ಮೈ ತುಂಬಾ ಬೆವರುವುದನ್ನು ತಡೆಯಲು ಟಿಪ್ಸ್

ನೀರು

ಬೇಸಿಗೆ ಕಾಲದಲ್ಲಿ ಉಳಿದ ಎರಡು ಕಾಲದಲ್ಲಿ ಕುಡಿಯುವುದಕ್ಕಿಂತ ಸ್ವಲ್ಪ ಅಧಿಕವೇ ನೀರು ಕುಡಿಯಬೇಕು. ನೀರು ಅಧಿಕ ಕುಡಿದರೆ ಹೆಚ್ಚು ಬೆವರುವುದಿಲ್ಲ, ಬೆವರಿನ ದುರ್ನಾತವೂ ಕಡಿಮೆಯಾಗುವುದು.

ಮೊಸರು, ಮಜ್ಜಿಗೆ

ಮೊಸರು ಅಥವಾ ಮಜ್ಜಿಗೆ ದೇಹದ ಉಷ್ಣತೆಯನ್ನು ಸಮತೋಲನದಲ್ಲಿಡಲು ಸಹಾಯ ಮಾಡುತ್ತದೆ. ಇದರಿಂದ ಮೈ ಹೆಚ್ಚಾಗಿ ಬೆವರುವುದಿಲ್ಲ.

ಓಟ್ ಮೀಲ್ಸ್

ಅಧಿಕ ಕೊಬ್ಬಿನಂಶವಿರುವ ಆಹಾರಗಳನ್ನು ತಿಂದರೆ ಹೆಚ್ಚು ಬೆವರು ಬರುತ್ತದೆ. ಆದ್ದರಿಂದ ಓಟ್ಸ್ ನಂತಹ ಕೊಬ್ಬಿನಂಶ ಕಡಿಮೆ ಇರುವ, ಅಧಿಕ ನಾರಿನಂಶವಿರುವ ಆಹಾರಗಳನ್ನು ತಿನ್ನಬೇಕು.

ಪುದೀನಾ

ಪುದೀನಾ ಜ್ಯೂಸ್ ದೇಹವನ್ನು ತಂಪಾಗಿಡುತ್ತದೆ. ತುಂಬಾ ಬೆವರುವವರು ದಿನಾ ಒಂದು ಪುದೀನಾ ಎಲೆ ತಿನ್ನುವುದು ಒಳ್ಳೆಯದು.

ಟೊಮೆಟೊ

ಹೆಚ್ಚು ಬೆವರುವುದಾದರೆ ದಿನಾ ಒಂದು ಗ್ಲಾಸ್ ಟೊಮೆಟೊ ಜ್ಯೂಸ್ ಕುಡಿದರೆ ಉತ್ತಮವಾದ ಫಲಿತಾಂಶವನ್ನು ಕಾಣಬಹುದು.

ಬಾದಾಮಿ

ಜೀರ್ಣಕ್ರಿಯೆ ಸರಿಯಾಗಿ ಆಗದಿದ್ದರೆ ಕೂಡ ಹೆಚ್ಚಾಗಿ ಬೆವರು ಬರುತ್ತದೆ. ಆದ್ದರಿಂದ ಜೀರ್ಣಕ್ರಿಯೆ ಸುಲಭವಾಗಿಸುವ ಬಾದಾಮಿ, ಸೊಪ್ಪು ಈ ರೀತಿಯ ಆಹಾರಗಳನ್ನು ತಿನ್ನುವುದು ಒಳ್ಳೆಯದು.

ಕಲ್ಲಂಗಡಿ ಹಣ್ಣು

ಕಲ್ಲಂಗಡಿ ಹಣ್ಣಿನಲ್ಲಿ ವಿಟಮಿನ್ ಬಿ ಇದ್ದು ಜೀರ್ಣಕ್ರಿಯೆಗೆ ಸಹಾಯ ಮಾಡುತ್ತದೆ, ದೇಹದಲ್ಲಿ ನೀರಿನಂಶವನ್ನು ಕಾಪಾಡುತ್ತದೆ.