ಔಷಧಿಗಳ ವಿಚಾರದಲ್ಲಿ ಸ್ವಯಂ ವೈದ್ಯರಾಗಲು ಹೋಗಬೇಡಿ

ಮೂತ್ರಪಿಂಡಕ್ಕೆ ಹಾನಿಯಾಗುವುದು

ಔಷಧಿಗಳು ದೇಹದಲ್ಲಿ ತಮ್ಮ ಕಾರ್ಯನಿರ್ವಹಣೆಯಾದ ನಂತರ ವಿಸರ್ಜನೆಗೊಳ್ಳಲು ಮೂತ್ರಪಿಂಡಕ್ಕೆ ತಲಪುತ್ತವೆ. ಅನೇಕ ಔಷಧಿಗಳು, ವೈದ್ಯಕೀಯ ಸಲಹೆ ಇಲ್ಲದೆ ಸೇವಿಸಿದಾಗ ಮೂತ್ರಪಿಂಡಕ್ಕೆ

ಹಾನಿಯುಂಟುಮಾಡಬಲ್ಲುದು. ಉದಾಹರಣೆಗೆ, ನಿಮೆಸುಲೈಡ್ (Nimesulide) ಎಂಬ ನೋವು ನಿವಾರಕ ಔಷಧಿಯು ಮೂತ್ರಪಿಂಡದಲ್ಲಿ ರಕ್ತಸ್ರಾವ ಆಗುವ ಹಾಗೆ ಪರಿಣಾಮ ಬೀರುತ್ತದೆ. ಇದು ಸ್ವಯಂ-ಔಷಧಿಯ ಸೇವನೆಯಿಂದಾಗುವ ಹಾನಿಕಾರಕ ಕೆಟ್ಟ ಪರಿಣಾಮ ಬೀರುವ ಔಷಧಿಗಳಲ್ಲಿ ಒಂದು.

ಪಿತ್ತಜನಕಾಂಗಕ್ಕೆ ಹಾನಿಯಾಗುವುದು

ನೀವು ಸೇವಿಸುವ ಔಷಧಿಗಳೆಲ್ಲವೂ, ಚಯಾಪಚಯದ ಕ್ರಿಯೆಯ ಒಂದು ಭಾಗವಾಗಿ, ಪಿತ್ತಜನಕಾಂಗಕ್ಕೆ ಹೋಗುತ್ತವೆ. ಆದ್ದರಿಂದ ಔಷಧಗಳನ್ನು ಪ್ರಕ್ರಿಯೆಗೊಳಿಸಲು ಪಿತ್ತಜನಕಾಂಗಕ್ಕೆ ಭಾರಿ ಹೊರೆಯಾಗುತ್ತದೆ. ಪ್ಯಾರಾಸೆಟಮಾಲ್ ಎಂಬುವ ಔಷಧವು ಪಿತ್ತಜನಕಾಂಗಕ್ಕೆ ತೀವ್ರವಾದ ಹಾನಿ ಉಂಟು ಮಾಡುವ ಔಷಧಗಳಲ್ಲಿ ಒಂದು. ಈ ಔಷಧಿಯ ಪ್ರಕ್ರಿಯೆನಡೆಯುವಾಗ ಚಯಾಪಚಯ ಉತ್ಪನ್ನಗಳಿಂದ ಪಿತ್ತಜನಕಾಂಗಕ್ಕೆ ಹಾನಿಯಾಗುತ್ತದೆ. ನಿಮಗೆ ಈಗಾಗಲೇ ಪಿತ್ತಜನಕಾಂಗದ ಕಾಯಿಲೆ ಇದ್ದಲ್ಲಿ, ಪ್ಯಾರಾಸೆಟಮಾಲ್ (ಅಸೆಟೋಮೆನಾಫೆನ್) ಇರುವ ಔಷಧಿಯನ್ನು ತಪ್ಪಿಸಿ.

