ಕ್ಷೇತ್ರದಲ್ಲಿ ಕೆಲಸ ಮಾಡುವ ಜನರಿಗೆ ಇದು ಉದ್ಯೋಗದ ರೋಗವೆಂದು ಪರಿಗಣಿಸಲಾಗಿದೆ.

ಬ್ರೂಸೆಲೋಸಿಸ್ ಕಾಯಿಲೆಯ ಅಡ್ಡಪರಿಣಾಗಳು

ಈ ಕಾಯಿಲೆಯನ್ನು ಚಿಕಿತ್ಸೆ ನೀಡುವ ಮೂಲಕ ಗುಣಪಡಿಸಬಹುದು. ಇದರಿಂದ ಚೇತರಿಸಿಕೊಳ್ಳಲು ಕೆಲವು ವರಗಳು ಅಥವಾ ತಿಂಗಳುಗಳು ತೆಗೆದುಕೊಳ್ಳಬಹುದು. ಈ ಸೋಂಕು ತಗುಲಿದಾಗ ಹೃದಯ, ಲಿವರ್ ಹಾಗೂ ನರಗಳಿಗೆ ಹಾನಿಯುಂಟಾಗುತ್ತದೆ ಅಲ್ಲದೆ ಪುರುಷರ ಸಂತಾನೋತ್ಪತ್ತಿ ಸಾಮಾರ್ಥ್ಯದ ಮೇಲೆ ಕೆಟ್ಟ ಪರಿಣಾಮ ಬೀರುವುದು. ಬ್ರೂಸೆಲೋಸಿಸ್‌ನಿಂದ ಸಾವನ್ನಪ್ಪುವವರ ಸಂಖ್ಯೆ ಶೇ. 2ರಷ್ಟಿದೆ.

ತಡೆಗಟ್ಟುವುದು ಹೇಗೆ?

ಮಾನವನಿಗೆಬ್ರೂಸೆಲೋಸಿಸ್ ಬಾರದಂತೆ ತಡೆಗಟ್ಟುವ ಅತ್ಯಂತ ತರ್ಕಬದ್ಧ ವಿಧಾನವೆಂದರೆ ಪ್ರಾಣಿಗಳಲ್ಲಿನ ಸೋಂಕಿನ ನಿಯಂತ್ರಣ ಮತ್ತು ನಿರ್ಮೂಲನೆ. ಪ್ರಾಣಿಗಳ ಆರೈಕೆ ಮಾಡುವಾಗ ಗ್ಲೌಸ್, ಏಪ್ರಾನ್ ಬಳಕೆ ಮಾಡುವುದು, ಹಾಲನ್ನು ಕುದಿಸಿ ಕುಡಿಯುವುದು, ಮಾಂಸವನ್ನು ಸರಿಯಾಗಿ ಬೇಯಿಸಿ ತಿನ್ನುವುದು, ಸಾಕು ಪ್ರಾಣಿಗಳಿಗೆ ಲಸಿಕೆ ಕೊಡಿಸುವುದು ಈ ಮೂಲಕ ಈ ಬ್ಯಾಕ್ಟಿರಿಯಾ ನಿಯಂತ್ರಿಸಬಹುದಾಗಿದೆ.