ಮಧುಮೇಹ ಕಣ್ಣನ್ನೂ ಕಿತ್ತುಕೊಳ್ಳಬಹುದು

ಮಧುಮೇಹ ಹೃದಯ, ಕಿಡ್ನಿಗಳ ವೈಫಲ್ಯಕ್ಕೆ ಮಾತ್ರ ಕಾರಣವಾಗುವುದಿಲ್ಲ, ಮಧುಮೇಹವನ್ನು ನಿರ್ಲಕ್ಷಿಸದರೆ, ಅದು ದೇಹದ ಅತಿ ಮುಖ್ಯ ಅಂಗವಾದ ಕಣ್ಣುಗಳ ಮೇಲೂ ಪರಿಣಾಮ ಬೀರುತ್ತದೆ. ರಕ್ತದಲ್ಲಿನ ಸಕ್ಕರೆ ಅಂಶ ದೀರ್ಘಕಾಲ ಹಾಗೇ ಉಳಿದರೆ ನಿಮ್ಮ ಕಣ್ಣು ಕುರುಡಾಗುವ ಸಂಭವವೂ ಇದೆ.

ಮಧುಮೇಹಕ್ಕೂ, ಕಣ್ಣಿಗೂ ಹೇಗೆ ಸಂಬಂಧ?
ರಕ್ತದಲ್ಲಿನ ಅತಿಯಾದ ಸಕ್ಕರೆ ಅಂಶದಿಂದ ಕಣ್ಣಿನ ರಕ್ತಕಣಗಳು ಸಮಸ್ಯೆಗೆ ಒಳಗಾಗುತ್ತದೆ. ಕಣ್ಣಿನ ಈ ರಕ್ತಕಣಗಳು ತೊಂದರೆಗೊಳಗಾದರೆ ಕಣ್ಣಿಗೆ ಸಂಬಂಧಿಸಿದ ನರಗಳ ಶಕ್ತಿಯೂ ಕುಂದುಹೋಗಿ, ರೆಟಿನಾ ಹಾನಿಗೊಳಗಾಗಿ ಕುರುಡುತನವನ್ನು ತಂದೊಡ್ಡುತ್ತದೆ.

ಏನು ಮಾಡಬಹುದು?
* ಜೀವನ ಶೈಲಿ: ಮಧುಮೇಹಿಗಳು ತಮ್ಮ ಜೀವನ ಶೈಲಿಯ ಗುಣಮಟ್ಟವನ್ನು ಉತ್ತಮ ಪಡಿಸಿಕೊಂಡರೆ ಈ ಗಂಭೀರ ತೊಂದರೆಗಳಿಂದ ತಪ್ಪಿಸಿಕೊಳ್ಳಬಹುದು.
* ತಿಂಗಳಿಗೊಮ್ಮೆ ರಕ್ತದಲ್ಲಿನ ಸಕ್ಕರೆ ಅಂಶವನ್ನು ಪರೀಕ್ಷಿಸಿಕೊಳ್ಳಬೇಕು. ಅದನ್ನು ಕಡಿಮೆ ಮಾಡಲು ಪ್ರಯತ್ನಿಸಬೇಕು.