'ತಣ್ಣೀರಿನ ಸ್ನಾನ' ನಿಜಕ್ಕೂ ಇದು ಆರೋಗ್ಯಕ್ಕೆ ಸೋಪಾನ....

ಪ್ರತಿರೋಧಕ ಶಕ್ತಿಯನ್ನು ವೃದ್ಧಿಸುವುದು

ತಣ್ಣೀರಿನ ಸ್ನಾನ ಮಾಡುವ ಒಂದು ಲಾಭವೆಂದರೆ ಇದು ಪ್ರತಿರೋಧಕ ಶಕ್ತಿಯನ್ನು ವೃದ್ಧಿಸುತ್ತದೆ. ಬಿಸಿ ನೀರಿನ ಸ್ನಾನ ಮಾಡುವವರಿಗಿಂತ ತಣ್ಣೀರಿನ ಸ್ನಾನ ಮಾಡುವವರಲ್ಲಿ ಬಿಳಿ ರಕ್ತದ ಕಣಗಳ ವಿರುದ್ಧ ಹೋರಾಡುವ ವೈರಸ್ ಗಳ ಪ್ರಮಾಣವು ಹೆಚ್ಚಾಗುತ್ತದೆ.

ತೂಕ ಇಳಿಸಲು ಸಹಕಾರಿ

ಬಿಸಿ ನೀರಿನ ಟಬ್‌ನಲ್ಲಿ ದೇಹವನ್ನು ಮುಳುಗಿಸಿ ಇಡುವುದರಿಂದ ತೂಕ ಕಡಿಮೆ ಮಾಡಿಕೊಳ್ಳಬಹುದು ಎಂಬ ವಾದವಿದೆ. ಹೊಸ ಅಧ್ಯಯನಗಳ ಪ್ರಕಾರ ತಣ್ಣೀರಿನ ಸ್ನಾನ ಮಾಡುವುದರಿಂದ ತೂಕ ಕಳೆದುಕೊಳ್ಳಲು ಸಹಕಾರಿಯಾಗುವುದು. ಹೆಚ್ಚು ತಂಪಾಗಿರುವುದಕ್ಕೆ ಮೈಯನ್ನು ಒಡ್ಡಿಕೊಳ್ಳುವುದರಿಂದ ಕಂದು ಕೊಬ್ಬು ಹೆಚ್ಚಾಗುತ್ತದೆ. ಕಂದು ಕೊಬ್ಬು ಶಕ್ತಿಯನ್ನು ದಹಿಸುತ್ತದೆ.

ರಕ್ತ ಹೆಪ್ಪುಗಟ್ಟುವಂತಹ ಸಮಸ್ಯೆಗೆ....

ರಕ್ತ ಹೆಪ್ಪುಗಟ್ಟುವಂತಹ ಸಮಸ್ಯೆ ಇರುವವರು ನಿಯಮಿತವಾಗಿ ತಣ್ಣೀರಿನಲ್ಲಿ ಸ್ನಾನ ಮಾಡಿದರೆ ಒಳ್ಳೆಯದು. ತಣ್ಣೀರಿನ ಸ್ನಾನದ ಆರೋಗ್ಯಕರ ಲಾಭ ಇದಾಗಿದೆ. ಇದು ಅಂಗಾಂಗಗಳು ಹಾಗೂ ಚರ್ಮದ ರಕ್ತ ಸಂಚಲನವನ್ನು ಹೆಚ್ಚಿಸುತ್ತದೆ. ಆದರೆ ತುಂಬಾ ಚಳಿಗಾಲದಲ್ಲಿತಣ್ಣೀರಿನ ಸ್ನಾನ ಬೇಡ....

ಖಿನ್ನತೆಯಿಂದ ಮುಕ್ತಿ

ತಣ್ಣೀರಿನ ಸ್ನಾನ ಮಾಡುವುದರಿಂದ ಖಿನ್ನತೆಯನ್ನು ತಡೆಯಬಹುದು ಮತ್ತು ಅದರಿಂದ ಪರಿಹಾರ ಪಡೆಯಬಹುದು. ತಂಪಾದ ವಾತಾವರಣವು ಮೆದುಳನ್ನು ಉತ್ತೇಜಿಸಿ ತಂಪಾಗಿರಿಸುತ್ತದೆ. ತಣ್ಣೀರಿನ ಸ್ನಾನ ಮಾಡುವ ದೊಡ್ಡ ಆರೋಗ್ಯ ಲಾಭ ಇದಾಗಿದೆ.

ಶ್ವಾಸಕೋಶಕ್ಕೆ ಒಳ್ಳೆಯದು

ನಾವು ಕಠಿಣ ವ್ಯಾಯಾಮ ಮಾಡುವಾಗ ಶ್ವಾಸಕೋಶ ತೆರೆದುಕೊಳ್ಳುವಂತೆ ತಣ್ಣೀರಿನ ಸ್ನಾನ ಮಾಡುವ ವೇಳೆ ಕೂಡ ತೆರೆದುಕೊಳ್ಳುವುದು. ತಣ್ಣೀರಿನ ಸ್ನಾನ ಮಾಡುವುದರಿಂದ ನೀವು ಚೆನ್ನಾಗಿ ಉಸಿರಾಡಲು ಸಾಧ್ಯವಾಗುವುದು.

ಹಾರ್ಮೋನುಗಳಿಗಾಗಿ

ತಣ್ಣೀರಿನ ಸ್ನಾನ ಮಾಡುವುದರಿಂದ ಸಂತಾನೋತ್ಪತ್ತಿಯ ಅಂಗಾಂಗಗಳು ಬಲವನ್ನು ಪಡೆಯುತ್ತದೆ. ತಣ್ಣೀರಿನ ಸ್ನಾನದಿಂದ ಪುರುಷರಲ್ಲಿ ಟೆಸ್ಟೊಸ್ಟಿರಾನ್ ಉತ್ಪತ್ತಿ ಹೆಚ್ಚಾಗುತ್ತದೆ ಎಂದು ಅಧ್ಯಯನಗಳು ಹೇಳಿವೆ.

ಬಂಜೆತನ ನಿವಾರಣೆಗೆ

ಮೂರು ವಾರಗಳ ಕಾಲ ದಿನಾಲೂ ಬಿಸಿ ನೀರಿನ ಸ್ನಾನ ಮಾಡುವವರು ಮುಂದಿನ ಆರು ವಾರಗಳ ಕಾಲ ಬಂಜೆತನವನ್ನು ಎದುರಿಸುತ್ತಾರೆ ಎಂದು ಅಧ್ಯಯನಗಳು ಹೇಳಿವೆ. ಉತ್ತಮ ಫಲವತ್ತತೆಗಾಗಿ ತಣ್ಣೀರಿನ ಸ್ನಾನ ಮಾಡಿ. ಬೆಳಿಗ್ಗೆ ತಣ್ಣೀರಿನ ಸ್ನಾನ ಮಾಡುವ ಕೆಲವೊಂದು ಆರೋಗ್ಯ ಲಾಭಗಳು ಇದಾಗಿದೆ.