ದೇಹದ ಮೂಳೆಗಳ ಆರೋಗ್ಯ ವರ್ಧನೆಗೆ ಸರಳ ಸೂತ್ರ

ನಿಮ್ಮ ಆನುವಂಶೀಯತೆಯನ್ನು ಗಮನಿಸಿ

ನಿಮ್ಮ ಹಿರಿಯರ ಆರೋಗ್ಯ ಹೇಗಿತ್ತು ಎಂದು ವಿಚಾರಿಸಿ. ಒಂದು ವೇಳೆ ನಿಮ್ಮ ಗುರು ಹಿರಿಯರಿಗೆ ಮೂಳೆಗಳ ಸಂಬಂಧಿ ಕಾಯಿಲೆಗಳಿದ್ದರೆ ನಿಮಗೂ ಈ ತೊಂದರೆ ಬರುವ ಸಾಧ್ಯತೆ ಹೆಚ್ಚಾಗಿದೆ. ಈ ಪರಿಸ್ಥಿತಿಯಲ್ಲಿ ಚಿಕ್ಕ ವಯಸ್ಸಿನಿಂದಲೇ ಮೂಳೆಗಳ ಬಗ್ಗೆ ಕಾಳಜಿ ವಹಿಸುವುದು ಅಗತ್ಯ.

ಕ್ಯಾಲ್ಸಿಯಂ ಸೇವನೆ ಒಂದು ಅಭ್ಯಾಸವಾಗಿರಲಿ

ನಿಮ್ಮ ಆಹಾರದಲ್ಲಿ ಕ್ಯಾಲ್ಸಿಯಂ ಹೇರಳವಾಗಿರುವಂತೆ ನೋಡಿಕೊಳ್ಳಿ. ಇದಕ್ಕೆ ಅತ್ಯುತ್ತಮ ಸಲಹೆ ಎಂದರೆ ರಾತ್ರಿ ಮಲಗುವ ಮುನ್ನ ಒಂದು ಲೋಟ ಬಿಸಿಹಾಲಿಗೆ ಒಂದು ಚಮಚ ಜೇನು ಸೇರಿಸಿ ಕುಡಿಯುವುದು.

ವಿಟಮಿನ್ ಡಿ ಸಹಾ ಇರಲಿ

ಕೇವಲ ಕ್ಯಾಲ್ಸಿಯಂ ನಿಮ್ಮ ಆಹಾರದಲ್ಲಿದ್ದರೆ ಸಾಲದು, ಇದಕ್ಕೆ ವಿಟಮಿನ್ ಡಿ ಸಹಾ ಪೂರಕವಾಗಿ ಬೇಕು. ವಿಟಮಿನ್ ಡಿ ನಮಗೆ ಕಿತ್ತಳೆ, ಮೊಟ್ಟೆ, ಮೀನುಗಳಿಂದ ದೊರಕುತ್ತದೆ. ಆದರೆ ನಮಗೆ ಇದನ್ನು ಪಡೆಯಲು ಸೂರ್ಯನ ಬೆಳಕು ಸಹಾ ಅಗತ್ಯವಾಗಿದೆ.

ವಿಟಮಿನ್ ಕೆ ಸಹಾ ಅಗತ್ಯ

ಮೂಳೆಗಳ ಮಜ್ಜೆಯಲ್ಲಿ ರಕ್ತ ಉತ್ಪಾದನೆಯಾಗುತ್ತದೆ. ರಕ್ತದ ಉತ್ಪಾದನೆಗೆ ವಿಟಮಿನ್ ಕೆ ಅಗತ್ಯವಾಗಿದೆ. ಅಂತೆಯೇ ಮೂಳೆಗಳಿಗೂ ವಿಟಮಿನ್ ಕೆ ಅಗತ್ಯವಾಗಿದೆ. ವಿಟಮಿನ್ ಕೆ ಹೆಚ್ಚಿರುವ ಬ್ರೋಕೋಲಿ ಮತ್ತು ಕೇಲ್ ಎಲೆಗಳನ್ನು ಹೆಚ್ಚು ಹೆಚ್ಚು ಸೇವಿಸಿ.

ಸ್ವಲ್ಪ ಪೊಟಾಶಿಯಂ ಸಹಾ ಇರಲಿ

ಪೊಟಾಶಿಯಂ ಮೂಳೆಗಳ ದೃಢತೆಯಲ್ಲಿ ನೇರವಾದ ಪಾತ್ರ ವಹಿಸದೇ ಇದ್ದರೂ ಕ್ಯಾಲ್ಸಿಯಂ ಮೂಳೆಗಳಲ್ಲಿ ಅಡಕಗೊಳ್ಳಲು ನೆರವಾಗುತ್ತದೆ. ಸಿಹಿಗೆಣಸು ಮತ್ತು ಬಾಳೆಹಣ್ಣುಗಳಲ್ಲಿ ಪೊಟ್ಯಾಶಿಂ ಉತ್ತಮ ಪ್ರಮಾಣದಲ್ಲಿವೆ.

ಸಾಕಷ್ಟು ವ್ಯಾಯಾಮ ಅಗತ್ಯ

ನಿಮ್ಮ ನಿತ್ಯದ ಚಟುವಟಿಕೆಗಳಲ್ಲಿ ಸಾಕಷ್ಟು ವ್ಯಾಯಾಮ ಇರಬೇಕಾದುದು ಅಗತ್ಯ. ಚಟುವಟಿಕೆ ಕಡಿಮೆ ಇರುವವರ ಮೂಳೆಯಲ್ಲಿ ಗಾಳಿಗುಳ್ಳೆ ತುಂಬಿರುವ ಸಾಧ್ಯತೆ ಹೆಚ್ಚಾಗಿದೆ.

ಕೆಫೀನ್‌ಗೆ ವಿದಾಯ ಹೇಳಿ

ಒಂದು ಸಂಶೋಧನೆಯ ಪ್ರಕಾರ ಮೂಳೆಗಳು ಕ್ಯಾಲ್ಸಿಯಂ ಹೀರಿಕೊಳ್ಳಲು ಕೆಫೀನ್ ಅಡ್ಡಿಪಡಿಸುವುದರಿಂದ ಮೂಳೆಗಳು ಅಗತ್ಯವಾದ ದೃಢತೆಯನ್ನು ಪಡೆಯದಿರುವುದರಿಂದ ಕೆಫೀನ್ ಹೆಚ್ಚಿರುವ ಆಹಾರ, ಪಾನೀಯ ಮತ್ತು ಔಷಧಿಗಳನ್ನು ದೂರವಿರಿಸುವುದು ಮೇಲು.

ಆಲ್ಕೋಹಾಲ್‌ನಿಂದ ದೂರಾಗಿ

ಆಲ್ಕೋಹಾಲ್ ಸೇವನೆಯಿಂದ ವಿಟಮಿನ್ ಡಿ ಪ್ರಮಾಣ ಅಪಾಯಕರ ಮಟ್ಟಕ್ಕೆ ಕುಸಿಯುತ್ತದೆ. ಇದರಿಂದ ಮೂಳೆಗಳು ಕ್ಯಾಲ್ಸಿಯಂ ಹೀರಿಕೊಳ್ಳಲು ಅಸಮರ್ಥವಾಗಿ ಶಿಥಿಲವಾಗುತ್ತವೆ.