ವಿಶ್ವದಲ್ಲಿಯೇ ಪುರುಷರಲ್ಲಿ ಕಡಿಮೆಯಾಗುತ್ತಿದೆ ವೀರ್ಯಾಣುಗಳ ಸಂಖ್ಯೆ, ಬಂಜೆತನ ಹೆಚ್ಚಾಗಲಿದೆ

ವೀರ್ಯಾಣು ಸಂಖ್ಯೆ ಕಡಿಮೆಯಾಗಲು ಕಾರಣವೇನು?

ವೀರ್ಯಾಣುಗಳ ಸಂಖ್ಯೆ ಕಡಿಮೆಯಾಗುತ್ತಿರಲು ಕಾರಣವೇನು ಎಂಬುವುದು ಇದುವರೆಗೆ ತಿಳಿದು ಬಂದಿಲ್ಲ. 2000 ಇಸವಿಯಿಂದ ಪುರುಷರಲ್ಲಿ ವೀರ್ಯಾಣುಗಳ ಸಂಖ್ಯೆ ತುಂಬಾನೇ ಕಡಿಮೆಯಾಗುತ್ತಿದೆ, ಕಳೆದ ಒಂದು ವರ್ಷದಿಂದ ಪುರುಷರಲ್ಲಿ ವೀರ್ಯಾಣುಗಳ ಸಂಖ್ಯೆ ತುಂಬಾನೇ ಕುಗ್ಗುತ್ತಿದೆ.

ಪುರುಷರಲ್ಲಿ ವೀರ್ಯಣು ಕಡಿಮೆಯಾದರೆ ಆಗುವ ತೊಂದರೆಗಳು

ಪುರುಷರಲ್ಲಿ ವೀರ್ಯಾಣುಗಳು ಕಡಿಮೆಯಾಗುವುದರಿಂದ ಬಂಜೆತನ ಸಮಸ್ಯೆ ಹೆಚ್ಚಾಗಲಿದೆ. ಇದರಿಂದ ಮಾನಸಿಕವಾಗಿ ಹಾಗೂ ಸಾಂಸಾರಿಕವಾಗಿ ಹಲವು ತೊಂದರೆಗಳು ಎದುರಾಗಬಹುದು.

ವೀರ್ಯಾಣುಗಳ ಸಂಖ್ಯೆ ಕಡಿಮೆಯಾಗುತ್ತಿರಲು ಸಂಭವನೀಯತೆ ಕಾರಣವೇನಿರಬಹುದು?

* ಜೀವನಶೈಲಿ: ಈಗ ಜೀವನಶೈಲಿ ತುಂಬಾ ಬದಲಾಗುತ್ತಿದೆ. ತುಂಬಾ ಹೊತ್ತು ಲ್ಯಾಪ್‌ಟಾಪ್ ಮುಂದೆ ಕೂರುವುದು, ವ್ಯಾಯಾಮ ಇಲ್ಲದಿರುವುದು ಇವೆಲ್ಲಾ ಪರಿಣಾಮ ಬೀರುತ್ತಿರಬಹುದು.

* ಅನಾರೋಗ್ಯಕರ ಆಹಾರ ಶೈಲಿ ಕೂಡ ಒಂದು ಕಾರಣವಾಗಿದೆ.

* ಪರಿಸರ: ಪರಿಸರ ಮಾಲಿನ್ಯ ಕೂಡ ಆರೋಗ್ಯದ ಮೇಲೆ ಪರಿಣಾಮ ಬೀರುವುದು

* ಧೂಮಪಾನ ವೀರ್ಯಾಣುಗಳ ಸಂಖ್ಯೆ ಕಡಿಮೆ ಮಾಡುವುದು.

