ನಿಯಮಿತ ಲೈಂಗಿಕ ಕ್ರಿಯಾಶೀಲತೆ ಮಹಿಳೆಯರನ್ನು ಸ್ಥೂಲಕಾಯರನ್ನಾಗಿಸುತ್ತದೆಯೇ?

ಅನಾಮಧೇಯ ಪತ್ರದ ಮೂಲಕ ವೈದ್ಯರಿಗೊಂದು ಪ್ರಶ್ನೆ ಕೇಳಲಾಗುತ್ತದೆ. ಪ್ರಶ್ನೆ ಹೀಗಿದೆ: ನಾನು ಕೇಳಲ್ಪಟ್ಟ ಪ್ರಕಾರ, ಓರ್ವ ಮಹಿಳೆ ಲೈಂಗಿಕ ಜೀವನವನ್ನು ಪ್ರಾರಂಭಿಸಿ ನಿಯಮಿತ ರೂಪದಲ್ಲಿ ಮುಂದುವರೆಯುತ್ತಿದ್ದರೆ ಆಕೆಯ ವಕ್ಷಸ್ಥಳ ಮತ್ತು ನಿತಂಬಗಳು ಅತಿ ಹೆಚ್ಚು ತೂಕವನ್ನು ಪಡೆಯುತ್ತವೆ, ಇದು ನಿಜವೇ? ನಾನು ಇನ್ನೇನು ವಿವಾಹವಾಗುವ ಹಂತದಲ್ಲಿದ್ದೇನೆ, ದಯವಿಟ್ಟು ಸಲಹೆ ಮಾಡಿ..

ಈ ಪ್ರಶ್ನೆಗೆ ಪ್ರಸೂತಿತಜ್ಞೆರು ಹೀಗೆ ವಿವರಿಸುತ್ತಾರೆ; ಲೈಂಗಿಕ ಜೀವನಕ್ಕೆ ಕಾಲಿಟ್ಟ ಬಳಿಕ ಮಹಿಳೆಯರ ಸ್ತನ ಮತ್ತು ನಿತಂಬಗಳು ಗಾತ್ರದಲ್ಲಿ ಹೆಚ್ಚುತ್ತವೆ ಎಂಬುದು ಸಾಮಾನ್ಯ ನಂಬಿಕೆಯಾಗಿದೆ. ಆದರೆ ಇದೊಂದು ಅಪ್ಪಟ ಮಿಥ್ಯೆಯಾಗಿದೆ. ಮಹಿಳೆಯೊಬ್ಬಳು ಲೈಂಗಿಕ ಜೀವನ ಪ್ರಾರಂಭಿಸಿದಾಕ್ಷಣ ಆಕೆಯ ನಿತಂಬ, ಸ್ತನಗಳು ಏಕಾಗಿ ಗಾತ್ರವನ್ನು ಹೆಚ್ಚಿಸಿಕೊಳ್ಳಬೇಕು ಅಥವಾ ವಿರೂಪಗೊಳ್ಳಬೇಕು ಎಂಬುದಕ್ಕೆ ಯಾವುದೇ ವೈಜ್ಞಾನಿಕ ಆಧಾರವಿಲ್ಲ.

ಸ್ಖಲನಗೊಂಡ ವೀರ್ಯಾಣುಗಳು ಯಾವುದೇ ಕಾರಣಕ್ಕೆ ಮಹಿಳೆಯ ರಕ್ತದಲ್ಲಿ ಬೆರೆಯುವುದಿಲ್ಲ ಅಥವಾ ಜೀರ್ಣಗೊಳ್ಳುವುದಿಲ್ಲ. ಅಷ್ಟೇ ಅಲ್ಲ, ಒಂದು ವೇಳೆ ಸುಮಾರು ಎರಡರಿಂದ ಮೂರು ಮಿಲಿ ಲೀಟರ್ ನಷ್ಟು ವೀರ್ಯ (ಪ್ರತಿ ಸ್ಖಲನದ ಸರಾಸರಿ) ಹೊಟ್ಟೆಗೆ ಹೋದರೂ ಇದರಲ್ಲಿ ಕೇವಲ ಹದಿನೈದು ಕ್ಯಾಲೋರಿಗಳಿರುತ್ತವಷ್ಟೇ, ಸ್ಥೂಲಕಾಯವಾಗಿಸಲು ಈ ಪ್ರಮಾಣ ಏನೇನೂ ಸಾಲದು.

