ಪುರುಷರಿಗೆ ಕಾಡುವ ಮೂತ್ರದ ಸಮಸ್ಯೆ! ಇಲ್ಲಿದೆ ನೋಡಿ ಪರಿಹಾರ...

ಜೇನುತುಪ್ಪ ಹಾಗೂ ತುಳಸಿ

ಬೆಳಗ್ಗೆ ಖಾಲಿ ಹೊಟ್ಟೆಗೆ ಮೂರರಿ೦ದ ನಾಲ್ಕು ತುಳಸಿ ಎಲೆಗಳೊ೦ದಿಗೆ ಒ೦ದು ಚಮಚದಷ್ಟು ಜೇನುತುಪ್ಪವನ್ನು ಸೇವಿಸಿರಿ. ಪ್ರತಿದಿನವೂ ಈ ಪರಿಹಾರೋಪಾಯವನ್ನು ಅನುಸರಿಸಿದಲ್ಲಿ, ಖ೦ಡಿತವಾಗಿಯೂ ಇದು ನಿಮ್ಮ ಸಮಸ್ಯೆಯನ್ನು ಕೊನೆಗಾಣಿಸುತ್ತದೆ.

ಮೊಸರು

ಮೊಸರು ಇತರ ಮನೆಮದ್ದುಗಳಿಗೆ ಹೋಲಿಸಿದಲ್ಲಿ, ಪದೇ ಪದೇ ಮೂತ್ರವಿಸರ್ಜನೆಯ ಸಮಸ್ಯೆಗೆ ಇದು ಅತ್ಯ೦ತ ಸುಲಭದ ಪರಿಹಾರೋಪಾಯವಾಗಿದೆ. ಊಟದೊ೦ದಿಗೆ ಪ್ರತಿದಿನವೂ ಮೊಸರನ್ನು ಸೇವಿಸಿರಿ. ನಿಮ್ಮ ಮೂತ್ರಕೋಶಕ್ಕೆ ದಾಳಿಯನ್ನು೦ಟು ಮಾಡಿ, ಅಲ್ಲಿ ಆಶ್ರಯವನ್ನು ಪಡೆದು ಬೆಳೆಯುವ ಅಪಾಯಕಾರಿ ಸೂಕ್ಷ್ಮಾಣುಜೀವಿಗಳನ್ನು ಮೊಸರಿನಲ್ಲಿ ಅಡಕವಾಗಿರುವ ಪ್ರೋಬಯಾಟಿಕ್ ಗಳು ತಡೆಯುತ್ತವೆ.

ದಾಳಿಂಬೆ ಸಿಪ್ಪೆಯ ಪೇಸ್ಟ್

ದಾಳಿಂಬೆಯ ಸಿಪ್ಪೆ ಮತ್ತು ಕಾಳುಗಳು ಕುಳಿತಿರುವ ತಿರುಳು ಕಹಿಯಾಗಿರುವುದರಿಂದ ನಾವು ಅದನ್ನು ಬಳಸದೇ ತ್ಯಾಜ್ಯದಲ್ಲಿ ಎಸೆಯುತ್ತೇವೆ. ಆದರೆ ಹಣ್ಣಿನಂತೆಯೇ ಈ ಸಿಪ್ಪೆ ಮತ್ತು ತಿರುಳಿನಲ್ಲಿಯೂ ಹಲವು ಔಷಧೀಯ ಗುಣಗಳಿವೆ. ಹೌದು ದಾಳಿಂಬೆಯ ಸಿಪ್ಪೆಯು ಪದೇ ಪದೇ ಮೂತ್ರ ವಿಸರ್ಜನೆಯಾಗುವವರಿಗೆ ಅದ್ಭುತವಾಗಿ ಕೆಲಸ ಮಾಡಲಿದೆ. ಮೊದಲು ದಾಳಿಂಬೆಯ ಸಿಪ್ಪೆಯ ಪೇಸ್ಟ್ ಮಾಡಿಕೊಳ್ಳಿ. ಒಂದು ಚಿಟಿಕೆ ಪೇಸ್ಟ್ ಅನ್ನು ತೆಗೆದುಕೊಂಡು ಇದಕ್ಕೆ ಸ್ವಲ್ಪ ನೀರು ಹಾಕಿಕೊಳ್ಳಿ. ಇದನ್ನು ಐದು ದಿನಗಳ ಕಾಲ ಸೇವನೆ ಮಾಡಿದರೆ ಒಳ್ಳೆಯ ಫಲಿತಾಂಶ ಪಡೆಯಬಹುದು.

