ವಿಶ್ವ ಮಧುಮೇಹ ದಿನ 2022: ಈ ಸರಳ ಯೋಗ ಭಂಗಿ ಮಾಡಿದವರಿಗೆ ಮಧುಮೇಹದ ಅಪಾಯವಿಲ್ಲ

ಸೂರ್ಯ ನಮಸ್ಕಾರ

ಬೆಳಗ್ಗೆ ಎದ್ದು 6 ಅಥವಾ 12 ರೌಂಡ್‌ ಸೂರ್ಯ ನಮಸ್ಕಾರ ಮಾಡಿ. ಸೂರ್ಯ ನಮಸ್ಕಾರ ಮಾಡುವುದರಿಂದ ನಿಮ್ಮ ದೇಹಕ್ಕೆ ಫ್ಲೆಕ್ಸಿಬಲ್ ದೊರೆಯುವುದರ ಜೊತೆಗೆ ತುಂಬಾನೇ ಪ್ರಯೋಜನವಿದೆ. ನೀವು ಸೂರ್ಯ ನಮಸ್ಕಾರ ಪ್ರತಿನಿತ್ಯ ಅಭ್ಯಾಸ ಮಾಡುವುದರಿಂದ ಮಧುಮೇಹವನ್ನು ನಿಯಂತ್ರಣದಲ್ಲಿಡುವುದರ ಜೊತೆಗೆ ಸ್ನಾಯುಗಳಿಗೆ ಬಲ ಸಿಗುತ್ತದೆ. ತ್ವಚೆ ಚೆನ್ನಾಗಿರುತ್ತದೆ, ತೂಕ ಇಳಿಕೆಯಾಗುವುದು, ಮಾನಸಿಕ ಒತ್ತಡ ಕಡಿಮೆಯಾಗುವುದು, ದೇಹದಲ್ಲಿರುವ ಕಶ್ಮಲ ಹೊರ ಹಾಕಲು ಸಹಕಾರಿ.

ಧನುರಾಸನ

ಈ ಧನುರಾಸನ ಪ್ರತಿನಿತ್ಯ ಮಾಡುವುದರಿಂದ ಕಿಬ್ಬೊಟ್ಟೆಯ ಸ್ನಾಯುಗಳು ಬಲವಾಗುತ್ತೆ, ಮಲಬದ್ಧತೆ ಸಮಸ್ಯೆ ಶುರುವಾಗುವುದು, ಮೇಧೋಜೀರಕ ಗ್ರಂಥಿ ಸರಿಯಾಗಿ ಕಾರ್ಯನಿರ್ವಹಿಸುವುದು, ಇದು ರಕ್ತದಲ್ಲಿ ಸಕ್ಕರೆಯಂಶ ನಿಯಂತ್ರಣದಲ್ಲಿಡುತ್ತದೆ.

ಪಶ್ಚಿಮ ಉತ್ತಾಸನ

ಮಧುಮೇಹ ನಿಯಂತ್ರಣ ಮಾಡಲು ಪಶ್ಚಿಮ ಉತ್ತಾಸನ ಕೂಡ ಅತ್ಯುತ್ತಮವಾದ ಭಂಗಿಯಾಗಿದೆ. ಇದು ಮಧುಮೇಹ, ರಕ್ತದೊತ್ತಡವನ್ನು ನಿಯಂತ್ರಣದಲ್ಲಿಡಲು ಸಹಕಾರಿ. ಅಲ್ಲದೆ ಈ ಭಂಗಿ ಅಧಿಕ ಮಾನಸಿಕ ಒತ್ತಡ, ತಲಡನೋವು, ತಲೆಸುತ್ತು, ಆತಂಕ ಎಲ್ಲವನ್ನು ಕಡಿಮೆ ಮಾಡುತ್ತದೆ. ಮಾನಸಿಕ ಒತ್ತಡ ಅಧಿಕವಾಗುವುದರಿಂದ ಕೂಡ ಮಧುಮೇಹದ ಅಪಾಯ ಹೆಚ್ಚು, ಆದ್ದರಿಂದ ಮಾನಸಿಕ ಒತ್ತಡ ಹೊರ ಹಾಕುವ ಈ ವ್ಯಾಯಾಮ ಮಾಡಿ.