ವಿವಾಹದ ಬಳಿಕ ಕೆಲವು ವ್ಯಕ್ತಿಗಳು ಸ್ಥೂಲಕಾಯವನ್ನೇಕೆ ಪಡೆಯುತ್ತಾರೆ ಎಂಬುದಕ್ಕೆ ಕೆಲವು ಅಧ್ಯಯನಗಳು ನಡೆದಿವೆ. ಆದರೆ ಈ ಅಧ್ಯಯನಗಳ ಪ್ರಮಾಣೀಕೃತವಾಗಿರದ ವರದಿಯ ಪ್ರಕಾರ ವಿವಾಹದ ಬಳಿಕ ಕೇವಲ ಮಹಿಳೆಯರಲ್ಲ, ಪುರುಷರೂ ಸ್ಥೂಲಕಾಯ ಪಡೆಯುತ್ತಾರೆ. ಹಾಗಾಗಿ ಸ್ಥೂಲಕಾಯ ಪಡೆಯುವುದಕ್ಕೆ ಲೈಂಗಿಕ ಜೀವನವಾಗಲೀ ವ್ಯಕ್ತಿಯ ಲಿಂಗವಾಗಲೀ ಕಾರಣವಾಗುವುದಿಲ್ಲ.

ವಾಸ್ತವದಲ್ಲಿ ವಿವಾಹಬಂಧನಕ್ಕೆ ಒಳಪಟ್ಟ ಬಳಿಕ ಒಂದು ಸಂಬಂಧಕ್ಕೆ ಒಳಪಟ್ಟ, ಪತ್ನಿ ಅಥವಾ ಪತಿಯ ಪಟ್ಟ ಪಡೆದ ಹೆಮ್ಮೆ, ತನ್ಮೂಲಕ ಸಮಾಜದಲ್ಲಿ ಲಭಿಸಿದ ಗೌರವ, ಕುಟುಂಬವಲಯದಲ್ಲಿ ಹೆಚ್ಚಿನ ಆತ್ಮೀಯತೆ, ಸಂಬಂಧವೊಂದರಲ್ಲಿ ಬಂಧನಕ್ಕೊಳಗಾದ ಬಳಿಕ ಹೆಚ್ಚಿದ ಸುರಕ್ಷತಾ ಭಾವನೆ ಮೊದಲಾದವು ನೆಮ್ಮದಿಗೆ ಕಾರಣವಾಗಿದ್ದು ತನ್ಮೂಲಕ ಮಾನಸಿಕ ನಿರಾಳತೆ ಹಾಗೂ ಸ್ಥೂಲಕಾಯಕ್ಕೆ ಕಾರಣವಾಗುತ್ತದೆ. ಅಲ್ಲದೇ ಅಧ್ಯಯನಗಳ ಮೂಲಕ ಕಂಡುಕೊಂಡಂತೆ ಒಂಟಿಯಾಗಿರುವ ವ್ಯಕ್ತಿಗಳು ಸಂಬಂಧದಲ್ಲಿರುವ ವ್ಯಕ್ತಿಗಳಿಗಿಂತ ಕಡಿಮೆ ಆಹಾರ ಸೇವಿಸುತ್ತಾರೆ. ಹಾಗಾಗಿ, ಒಂದು ವೇಳೆ ನೀವು ವಿವಾಹದ ಬಳಿಕ ಸ್ಥೂಲಕಾಯ ಪಡೆಯದೇ ಇರಲು ಇಂದಿನಿಂದಲೇ ನಿಯಮಿತವಾಗಿ ವ್ಯಾಯಾಮ ಮಾಡಿ ಹಾಗೂ ಆರೋಗ್ಯಕರ ಆಹಾರಕ್ರಮವನ್ನು ಅನುಸರಿಸತೊಡಗಿ.