ಒಂದೇ ತಿಂಗಳಿನಲ್ಲಿ ಬರೋಬ್ಬರಿ ಆರು ಕೆಜಿ ತೂಕ ಇಳಿಸಿಕೊಳ್ಳಿ!

ಮೊಟ್ಟೆ

ಸಾವಯವ ವಿಧಾನದಿಂದ ಬೆಳೆಸಿದ ಕೋಳಿಗಳ ಮೊಟ್ಟೆಯನ್ನು ಉಪಾಹಾರದ ರೂಪದಲ್ಲಿ ಪ್ರತಿದಿನ ಬೆಳಿಗ್ಗೆ ತಿನ್ನುವ ಮೂಲಕ ನಿಮಗೆ ಅಗತ್ಯವಾದ ಪ್ರೋಟೀನು ಮತ್ತು ಇತರ ಪೋಷಕಾಂಶಗಳು ದೊರಕುತ್ತದೆ. ಹಾಗೂ ಕೊಬ್ಬು ಸಹಾ ಬಳಕೆಯಾಗಿ ಸ್ಥೂಲಕಾಯ ಇಳಿಯಲು ನೆರವಾಗುತ್ತದೆ.

ಪಾಲಕ್ ಸೊಪ್ಪು

ಕೊಬ್ಬು ಇಳಿಸಲು ಉತ್ತಮವಾದ ಆಹಾರಗಳ ಪಟ್ಟಿಯಲ್ಲಿ ಪಾಲಕ್ ಮತ್ತು ಬಸಲೆ ಸೊಪ್ಪು ಪ್ರಮುಖ ಪಾತ್ರ ವಹಿಸುತ್ತವೆ. ಈ ಸೊಪ್ಪಿನ ಸೇವನೆಯಿಂದ ರಕ್ತದಲ್ಲಿ ಹೆಚ್ಚಿನ ಪ್ರಮಾಣದ ಕಬ್ಬಿಣ ಲಭ್ಯವಾಗುತ್ತದೆ ಹಾಗೂ ಈ ಆಹಾರವನ್ನು ಜೀರ್ಣಿಸಿಕೊಳ್ಳಲು ಹೆಚ್ಚಿನ ಕೊಬ್ಬು ಬಳಕೆಯಾಗುವ ಮೂಲಕ ಕೊಬ್ಬು ಕರಗುತ್ತದೆ. ಅಲ್ಲದೇ ಇದರಲ್ಲಿ ಹೆಚ್ಚಿನ ನಾರು ಇರುವ ಕಾರಣ ಜೀರ್ಣಾಂಗಗಳಿಂದ ತ್ಯಾಜ್ಯಗಳು ಮತ್ತು ವಿಷಕಾರಿ ವಸ್ತುಗಳನ್ನು ಸುಲಭವಾಗಿ ಹೊರಹಾಕಲು ನೆರವಾಗುತ್ತದೆ.

ಮೀನು

ಮೀನಿನಲ್ಲಿ ಒಮೆಗಾ 3 ಕೊಬ್ಬಿನ ಆಮ್ಲಗಳು ಉತ್ತಮ ಪ್ರಮಾಣದಲ್ಲಿದ್ದು ಇವುಗಳನ್ನು ಜೀರ್ಣಿಸಲು ಹೆಚ್ಚಿನ ಕೊಬ್ಬು ಬಳಕೆಯಾಗುತ್ತದೆ. ತನ್ಮೂಲಕ ಶೀಘ್ರವಾಗಿ ಕೊಬ್ಬು ಕರಗಲು ನೆರವಾಗುತ್ತದೆ.