ವಿಪರೀತಕರಣಿ

ವಿಪರೀತಕರಣಿ ತುಂಬಾ ಪರಿಣಾಮಕಾರಿಯಾದ ವ್ಯಾಯಾಮವಾಗಿದೆ. ಮಹಿಳೆಯರು ಮುಟ್ಟಿನ ಸಮಯದಲ್ಲಿ ಈ ವ್ಯಾಯಾಮ ಮಾಡಬಾರದು. ಉಳಿದಂತೆ ಪ್ರತಿನಿತ್ಯ ಅಭ್ಯಾಸ ಮಾಡಿ. ಈ ವ್ಯಾಯಾಮ ಮಾನಸಿಕ ಒತ್ತಡ ಕಡಿಮೆ ಮಾಡುವುದರ ಜೊತೆಗೆ ದೇಹದಲ್ಲಿ ಸಕ್ಕರೆಯಂಶ ನಿಯಂತ್ರಣದಲ್ಲಿಡಲು ಸಹಕಾರಿ. ಇದು ದೇಹಕ್ಕೆ ಚೈತನ್ಯ ತುಂಬುವುದು. ಕೆಲಸದಿಂದ ಮನೆಗೆ ಮರಳಿದಾಗ ತುಂಬಾ ಸುಸ್ತಾಗಿರುತ್ತೇವೆ, ಆಗ ಈ ಭಂಗಿಯಲ್ಲಿ 5 ನಿಮಿಷ ಇದ್ದರೆ ಸಾಕು ನಂತರ ನಿಮಗೆ ಸುಸ್ತು ಅನಿಸುವುದೇ ಇಲ್ಲ.

ಭುಜಾಂಗಾಸನ

ನೀವು ಈ ಆಸನ ಅಭ್ಯಾಸ ಮಾಡುವುದರಿಂದ ನಿಮ್ಮ ಸ್ನಾಯುಗಳ ಬಲವಾಗುವುದು, ದೇಹದಲ್ಲಿ ಸಕ್ಕರೆಯಂಶ ನಿಯಂತ್ರಣದಲ್ಲಿರುತ್ತದೆ, ಈ ಭಂಗಿ ಅಸ್ತಮ ರೋಗಿಗಳಿಗೆ ತುಂಬಾನೇ ಒಳ್ಳೆಯದು.

ಶವಾಸನ

ಮೇಲಿನ ಆಸನಗಳನ್ನೆಲ್ಲಾ ಮಾಡುವಾಗ ಒಂದು ಭಂಗಿಯಿಂದ ಮತ್ತೊಂದು ಭಂಗಿ ಮಾಡುವ ಮುನ್ನ 1 ನಿಮಿಷ ಶವಾಸನದಲ್ಲಿ ಮಲಗಿ ವಿಶ್ರಾಂತಿ ತೆಗೆದುಕೊಳ್ಳಬೇಕು. ಎಲ್ಲಾ ಆಸನಗಳನ್ನು ಮಾಡಿದ ಬಳಿಕ 5 ನಿಮಿಷ ಶವಾಸನದಲ್ಲಿ ಮಲಗಿ ವಿಶ್ರಾಂತಿ ಪಡೆಯಿರಿ. ಇದು ಮನಸ್ಸು ಹಾಗೂ ದೇಹಕ್ಕೆ ವಿಶ್ರಾಂತಿಯ ಅನುಭವ ನೀಡುವುದರ ಜೊತೆಗೆ ನಿಮ್ಮೆಲ್ಲಾ ಮಾನಸಿಕ ಒತ್ತಡ ಹೊರ ಹಾಕುತ್ತದೆ, ಇದರಿಂದ ಮಧುಮೇಹ ನಿಯಂತ್ರಣದಲ್ಲಿರುತ್ತದೆ.

ಧ್ಯಾನ ಮಾಡಿ

ನಂತರ 5 ನಿಮಿಷ ಕೈ ಮಗಿದು, ಕಣ್ಣುಗಳನ್ನು ಮುಚ್ಚಿ ಧ್ಯಾನ ಮಾಡಿ ನಂತರ ಕೈಗಳನ್ನು ಉಜ್ಜಿ, ಕಣ್ಣಿಗೆ ಒತ್ತಿ, ನಂತರ ನಿಧಾನಕ್ಕೆ ಕಣ್ಣು ಬಿಡಿ.

ಈ ವ್ಯಾಯಾಮಗಳನ್ನು ಪ್ರತಿನಿತ್ಯ ಮಾಡಿ, ಬದಲಾವಣೆ ಕಾಣುವಿರಿ.