ತಿಂದ ಆಹಾರ ಸರಿಯಾಗಿ ಜೀರ್ಣವಾಗ್ತಿಲ್ವಾ ಹಾಗಾದ್ರೆ ಈ ಆಸನಗಳನ್ನ ಮಾಡಿ

1. ತ್ರಿಕೋನಾಸನ

ತ್ರಿಕೋನಾಸನ ಅಥವಾ ತ್ರಿಭುಜಾಕೃತಿ ಈ ಆಸನ ಮಾಡುವುದರಿಂದ ಡೈಜೇಶನ್ ಸರಿಯಾಗಿ ಆಗುತ್ತದೆ. ಇದರ ಜೊತೆಗೆ ಹಸಿವು ಸರಿಯಾಗಿ ಆಗುತ್ತದೆ ಮತ್ತು ಮಲಬದ್ಧತೆ ಸಮಸ್ಯೆ ನಿವಾರಣೆ ಆಗುತ್ತದೆ.

ಮಾಡುವ ವಿಧಾನ : ನೆಟ್ಟಗೆ ನಿಂತು ನಂತರ ನಿಧಾನವಾಗಿ ನಿಮ್ಮ ದೇಹವನ್ನು ತ್ರಿಕೋನಾಕೃಗೆ ತನ್ನಿ ನಂತರ ಬೆಂಡ್ ಆಗಿ ನಿಮ್ಮ ಬಲ ಕೈ ಅನ್ನು ಬಲಗಾಲಿಗೆ ಜೋಡಿಸಿ. ನಂತರ ವಾಪಾಸ್ಸ್‌ ಮೊದಲ ಸ್ಥಿತಿಗೆ ಬಂದು ಎಡ ಬದಿಯಿಂದಲೂ ಅದೇ ರೀತಿ ಆಸನ ಮಾಡಿ.

2. ಪವನ ಮುಕ್ತಾಸನ

ಇದು ಗಾಳಿಯನ್ನು ಹೊರಬಿಡುವ ಆಸನವಾಗಿದ್ದು, ಈ ಆಸನ ಮಾಡುವುದರಿಂದ ಗ್ಯಾಸ್‌ ಹಾಗೂ ಹೊಟ್ಟೆಗೆ ಸಂಬಂಧಿತ ಕಾಯಿಲೆಗಳು ನಿವಾರಣೆ ಆಗಲಿದೆ. ಜೀರ್ಣಕ್ರಿಯೆಗೆ ಇದು ಸಹಕಾರಿಯಾಗಿದ್ದು, ಹೊಟ್ಟೆಯಿಂದ ಗ್ಯಾಸ್ ಹೊರಹಾಕಲು ಸಹಾಯಕಾರಿಯಾಗಿದೆ. ಜೊತೆಗೆ ಹೊಟ್ಟೆಯ ಸ್ನಾಯುಗಳನ್ನು ಬಲಪಡಿಸುತ್ತದೆ.

ಮಾಡುವ ವಿಧಾನ : ನೆಲದ ಮೇಲೆ ಮಲಗಿ ನಂತರ ಬೆನ್ನನ್ನು ಸ್ಪಲ್ಪ ಮೇಲಕ್ಕೆ ಎತ್ತಿ, ನಿಮ್ಮ ಎರಡು ಕಾಲುಗಳನ್ನು ಮಡಚಿ ಮೊಣಕಾಲನ್ನು ಎದೆಯ ಹತ್ತಿರಕ್ಕೆ ತನ್ನಿ. ಹಾಗೂ ಕಾಲನ್ನು ಕೈಗಳ ಸಹಾಯದಿಂದ ಗಟ್ಟಿಯಾಗಿ ಹಿಡಿದುಕೊಳ್ಳಿ. ನಿಮ್ಮ ಮೊಣಕಾಲನ್ನು ಮೂಗಿನಿಂದ ಸ್ಪರ್ಶಿಸಲು ಪ್ರಯತ್ನಿಸಿ. 30 ಸೆಕೆಂಡ್‌ಗಳ ಕಾಲ ಈ ಆಸನವನ್ನು ಮಾಡಿ ನಂತರ ಮೊದಲಿನ ಸ್ಥಿತಿಗೆ ಹಿಂತಿರುಗಿ.

3. ಅರ್ಧ ಮತ್ಸ್ಯೇದ್ರಾಸನ

ಜೀರ್ಣಕ್ರಿಯೆಗೆ ಅರ್ಧಮತ್ಸ್ಯೇದ್ರಾಸನ ಸಹಕಾರಿಯಾಗಲಿದೆ. ಈ ಆಸನ ಮಾಡುವುದರಿಂದ ಕಿಬ್ಬೊಟ್ಟೆಯ ಅಂಗಗಳಿಗೆ ಮಸಾಜ್ ಮಾಡಲು ಸಹಕರಿಸುತ್ತದೆ. ಮತ್ತು ಮೇದೋಜ್ಜೀರಕ ಗ್ರಂಥಿ ಮತ್ತು ಯಕೃತ್ತಿನ ಆರೋಗ್ಯವನ್ನು ಸುಧಾರಿಸುತ್ತದೆ.