* ಒತ್ತಡದ ಜೀವನ

ಪುರುಷರಲ್ಲಿ ಬಂಜೆತನ ಹೆಚ್ಚಾಗುತ್ತಿರಲು ಈ ಆರೋಗ್ಯಸಮಸ್ಯೆ ಕೂಡ ಕಾರಣವಾಗುತ್ತಿದೆ

ವೇರಿಕೋಸಿಲೆ: ವೃಷಣಗಳಲ್ಲಿರುವ ನರಗಳಲ್ಲಿ ಊತ ಉಂಟಾದರೆ ಸರಿಯಾಗಿ ರಕ್ತ ಸಂಚಾರವಾಗದೆ, ಇದರಿಂದಲೂ ವೀರ್ಯಾಣುಗಳ ಸಂಖ್ಯೆ ಕಡಿಮೆಯಾಗಿ ಬಂಜೆತನ ಉಂಟಾಗುವುದು.

ಕೆಲವರು ತುಂಬಾ ತಡವಾಗಿ ಮದುವೆಯಾಗುತ್ತಿದ್ದಾರೆ, ವಯಸ್ಸಾಗುತ್ತಿದ್ದಂತೆ ವೀರ್ಯಾಣುಗಳ ಸಂಖ್ಯೆ ಸಾಮಾನ್ಯವಾಗಿ ಕಡಿಮೆಯಾಗುವುದು.

ಇನ್ನು ಕ್ಯಾನ್ಸರ್ ಚಿಕಿತ್ಸೆ ಪಡೆಯುವವರು ಮೊದಲೇ ವೀರ್ಯಾಣುಗಳನ್ನು ವೈದ್ಯಕೀಯ ವಿಧಾನದಲ್ಲಿ ಸ್ಟೋರ್ ಮಾಡಿ ನಂತರ ಮಗು ಪಡೆಯಲು ಬಳಸಬಹುದು.

ವೀರ್ಯಾಣು ಸಂಖ್ಯೆ ಹೆಚ್ಚಿಸಲು ಏನು ಮಾಡಬೇಕು

* ವ್ಯಾಯಾಮ ಮಾಡಿ: ದಿನಾ ಅರ್ಧ ಗಂಟೆ ವ್ಯಾಯಾಮ ,ಮಾಡಿ.

* ಚೆನ್ನಾಗಿ ನಿದ್ದೆ ಮಾಡಿ : ದಿನದಲ್ಲಿ 6 ಗಂಟೆ ನಿದ್ದೆ ಮಾಡಿ.

* ಮಾನಸಿಕ ಒತ್ತಡ ಕಡಿಮೆ ಮಾಡಿ: ಧ್ಯಾನ ನಿಮಗೆ ಮಾನಸಿಕ ಒತ್ತಡ ಹೊರ ಹಾಕಲು ಸಹಕಾರಿ

* ಧೂಮಪಾನ ಅಭ್ಯಾಸವಿದ್ದರೆ ಬಿಡಿ: ಧೂಮಪಾನಿಗಳಲ್ಲಿ ವೂರ್ಯಾಣುಗಳ ಸಂಖ್ಯೆ ತುಂಬಾನೇ ಕಡಿಮೆಯಾಗುತ್ತಿರುವುದರಿಂದ ಧೂಮಪಾನ ಮಾಡಬೇಡಿ.

* ಲ್ಯಾಪ್‌ಟಾಪ್‌ ತೊಡೆ ಮೇಲಿಟ್ಟು ಕೆಲಸ ಮಾಡಬೇಡಿ: ಟೇಬಲ್‌ ಮೇಲಿಟ್ಟು ಮಾಡಿ.

* ಜೇಬಿನಲ್ಲಿ ಮೊಬೈಲ್ ಇಡಬೇಡಿ: ಮೊಬೈಲ್‌ ಕೂಡ ವೀರ್ಯಾಣಗಳ ಸಂಖ್ಯೆ ಕಡಿಮೆ ಮಾಡುವುದರಿಂದ ಮೊಬೈಲ್‌ ಜೇಬಿನಲ್ಲಿ ಇರಬೇಡಿ.

* ಆರೋಗ್ಯಕರ ಮೈ ತೂಕ ಹೊಂದಿ: ಆಹಾರಶೈಲಿ, ವ್ಯಾಯಾಮದಿಂದ ಸಮತೂಕದ ಮೈಕಟ್ಟು ಪಡೆಯಬಹುದು.

* ಆರೋಗ್ಯಕರ ಆಹಾರಶೈಲಿ ಅಭ್ಯಾಸ ಮಾಡಿ.