ಶ್ವಾಸಕೋಶದ 8 ಲಕ್ಷಣಗಳು-ಯಾವುದಕ್ಕೂ ಎಚ್ಚರಿಕೆಯಿಂದಿರಿ!

ನಿಶ್ಯಕ್ತಿ

ದೈನಂದಿನ ಚಟುವಟಿಕೆಗಳನ್ನು ಮಾಡುವಾಗಲೂ ನಮಗೆ ಆಗಾಗ ತೀವ್ರ ಆಯಾಸವಾಗುವುದು ಮತ್ತು ನಿಶ್ಯಕ್ತಿ ಕಾಡುವುದು ಶ್ವಾಸಕೋಶವು ದುರ್ಬಲವಾಗುತ್ತಿದೆ ಎನ್ನುವುದರ ಪ್ರಮುಖ ಲಕ್ಷಣವಾಗಿದೆ.

ಉಸಿರಾಡಲು ಕಷ್ಟವಾಗುವುದು

ಸ್ವಲ್ಪ ನಡೆದಾಗ ಅಥವಾ ಕೆಲವೇ ಮೆಟ್ಟಿಲುಗಳನ್ನು ಹತ್ತಿದಾಗ ಉಸಿರಾಡಲು ಕಷ್ಟವಾಗುವುದು ಶ್ವಾಸಕೋಶದ ಮೇಲೆ ದುಷ್ಪರಿಣಾಮ ಬೀರಿದೆ ಎನ್ನುವುದರ ಕಾರಣವಾಗಿದೆ.

ಉಬ್ಬಸ

ಶ್ವಾಸಕೋಶದ ಮೇಲೆ ಪರಿಣಾಮ ಬೀರಿದಾಗ ಗಾಳಿ ಸಾಗುವ ನಾಳಗಳು ಸರಿಯಾಗಿ ಕಾರ್ಯನಿರ್ವಹಿಸಲು ಸಾಧ್ಯವಾಗುವುದಿಲ್ಲ. ಇದರಿಂದ ಉಸಿರಾಡುವಾಗ ಶಬ್ದ ಬರುವುದು.

ತೂಕ ಕಳಕೊಳ್ಳುವುದು

ಯಾವುದೇ ಕಾರಣವಿಲ್ಲದೆ ದೇಹದ ತೂಕ ಕಡಿಮೆಯಾಗುತ್ತಾ ಇದ್ದರೆ ತಕ್ಷಣ ಪರೀಕ್ಷೆ ಮಾಡಿಸಿಕೊಳ್ಳಿ. ಇದು ಶ್ವಾಸಕೋಶ ದುರ್ಬಲವಾಗುವ ಪ್ರಮುಖ ಲಕ್ಷಣವಾಗಿದೆ.

ಅತಿಯಾದ ಸಿಂಬಳ

ಸಾಮಾನ್ಯ ದಿನಗಳಿಗಿಂತ ಹೆಚ್ಚಾಗಿ ಸಿಂಬಳ ಬರುತ್ತಾ ಇದ್ದರೆ ಆಗ ನೀವು ಗಂಭೀರವಾಗಿ ಚಿಂತಿಸಬೇಕು. ಯಾಕೆಂದರೆ ಇದು ಶ್ವಾಸಕೋಶ ದುರ್ಬಲವಾಗಿರುವಂತಹ ಲಕ್ಷಣವಾಗಿರಬಹುದು.

ಎದೆನೋವು

ಶ್ವಾಸಕೋಶವು ಸರಿಯಾದ ರೀತಿಯಲ್ಲಿ ಕೆಲಸ ನಿರ್ವಹಿಸಲು ವಿಫಲವಾದಾಗ ಸಣ್ಣಮಟ್ಟದ ಕೆಮ್ಮಿನೊಂದಿಗೆ ಎದೆನೋವು ಕಾಣಿಸಿಕೊಳ್ಳಬಹುದು. ಇದನ್ನು ನಿರ್ಲಕ್ಷ್ಯ ಮಾಡಬೇಡಿ.

ಬಿಡದೆ ಬರುವ ಕೆಮ್ಮು

ಕೆಮ್ಮು ಬಿಡದೆ ಬರುತ್ತಾ ಇದ್ದರೆ ಆಗ ನಿಮ್ಮ ಶ್ವಾಸಕೋಶಕ್ಕೆ ಹಾನಿಯಾಗಿದೆ ಎಂದು ತಿಳಿದುಕೊಳ್ಳಬೇಕು. ಬಿಡದೆ ಕೆಮ್ಮು ಬರುತ್ತಾ ಇದ್ದರೆ ತಕ್ಷಣ ವೈದ್ಯರನ್ನು ಭೇಟಿಯಾಗಿ.

ಕಫದಲ್ಲಿ ರಕ್ತ ಬರುವುದು

ಕಫದಲ್ಲಿ ರಕ್ತ ಕಂಡುಬಂದರೆ ನೀವು ನಿರ್ಲಕ್ಷ್ಯ ಮಾಡದೆ ತಕ್ಷಣ ವೈದ್ಯರನ್ನು ಭೇಟಿ ಮಾಡಿ. ಕಫದಲ್ಲಿ ರಕ್ತ ಕಂಡುಬರುವುದು ಶ್ವಾಸಕೋಶ ದುರ್ಬಲವಾಗುತ್ತಿರುವ ಪ್ರಮುಖ ಲಕ್ಷಣವಾಗಿದೆ.