ರಾತ್ರಿ ಹೊತ್ತಿನಲ್ಲಿ ಹೃದಯಾಘಾತವಾದರೆ ಕ್ಷಣಾರ್ಧದಲ್ಲಿ ಸಾವು ಸಂಭವಿಸುವುದು

ಇದ್ದಕ್ಕಿದ್ದಂತೆ ಹೃದಯಾಘಾತ ಸಂಭವಿಸಲು ಕಾರಣಗಳು

ಈ ಕೆಳಗಿನ ಅಂಶಗಳು ಹೃದಯಾಘಾತ ಉಂಟು ಮಾಡುವ ಸಾಧ್ಯತೆ ಹೆಚ್ಚು. ಅವುಗಳೆಂದರೆ...

1. ಅತ್ಯಧಿಕ ಮೈ ತೂಕ

ಅಧಿಕ ಮೈ ತೂಕ ಹೃದಯಾಘಾತಕ್ಕೆ ಒಂದು ಸಾಮಾನ್ಯ ಕಾರಣವಾಗಿದೆ. ಮೈ ತೂಕ ಹೆಚ್ಚಾದಂತೆ ಅನೇಕ ಆರೋಗ್ಯ ಸಮಸ್ಯೆಗಳಿಗೆ ಕಾರಣವಾಗಿದೆ, ಮೈ ತೂಕ ಹೆಚ್ಚಾದಂತೆ ಹೃದಯಾಘಾತ ಸಂಭವಿಸುವ ಸಾಧ್ಯತೆ ಹೆಚ್ಚು.

2. ಮದ್ಯಪಾನ

ತುಂಬಾ ಮದ್ಯಪಾನ ಮಾಡುವ ಅಭ್ಯಾಸ ಇದ್ದರೆ ಅವರಿಗೆ ಹೃದಯಾಘಾತ ಕಾಣಿಸಿಕೊಳ್ಳುವುದು, ಮದ್ಯಪಾನ ಕರುಳಿನ ಕ್ಯಾನ್ಸರ್ ಕೂಡ ತರುತ್ತದೆ.

3. ಜೀವನ ಶೈಲಿ

ತುಂಬಾ ಮಾನಸಿಕ ಒತ್ತಡ, ಆರೋಗ್ಯಕರವಲ್ಲದ ಆಹಾರಕ್ರಮ, ಕೆಟ್ಟ ಚಟಗಳು ಇವೆಲ್ಲಾ ಆರೋಗ್ಯವನ್ನು ಹಾಳು ಮಾಡುತ್ತದೆ. ಅನಾರೋಗ್ಯಕರ ಜೀವನಶೈಲಿಯಿಂದಾಗಿ ಅನೇಕ ಆರೋಗ್ಯ ಸಮಸ್ಯೆಗಳು ಉಂಟಾಗುತ್ತದೆ.

ಹಗಲು ಹೊತ್ತಿನಲ್ಲಿ ಹೃದಯಾಘಾತ ಸಂಭವಿಸಿದರೆ ಬದುಕುಳಿಯುವ ಸಾಧ್ಯತೆ ಹೆಚ್ಚು

ಇತ್ತೀಚೆಗೆ ಒಂದು ಅಧ್ಯಯನ ನಡೆಸಲಾಗಿತ್ತು, ಅದರಲ್ಲಿ 4,126 ಹೃದಯಾಘಾತ ಸಂಭವಿಸಿದ ರೋಗಿಗಳ ದಾಖಲೆಯನ್ನು ಪರಿಶೀಲಿಸಲಾಯಿತು, ಅವಗಳಲ್ಲಿ 3,208 ರೋಗಗಳಿಗೆ ಹಗಲಿನಲ್ಲಿ ಹೃದಯಾಘಾತ ಕಾಣಿಸಿಕೊಂಡಿದ್ದರೆ 918 ಜನರಿಗೆ ರಾತ್ರಿ ಹೊತ್ತಿನಲ್ಲಿ ಹೃದಯಾಘಾತ ಕಾಣಿಸಿಕೊಂಡಿತ್ತು.

ರಾತ್ರಿ ಹೊತ್ತಿನಲ್ಲಿ ಹೃದಯಾಘಾತ ಕಾಣಿಸಿಕೊಂಡವರಲ್ಲಿ ಮಹಿಳೆಯರ ಸಂಖ್ಯೆಯೇ ಅಧಿಕವಾಗಿದ್ದು ಬದುಕಿಳಿದರ ಸಂಖ್ಯೆ ಶೆ.20 ಆಗಿದೆ.

ಶ್ವಾಸಕೋಶದ ಸಮಸ್ಯೆ, ಅಸ್ತಮಾ ಇಂಥ ರೋಗಿಗಳಿಗೆ ರಾತ್ರಿ ಹೊತ್ತಿನಲ್ಲಿ ಹೃದಯಾಘಾತ ಕಾಣಿಸಿಕೊಳ್ಳುವ ಸಾಧ್ಯತೆ ಹೆಚ್ಚು. ಔಷಧ ಸೇವನೆಯಿಂದ ಮೆದುಳಿನ ಮೇಲೆ ಪರಿಣಾಮ ಬೀರುತ್ತದೆ, ಇದರಿಂದ ಉಸಿರಾಟಕ್ಕೆ ತೊಂದರೆಯಾಗುವುದು. ಆಗ ರಾತ್ರಿ ಹೊತ್ತಿನಲ್ಲಿ ಹೃದಯಾಘಾತ ಸಂಭವಿಸುವುದು.

ಇದ್ದಕ್ಕಿದ್ದಂತೆ ಹೃದಯಾಘಾತ ಸಂಭವಿಸುವ ಮುನ್ನ ಕಂಡು ಬರುವ ಲಕ್ಷಣಗಳು

* ಜೋರಾದ ಎದೆ ಬಡಿತ

* ಬೆವರುವುದು

* ಉಸಿರಾಟದಲ್ಲಿ ತೊಂದರೆ

* ಪ್ರಜ್ಞೆ ತಪ್ಪು ವುದು

* ಎದೆಯಲ್ಲಿ ಬಿಗಿತ

ಈ ಎಲ್ಲಾ ಲಕ್ಷಣಗಳು ಕೆಲವೇ ನಿಮಿಷಗಳಲ್ಲಿ ಕಂಡು ಬರುತ್ತದೆ.

ಹೃದಯದ ಆರೋಗ್ಯ ಜೋಪಾನ ಮಾಡುವುದು ಹೇಗೆ?

* ಮದ್ಯಪಾನ ಅಭ್ಯಾಸಿದ್ದರೆ ಮಿತಿಯಲ್ಲಿ ಮಾಡುವುದು

* ಧೂಮಪಾನ ಬಿಡಿ

* ಆರೋಗ್ಯಕರ ಜೀವನಶೈಲಿ ಪಾಲಿಸಿ.

* ಮೈ ತೂಕ ಕಡಿಮೆ ಮಾಡಿ

* ಉಸಿರಾಟದ ವ್ಯಾಯಾಮ ಮಾಡಿ.

* ರೋಗ ನಿರೋಧಕ ಶಕ್ತಿ ಹೆಚ್ಚಿಸಿ.