ಹೂಕೋಸು

ಈ ತರಕಾರಿ ಸಹಾ ಶೀಘ್ರವಾಗಿ ಕೊಬ್ಬು ಕಳೆದುಕೊಳ್ಳಲು ನೆರವಾಗುತ್ತದೆ. ಇದರಲಿ ಉತ್ತಮ ಪ್ರಮಾಣದ ಪ್ರೋಟೀನ್ ಮತ್ತು ಕರಗದ ನಾರು ಇದ್ದು ಕೊಬ್ಬನ್ನು ಕರಗಿಸಲು ನೆರವಾಗುತ್ತವೆ. ಹೂಕೋಸಿನ ದಂಟಿನಲ್ಲಿ ಹೆಚ್ಚಿನ ನಾರು ಇರುವ ಕಾರಣ ದಂಟು ಸಹಿತ ಸೇವಿಸಬೇಕು.

ಬೀನ್ಸ್

ಅವರೆ ಕಾಳು ಅಥವಾ ಬೀನ್ಸ್, ಇದು ಯಾವುದೇ ಬಣ್ಣದಲ್ಲಿರಲಿ, ಇವು ತೂಕ ಇಳಿಸಲು ನೆರವಾಗುತ್ತವೆ. ರಾಜ್ಮಾ, ಬಿಳಿ ಅವರೆ, ಕೆಂಪು ಅವರೆ, ಕಂದು ಅವರೆ, ಅಲಸಂಡೆ ಇತ್ಯಾದಿ ದ್ವಿದಳ ಧಾನ್ಯಗಳು ಜೀವರಾಸಾಯನಿಕ ಕ್ರಿಯೆಯನ್ನು ಉತ್ತಮಗೊಳಿಸುತ್ತವೆ ಹಾಗೂ ಹೆಚ್ಚಿನ ಪ್ರಮಾಣದಲ್ಲಿ ಕೊಬ್ಬು ಕರಗಿಸಲು ನೆರವಾಗುತ್ತವೆ.

ಮಧ್ಯಾಹ್ನದ ಮತ್ತು ರಾತ್ರಿಯ ಊಟಕ್ಕೆ

ಮಧ್ಯಾಹ್ನದ ಮತ್ತು ರಾತ್ರಿಯ ಊಟಕ್ಕೆ ಹೆಚ್ಚಿನ ನಾರು ಇರುವ ಧಾನ್ಯಗಳನ್ನು ಮತ್ತು ಕಾಳುಗಳನ್ನು ಹೆಚ್ಚಾಗಿ ಸೇವಿಸಬೇಕು. ಬಾರ್ಲಿ, ಹಬೆಯಲ್ಲಿ ಬೇಯಿಸಿದ ತರಕಾರಿಗಳು, ಓಟ್ಸ್, ಮೊದಲಾದವು ಹೆಚ್ಚು ನಾರಿನ ಅಂಶವನ್ನು ಹೊಂದಿದ್ದು ದೇಹಕ್ಕೆ ಅಗತ್ಯವಾದ ಪೌಷ್ಟಿಕಾಂಶಗಳನ್ನು ನೀಡುವ ಜೊತೆಗೆ ತೂಕ ಇಳಿಸಿಕೊಳ್ಳಲೂ ಸಹಾಯ ಮಾಡುತ್ತವೆ.

ಪ್ರೋಟೀನ್ ಯುಕ್ತ ಆಹಾರಗಳು

ಹೆಚ್ಚಿನ ಪ್ರೋಟೀನ್ ಯುಕ್ತ ಆಹಾರಗಳು ದೇಹಕ್ಕೆ ಅಗತ್ಯವಾದ ಪ್ರೋಟೀನುಗಳನ್ನು ವಿವಿಧ ಕಾಳುಗಳು ಪೂರೈಸುತ್ತವೆ. ತೊಗರಿಬೇಳೆ, ಕಡಲೆಬೇಳೆ, ಹುರುಳಿ ಕಾಳು, ಹೆಸರು ಕಾಳು ಮೊದಲಾದವು ಪ್ರೋಟೀನ್‌ನ ಉತ್ತಮ ಆಗರಗಳಾಗಿವೆ.