ಮಧುಮೇಹ, ಅಧಿಕ ರಕ್ತದೊತ್ತಡಗಳು ಬುದ್ಧಿಮಾಂದ್ಯತೆಯನ್ನು ಹೆಚ್ಚಿಸುತ್ತವೆ!

ಮಧುಮೇಹ ಹಾಗೂ ಅಧಿಕರಕ್ತದೊತ್ತಡ ಇವೆರಡನ್ನೂ ಮೌನ ಕೊಲೆಗಾರರು ಎಂದು ಕರೆಯಲಾಗುತ್ತದೆ. ಏಕೆಂದರೆ ಇವೆರಡೂ ವ್ಯಾಧಿಗಳು ಹಲವು ಅಂಗಗಳ ವೈಫಲ್ಯಕ್ಕೆ ಕಾರಣವಾಗುವ ಮೂಲಕ ಆರೋಗ್ಯಕ್ಕೆ ಮಾರಕವಾಗುತ್ತವೆ ಎಂಬ ಕಾರಣಕ್ಕೆ ಈ ಅನ್ವರ್ಥನಾಮ ಪಡೆದಿವೆ.

ವಿಶೇಷವಾಗಿ ಇವೆರಡೂ ತೊಂದರೆಗಳು ಹೆಚ್ಚು ಬಾಧಿಸುವುದು ಹೃದಯವನ್ನು! ಆದರೆ ಇತ್ತೀಚಿನ ಸಂಶೋಧನೆಯೊಂದರ ಪ್ರಕಾರ ಒಂದು ವೇಳೆ ನಡುವಯಸ್ಸಿನಲ್ಲಿ ಮಧುಮೇಹ ಹಾಗೂ ಅಧಿಕ ರಕ್ತದೊತ್ತಡ ಬಾಧಿಸಿದ್ದರೆ ಇಳಿವಯಸ್ಸಿನಲ್ಲಿ ಬುದ್ಧಿಮಾಂದ್ಯತೆ ಅಥವಾ ಮರೆಗುಳಿತನವನ್ನು ಹೆಚ್ಚಿಸುತ್ತದೆ ಎಂದು ಕಂಡುಕೊಳ್ಳಲಾಗಿದೆ.

JAMA Neurology ಎಂಬ ನಿಯತಕಾಲಿಕೆಯಲ್ಲಿ ಪ್ರಕಟಿಸಿರುವ ವರದಿಯಲ್ಲಿ ಈ ಭಯಾನಕ ವಾಸ್ತವವನ್ನು ಸ್ಪಷ್ಟಪಡಿಸಲಾಗಿದೆ. ಈ ಸಂಶೋಧನೆಯಲ್ಲಿ 45-64 ವರ್ಷ ವಯಸ್ಸಿನ ಸುಮಾರು 15,744 ಜನರ ಆರೋಗ್ಯದ ಅಂಕಿ ಅಂಶವನ್ನು ಕಲೆಹಾಕಿ 1987-1989ರಿಂದ ಪ್ರಾರಂಭಗೊಂಡಂತೆ ಹಲವು ಮಾಹಿತಿಗಳನ್ನು ವಿಶ್ಲೇಷಣೆಗಾಗಿ ಬಳಸಿಕೊಳ್ಳಲಾಗಿದೆ.

ಈ ಅಂಕಿ ಅಂಶಗಳ ಪ್ರಕಾರ ಇಪ್ಪತ್ತೈದು ವರ್ಷಗಳ ಬಳಿಕ ಇವರಲ್ಲಿ 1,516 ವ್ಯಕ್ತಿಗಳಲ್ಲಿ ಬುದ್ಧಿಮಾಂದ್ಯತೆ ಕಂಡುಬಂದಿದೆ. ಈ ಮಾಹಿತಿಯನ್ನು ಹಿಂಬಾಲಿಸಿದ ಸಂಶೋಧನಕರಿಗೆ ಬುದ್ಧಿಮಾಂದ್ಯತೆಗೂ ಅಧಿಕ ರಕ್ತದೊತ್ತಡದ ಹಿಂದಿನ ಸ್ಥಿತಿಗೂ ನಿಕಟ ಸಂಬಂಧವಿರುವುದು ಪತ್ತೆಯಾಗಿದೆ.

ಅಂದರೆ ಮಧುಮೇಹ, ಅಧಿಕ ರಕ್ತದೊತ್ತಡ ಹಾಗೂ ಅಧಿಕ ರಕ್ತದೊತ್ತಡಕ್ಕೂ ಮುನ್ನ ಸ್ಥಿತಿಗಳು ಮುಂದಿನ ದಿನಗಳಲ್ಲಿ ಬುದ್ಧಿಮಾಂದ್ಯತೆಯ ಸಾಧ್ಯತೆಯನ್ನು ಹೆಚ್ಚಿಸುತ್ತವೆ. ಅಲ್ಲದೇ ಈ ಸಾಧ್ಯತೆಯನ್ನು ಧೂಮಪಾನ ಹಾಗೂ ಮದ್ಯಪಾನಗಳು ಅಧಿಕವಾಗಿಸುತ್ತವೆ.

ಇನ್ನೊಂದು ಸಂಶೋಧನೆಯಲ್ಲಿ ನಡುವಯಸ್ಸಿನಲ್ಲಿ ದೇಹದಲ್ಲಿ ಬೀಟಾ ಅಮೋಲೈಡ್ ಎಂಬ ಪ್ರೋಟೀನ್ ಮೆದುಳಿನಲ್ಲಿ ಕಂಡುಬಂದರೆ ಇದು ಮುಂದಿನ ದಿನಗಳಲ್ಲಿ ಮರೆಗುಳಿತನವನ್ನು ಹಾಗೂ ಹೃದಯದ ತೊಂದರೆಯ ಸಾಧ್ಯತೆಯನ್ನು ಹೆಚ್ಚಿಸುತ್ತದೆ

Disclaimer: ಈ ಲೇಖನದಲ್ಲಿ ಒದಗಿಸಲಾದ ಮಾಹಿತಿಯು ಸಾಮಾನ್ಯ ಮಾಹಿತಿ ಮತ್ತು ಶೈಕ್ಷಣಿಕ ಉದ್ದೇಶಗಳಿಗಾಗಿ ಮಾತ್ರವಾಗಿದೆ. ವೃತ್ತಿಪರ ವೈದ್ಯಕೀಯ ಸಲಹೆ, ರೋಗನಿರ್ಣಯ ಅಥವಾ ಚಿಕಿತ್ಸೆಗೆ ಪರ್ಯಾಯವಾಗಿ ಇದನ್ನು ದೃಢೀಕರಿಸಿಲ್ಲ. ವೈದ್ಯಕೀಯ ಸ್ಥಿತಿಯ ಕುರಿತು ನೀವು ಹೊಂದಿರುವ ಯಾವುದೇ ಪ್ರಶ್ನೆಗಳಿಗೆ ಯಾವಾಗಲೂ ನಿಮ್ಮ ವೈದ್ಯರು ಅಥವಾ ಅರ್ಹ ಆರೋಗ್ಯ ಸಿಬ್ಬಂದಿಯ ಸಲಹೆಯನ್ನು ಪಡೆಯಿರಿ.