ಮಾಡುವ ವಿಧಾನ : ಮೊದಲಿಗೆ ನೆಲದ ಮೇಲೆ ಕುಳಿತುಕೊಳ್ಳಿ ಬೆನ್ನನ್ನು ನೇರವಾಗಿಸಿ ಎಡಗಾಲನ್ನು ಬಲ ಭಾಗಕ್ಕೆ ತನ್ನಿ ಬಲಗಾಲು ಇದ್ದಲ್ಲೇ ಇರಲಿ. ನಿಮ್ಮ ಬಾಡಿಯನ್ನು ಸ್ವಲ್ಪ ತಿರುಗಿಸಿ ಹಾಗೂ ಬಲ ಕೈಯನ್ನು ಎಡಭಾಗಕ್ಕೆ ತನ್ನಿ ಮತ್ತು ನಿಮ್ಮ ಎಡಕೈಯನ್ನು ಅಲ್ಲೆ ಪಕ್ಕದಲ್ಲಿ ಇಟ್ಟುಕೊಳ್ಳಿ ಸುಮಾರು ಒಂದು ನಿಮಿಷಗಳ ಕಾಲ ಇದೇ ಸ್ಥಿತಿಯಲ್ಲಿ ಇರಿ. ನಂತರ ಮತ್ತೆ ಮೊದಲಿನ ಸ್ಥಿತಿಗೆ ಹಿಂತಿರುಗಿ.

4. ಸೇತುಬಂಧ ಸರ್ವಾಂಗಾಸನ

ಸೇತುಬಂಧ ಸರ್ವಾಂಗಾಸನವು ಹೃದಯಕ್ಕೆ ಶುದ್ಧ ರಕ್ತ ಸಂಚರಿಸಲು ಸಹಾಯ ಮಾಡುತ್ತದೆ. ಇದರ ಜೊತೆಗೆ ಜೀರ್ಣಕ್ರಿಯೆ ಸಲುಭವಾಗುವಂತೆ ಮಾಡುತ್ತದೆ.

ಮಾಡುವ ವಿಧಾನ : ಮ್ಯಾಟ್ ಮೇಲೆ ಮಲಗಿ ನಿಧಾನವಾಗಿ ನಿಮ್ಮ ಸೊಂಟ ಹಾಗೂ ಬೆನ್ನನ್ನ ಮೇಲಕ್ಕೆ ಎತ್ತಿ, ತಲೆ ಇದ್ದ ಜಾಗದಲ್ಲಿ ಇರಲಿ ಹಾಗೂ ಎರಡು ಕೈಗಳನ್ನು ನೇರವಾಗಿ ಮುಂದೆ ಚಾಚಿ ನಿಮ್ಮ ದೇಹವನ್ನು ಸೇತುವೆಯಂತೆ ಮಾಡಿಕೊಳ್ಳಿ. ಇದೇ ಸ್ಥಿತಿಯನ್ನ ಹತ್ತು ಬಾರಿ ಮಾಡಿ ಮತ್ತು ದೀರ್ಘವಾಗಿ ಉಸಿರನ್ನು ಒಳಗೆ ತೆಗೆದುಕೊಳ್ಳಿ. ನಂತರ ನಿಧಾನವಾಗಿ ಹಿಂದಿನ ಸ್ಥಿತಿಗೆ ಮರಳಿ.

5. ಮಾರ್ಜರ್ಯಾಸನ (Cow Pose)

ಮಾರ್ಜರ್ಯಾಸನ ಇದನ್ನು ದನವನ್ನು ಹೋಲುವ ಆಸನ ಅಂತಾಲೂ ಕಪ್‌ ಮಾಡಲು ಸಹಕಾರಿಯಾಗಿದೆ. ಮತ್ತು ಕರುಳಿನ ಆರೋಗ್ಯಕ್ಕೂ ಈ ಆಸನ ಉತ್ತಮವಾಗಿದೆ.

ಮಾಡುವ ವಿಧಾನ : ಮೊದಲಿಗೆ ಅಂಬೆಗಾಲಿನಲ್ಲಿ ಕುಳಿತುಕೊಳ್ಳಿ ನಂತರ ನಿಮ್ಮ ತಲೆಯನ್ನು ಒಳಕ್ಕೆ ಬಗ್ಗಿಸಿ. ಹೀಗೆ ಸುಮಾರು ಹತ್ತು ಸಲ ಮಾಡಿ. ನಂತರ ಮೊದಲಿಗೆ ಸ್ಥಿತಿಗೆ ಮರಳಿ.

ಪ್ರತಿನಿತ್ಯ ಈ ಐದು ಆಸನಗಳನ್ನು ಮಾಡುವುದರಿಂದ ನಿಮ್ಮ ದೇಹದಲ್ಲಿ ಆರೋಗ್ಯಕರ ಬದಲಾವಣೆಗಳು ಉಂಟಾಗುತ್ತದೆ. ಕ್ರಮೇಣ ಅಜೀರ್ಣದಂತಹ ಸಮಸ್ಯೆಗಳು ಹೇಳ ಹೆಸರಿಲ್ಲದಂತೆ ಮಾಯಾವಾಗುತ್ತದೆ.