ಮೆಂತೆ ಕಾಳುಗಳು

ಮೆಂತೆ ಎಂದರೆ ಸೊಪ್ಪಿನ ರೂಪದಲ್ಲಿಯೂ ಬೀಜದ ರೂಪದಲ್ಲಿಯೂ ಸಿಗುವ ಸಾಮಾಗ್ರಿಯಾಗಿದ್ದು ಬಹುತೇಕ ಎಲ್ಲಾ ಅಡುಗೆಗಳಲ್ಲಿ ಬಳಸಲಾಗುತ್ತದೆ. ಸಾಂಬಾರ್, ದಾಲ್, ಪರೋಟ ಅಥವಾ ಸಾರಿನಲ್ಲಿ ಕೊಂಚವಾದರೂ ಮೆಂತೆ ಇರಲೇಬೇಕು. ಆದರೆ ಇದು ಕೇವಲ ರುಚಿಯನ್ನು ಹೆಚ್ಚಿಸುವುದು ಮಾತ್ರವಲ್ಲ, ಇದರ ಔಷಧೀಯ ಗುಣಗಳು ಆರೋಗ್ಯವನ್ನೂ ವೃದ್ಧಿಸುತ್ತದೆ. ಒಂದು ಸಣ್ಣ ಚಮಚ ಮೆಂತೆ ಕಾಳುಗಳನ್ನು ಹುಡಿ ಮಾಡಿಕೊಂಡು, ಇದಕ್ಕೆ ಸ್ವಲ್ಪ ಜಜ್ಜಿದ ಶುಂಠಿಯನ್ನು ಹಾಕಿಕೊಳ್ಳಿ. ತದನಂತರ ಇದಕ್ಕೆ ಒಂದು ಸಣ್ಣ ಚಮಚ ಜೇನುತುಪ್ಪ ಮತ್ತು ಒಂದು ಕಪ್ ನೀರು ಹಾಕಿಕೊಂಡು ಚೆನ್ನಾಗಿ ಕಲಿಸಿ. ನಿಯಮಿತವಾಗಿ ಸೇವನೆ ಮಾಡಿದರೆ ಉತ್ತಮ ಫಲಿತಾಂಶವನ್ನು ಪಡೆಯಬಹುದು.ಮೆಂತೆ ಕಾಳು ನೆನೆಸಿದ ನೀರು- ಆಯಸ್ಸು ನೂರು!

ಅಡುಗೆ ಸೋಡಾ

ಒಂದು ದೊಡ್ಡ ಲೋಟ ನೀರಿನಲ್ಲಿ ಚಿಟಿಕೆಯಷ್ಟು ಅಡುಗೆ ಸೋಡಾ ಬೆರೆಸಿ ಪ್ರತೀದಿನ ಕುಡಿದರೆ, ಮೂತ್ರ ವಿಸರ್ಜನೆಗೆ ಆಗುವ ಅವಸರವನ್ನು ಇದು ತಡೆಯುತ್ತದೆ.

ಹುರಿದ ಹುರುಳಿ ಬೀಜಗಳು

ಪ್ರತಿದಿನ ಬೆಳಗ್ಗೆ ಸ್ವಲ್ಪ ಹುರುಳಿ ಕಾಳುಗಳನ್ನು ಬೆಲ್ಲದೊ೦ದಿಗೆ ಸೇವಿಸಿದಲ್ಲಿ, ಪದೇ ಪದೇ ಮೂತ್ರವಿಸರ್ಜನೆಯ ಸಮಸ್ಯೆಗೆ ಇದೊ೦ದು ಔಷಧದ೦ತೆ ಕಾರ್ಯನಿರ್ವಹಿಸುತ್ತದೆ.

ಕುಂಬಳಕಾಯಿ ಬೀಜ

ಸಾಮಾನ್ಯವಾಗಿ ಕುಂಬಳಕಾಯಿಯನ್ನು ದೈನಂದಿನ ಆಹಾರಪದಾರ್ಥಕ್ಕೆ ಅದರ ಬೀಜವನ್ನು ಹೊರಹಾಕಿ ಕೇವಲ ಅದರ ತಿರುಳನ್ನೇ ಆಹಾರಕ್ಕೆ ಹೆಚ್ಚಿನವರು ಬಳಸುತ್ತಾರೆ. ಆದರೆ ಅದರ ಬೀಜವೂ ಸಹ ದೇಹದ ಆರೋಗ್ಯಕ್ಕೆ ಹೆಚ್ಚು ಪ್ರಯೋಜನಕಾರಿ ಎಂದು ಸಾಕಷ್ಟು ಜನರಿಗೆ ತಿಳಿದಿಲ್ಲ. ಅದರಲ್ಲೂ ಪದೇ ಪದೇ ಮೂತ್ರ ವಿಸರ್ಜನೆಯ ಸಮಸ್ಯೆಗೆ ರಾಮಬಾಣವಾಗಿ ಕಾರ್ಯನಿರ್ವಹಿಸುತ್ತದೆ. ಅಷ್ಟೇ ಅಲ್ಲದೆ ಇದು ಕೊಬ್ಬಿನಾಮ್ಲದಿಂದ ಸಮೃದ್ಧವಾಗಿದ್ದು, ಇದು ಮೂತ್ರನಾಳ ಹಾಗೂ ಮೂತ್ರಕೋಶವನ್ನು ಆರೋಗ್ಯವಾಗಿಡುತ್ತದೆ.

ಸೋಂಪು ಕಾಳುಗಳು

ಬಿಸಿ ಹಾಲಿಗೆ ಒಂದು ಚಮಚ ಸೋಂಪು ಕಾಳುಗಳನ್ನು ಹಾಕಿ. ಒಂದು ಲೋಟ ನೀರು ತೆಗೆದುಕೊಂಡು ಅದಕ್ಕೆ 2-3 ಚಮಚ ಸಕ್ಕರೆ ಹಾಕಿ ಅದನ್ನು ಬಿಸಿ ಕುದಿಸಿ. ಸಕ್ಕರೆಯ ಪಾಕವನ್ನು ಬಿಸಿ ಹಾಲಿಗೆ ಹಾಕಿ. ದಿನದಲ್ಲಿ ಒಂದು ಸಲ ಇದನ್ನು ಸೇವಿಸಿ ಮತ್ತು ಇದರಿಂದ ಮೂತ್ರ ಅಸಂಯಮವು ಕಡಿಮೆಯಾಗುತ್ತದೆ.