ಮುಟ್ಟು ನಿಲ್ಲುವ ಸಮಯದಲ್ಲಿ ಹಾಟ್ ಫ್ಲಾಷ್ ಸಮಸ್ಯೆ

Wellness

oi-Reena

By Hema S

Published: Tuesday, February 28, 2012, 16:46 [IST]

ಮಹಿಳೆಯರಲ್ಲಿ ಕ್ಯಾಲ್ಸಿಯಂ ಕೊರತೆ ಜೊತೆಗೆ ಕಾಣಿಸಿಕೊಳ್ಳುವ ಮತ್ತೊಂದು ಸಮಸ್ಯೆ ಹಾಟ್ ಫ್ಲಾಷ್. ದೇಹದಲ್ಲಿ ಈಸ್ಟ್ರೋಜನ್ ಪ್ರಮಾಣ ಕಡಿಮೆಯಾದಾಗ ಈ ರೀತಿ ಉಂಟಾಗುತ್ತದೆ. ವಯಸ್ಸು ಹೆಚ್ಚಾಗುತ್ತಿದ್ದ ಹಾಗೆ, ಮುಟ್ಟು ನಿಲ್ಲುವ ಸಮಯದಲ್ಲಿ ಹಾರ್ಮೋನ್ ಗಳಲ್ಲಿ ವ್ಯತ್ಯಾಸ ಉಂಟಾಗುವುದರಿಂದ ಈ ರೀತಿಯ ಸಮಸ್ಯೆಗಳು ಹೆಚ್ಚಾಗಿ ಕಂಡು ಬರುತ್ತದೆ.

ಮಹಿಳೆಯರಿಗೆ ಮುಟ್ಟು ನಿಲ್ಲುವ ಸಮಯದಲ್ಲಿ ಹಾಟ್ ಫ್ಲಾಷ್ ಕಂಡುಬರುವುದು. ಹಾಟ್ ಫ್ಲಾಷ್ ಅಂದರೆ ಸೆಕೆಯಾಗುವುದು ಮುಖ್ಯವಾಗಿ ಮುಖ, ಕುತ್ತಿಗೆ ಮತ್ತು ತಲೆ ತುಂಬಾ ಬಿಸಿಯಾಗಿ ಉರಿ ಅನಿಸತೊಡಗುವುದು. ಮೈಯೆಲ್ಲಾ ಬೆವರಲಾರಂಭಿಸುತ್ತದೆ. ಈ ರೀತಿ ಸ್ವಲ್ಪ ಹೊತ್ತು ಅಥವಾ 30 ನಿಮಿಷದವರೆಗೆ ಆಗುವುದು. ಅಗ ತ್ವಚೆಯೆಲ್ಲಾ ಕೆಂಪಾಗುತ್ತದೆ.

ಹಾಟ್ ಫ್ಲಾಷ್ ನ 4 ಲಕ್ಷಣಗಳು:
1. ಮೈ ಬಿಸಿ 30 ನಿಮಷಕ್ಕಿಂತ ಅಧಿಕವಿರುವುದಿಲ್ಲ
2. ರಾತ್ರಿಯಲ್ಲಿ ಮೈ ತುಂಬಾ ಬೆವರುವುದು
3. ಮುಖ ಕೆಂಪಾಗುವುದು
4. ಈ ರೀತಿ ಉಂಟಾದರೆ ಹವಾನಿಯಂತ್ರಣ ಕೊಠಡಿಯಲ್ಲಿ ಕುಳಿತರೂ ಸೆಕೆಯಾಗುವುದು.

ಹಾಟ್ ಫ್ಲಾಷ್ ಉಂಟಾದರೆ ಈ ರೀತಿ ಮಾಡಿ:
1. ಸಡಿಲವಾದ ಹತ್ತಿ ಬಟ್ಟೆಯನ್ನು ಧರಿಸಬೇಕು.
2. ತಂಪಾದ ರೂಮಿನಲ್ಲಿ ನಿದ್ದೆ ಮಾಡಿ
3. ಖಾರದ ಆಹಾರ ತಿನ್ನುವುದಾಗಲಿ ಆಲ್ಕೋಹಾಲ್, ಕಾಫಿ ಕುಡಿಯುವುದಾಗಲಿ ಮಾಡಬಾರದು.
ವಿಟಮಿನ್ ಇ ಇರುವ ಆಹಾರ ಸೇವನೆ ಮತ್ತು ಹಾರ್ಮೋನ್ ಗಳ ನಿಯಂತ್ರಣಕ್ಕೆ ಔಷಧಿಯನ್ನು ತೆಗೆದುಕೊಳ್ಳುವುದರಿಂದ ಈ ಸಮಸ್ಯೆಯನ್ನು ನಿವಾರಿಸಬಹುದು.

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.