ಸಂವೇದನಾಶೀಲ ಅಘಾತ

ಇದು ಸ್ವಯಂ-ಔಷಧಿಯಿಂದಾಗುವ ತೀಕ್ಷ್ಣ ಅಸಹಿಷ್ಣುತೆ (ಅಲರ್ಜಿಕ್) ಪ್ರತಿಕ್ರಿಯೆ. ಕಲವು ಜನರು ಔಷಧಿಗಳಿಗೆ ಸಾಮಾನ್ಯ ರೀತಿಯನ್ನು ಬಿಟ್ಟು ಬೇರೆಯೇ ರೀತಿಯಲ್ಲಿ ಪ್ರತಿಕ್ರಿಯಿಸುತ್ತಾರೆ. ಅಂತಹವರು ಕೆಲವು ನಿರ್ದಿಷ್ಟ ಔಷಧಿಗಳಿಗೆ ತೀವ್ರ ಪ್ರತಿಕ್ರಿಯೆ ತೋರಿಸುತ್ತಾರೆ. ಹಾಗೆ ಆಗುವ ಪ್ರತಿಕ್ರಿಯೆಯ ಲಕ್ಷಣಗಳಲ್ಲಿ ಹೆಚ್ಚಿನ ಹೃದಯ ಬಡಿತ, ಕಡಿಮೆ ರಕ್ತದೊತ್ತಡ, ತೀವ್ರ ದೌರ್ಬಲ್ಯ, ದಿಗಿಲು ಮತ್ತು ಎಚ್ಚರ ತಪ್ಪುವುದು ಸೇರಿರುತ್ತವೆ. ಈ ಲಕ್ಷಣಗಳಿಂದ ಅಂತಿಮವಾಗಿ ಸಾವಿಗೆ ಕಾರಣವಾಗಲೂ ಬಹುದು.

ಔಷಧಿಗಳ ಅಡ್ಡಪರಿಣಾಮ

ನೀವು ಒಂಧು ಔಷಧವನ್ನು ತೆಗೆದುಕೊಳ್ಳುತ್ತಿರುವಾಗ, ಮತ್ತೊಬ್ಬ ವೈದ್ಯರ ಸಲಹೆಯನ್ನು ಕೇಳದೇ ಇನ್ನೊಂದು ಔಷಧವನ್ನು ತೆಗೆದುಕೊಳ್ಳಬಯಸಿದರೆ, ನೀವು ತೆಗೆದುಕೊಳ್ಳುತ್ತಿದ್ದ ಮೊದಲನೆ ಔಷಧ ಪರಿಣಾಮಾಕಾರಿ ಆಗದಿರುವುದು ನಿರೂಪಣೆಯಾಗಿದೆ. ಒಂದು ಔಷಧ ಮತ್ತೊಂದು ಔಷಧದ ಪರಿಣಾಮವನ್ನು ಹೆಚ್ಚು ಅಥವಾ ಕಡಿಮೆಮಾಡಬಹುದು. ಆದ್ದರಿಂದ ಮತ್ತೊಂದು ಔಷಧಿಯನ್ನು ತೆಗೆದುಕೊಳ್ಳುವ ಮುನ್ನ ಎಚ್ಚರಿಕೆ ವಹಿಸಿ.

ವಿರುದ್ಧ ಸೂಚನೆಗಳು

ಸ್ವಯಂ-ಔಷಧಿಯ ಪ್ರಭಾವದಿಂದ ನಿಮಗೆ ಮೊದಲೇ ಇದ್ದ ಕಾಯಿಲೆಯನ್ನು ಹೆಚ್ಚಿಸಬಹುದು. ಉದಾಹರಣೆಗೆ, ನಿಮಗೆ ಮಧುಮೇಹದ ರೋಗವಿದ್ದಲ್ಲಿ, ಊತ ಅಥವಾ ನೋವನ್ನು ಕಡಿಮೆಮಾಡಿಕೊಳ್ಳಲು ಅಥವ ನಿವಾರಿಸಿಕೊಳ್ಳಲು ಸ್ಟಿರಾಯ್ಡ್ ಇರುವ ಔಷಧಿಯನ್ನು ಸೇವಿಸಿದಲ್ಲಿ ನಿಮ್ಮ ಮಧುಮೇಹದ ಕಾಯಿಲೆಯನ್ನು ಉಲ್ಬಣವಾಗಬಹುದು. ಆದ್ದರಿಂದ ಯಾವಾಗಲೂ ಯಾವುದೇ ಔಷಧವನ್ನು ತೆಗೆದುಕೊಳ್ಳುವ ಮೊದಲು ವೈದ್ಯರ ಸಲಹೆಯನ್ನು ಪಡೆಯಿರಿ. ಈ ಸ್ವಯಂ-ಔಷಧಿಯ ಬಳಕೆಯ ದುಷ್ಪರಿಣಾಮಗಳಲ್ಲಿ ಇದು ಒಂದಾಗಿದೆ.