ಮುಖದ ಅಂದ ಹೆಚ್ಚಿಸುವ ಕಿತ್ತಳೆ ಸಿಪ್ಪೆಯ ಫೇಸ್ ಪ್ಯಾಕ್

ಕಿತ್ತಳೆ ಸಿಪ್ಪೆ ಮತ್ತು ಬಾದಾಮಿ ಸ್ಕ್ರಬ್

ನಿಮ್ಮ ದೇಹದಿಂದ ವಿಷಕಾರಿ ಅಂಶವನ್ನು ಹೊಹಾಕಲು ನೆರವಾಗಲಿರುವ ಕಿತ್ತಳೆ ಸಿಪ್ಪೆ ಮತ್ತು ಬಾದಾಮಿ ಸ್ಕ್ರಬ್ ನಿಮಗೆ ತಾಜಾ ಮತ್ತು ನುಣುಪಾದ ತ್ವಚೆಯನ್ನು ನೀಡಲಿದೆ. ಕಿತ್ತಳೆ ಸಿಪ್ಪೆಯನ್ನು ಬಿಸಿಲಿನಲ್ಲಿ ಒಣಗಿಸಿ ಮತ್ತು ಒಣಗಿಸಿದ ಕಿತ್ತಳೆ ಸಿಪ್ಪೆಯನ್ನು 10-20 ಬಾದಾಮಿಯೊಂದಿಗೆ ಹುಡಿ ಮಾಡಿಕೊಳ್ಳಿ. ಹಾಲಿನೊಂದಿಗೆ ಈ ಮಿಶ್ರಣವನ್ನು ಮಿಶ್ರ ಮಾಡಿಕೊಂಡು ತ್ವಚೆಗೆ ಹಚ್ಚಿಕೊಳ್ಳಿ. ಇದಕ್ಕೆ ಸ್ವಲ್ಪ ಜೇನನ್ನು ಸೇರಿಸಿಕೊಂಡು ನಿಮ್ಮ ಮುಖವನ್ನು ಮಸಾಜ್ ಮಾಡಿಕೊಳ್ಳಬಹುದಾಗಿದೆ.

ಕಿತ್ತಳೆ ಸಿಪ್ಪೆ ಮತ್ತು ಮೊಸರು

ಮುಖದಲ್ಲಿರುವ ನೆರಿಗೆ ಮತ್ತು ಗೆರೆಗಳನ್ನು ಹೋಗಲಾಡಿಸಲು ಕಿತ್ತಳೆ ಸಿಪ್ಪೆ ಮತ್ತು ಮೊಸರು ನೆರವನ್ನು ನೀಡಲಿದೆ. ಮುಖದಿಂದ ಮೃತ ಕೋಶಗಳನ್ನು ಹೋಗಲಾಡಿಸುವಲ್ಲಿ ಸಹಕಾರಿಯಾಗಲಿದೆ. ಕಿತ್ತಳೆ ಸಿಪ್ಪೆಯನ್ನು ಬಿಸಿಲಿನಲ್ಲಿ ಒಣಗಿಸಿ ಮತ್ತು ಮಿಕ್ಸಿಯಲ್ಲಿ ಅದನ್ನು ಹುಡಿ ಮಾಡಿಕೊಳ್ಳಿ.

ಕಿತ್ತಳೆ ಸಿಪ್ಪೆ ಮತ್ತು ಮೊಸರು

ಇದನ್ನು ಮೊಸರಿನೊಂದಿಗೆ ಮಿಶ್ರ ಮಾಡಿಕೊಳ್ಳಿ ಮತ್ತು ವೃತ್ತಾಕಾರವಾಗಿ ಮುಖಕ್ಕೆ ಮಸಾಜ್ ಮಾಡಿಕೊಳ್ಳಿ. ಸ್ವಲ್ಪ ನಿಮಿಷ ಹಾಗೆಯೇ ಬಿಟ್ಟು ನಂತರ ಮುಖವನ್ನು ತಣ್ಣೀರಿನಿಂದ ತೊಳೆದುಕೊಳ್ಳಿ.

ಕಿತ್ತಳೆ ಸಿಪ್ಪೆ ಮತ್ತು ಸಕ್ಕರೆ ಸ್ಕ್ರಬ್

ಕಿತ್ತಳೆ ಸಿಪ್ಪೆ ಮತ್ತು ಸಕ್ಕರೆ ಸ್ಕ್ರಬ್ ನಿಮ್ಮ ಮುಖವನ್ನು ತಾಜಾಗೊಳಿಸಿ ಮುಖವನ್ನು ಸ್ವಚ್ಛಗೊಳಿಸುತ್ತದೆ. ಡಿಹೈಡ್ರೇಟೆಡ್ ಮತ್ತು ಡ್ರೈ ಸ್ಕಿನ್ ಅನ್ನು ನಿವಾರಿಸಲಿದೆ. ಒಂದು ಬೌಲ್ ಅನ್ನು ತೆಗೆದುಕೊಂಡು ಇದಕ್ಕೆ ಸ್ವಲ್ಪ ಸಕ್ಕರೆಯನ್ನು ಹಾಕಿ ಮತ್ತು ಕಿತ್ತಳೆ ಸಿಪ್ಪೆಯನ್ನು ತುರಿದುಕೊಳ್ಳಿ. ಇದಕ್ಕೆ ಒಂದು ಚಮಚದಷ್ಟು ತೆಂಗಿನೆಣ್ಣೆಯನ್ನು ಸೇರಿಸಿ ಮತ್ತು ಒಂದು ಚಮಚದಷ್ಟು ಜೇನು ಮಿಶ್ರ ಮಾಡಿ. ಚೆನ್ನಾಗಿ ಎಲ್ಲವನ್ನೂ ಕಲಸಿಕೊಳ್ಳಿ. ಈ ಮಿಶ್ರಣವನ್ನು ಮುಖಕ್ಕೆ ಹಚ್ಚಿಕೊಂಡು ಸ್ಕ್ರಬ್ ಮಾಡಿ ನಂತರ ತಣ್ಣೀರಿನಿಂದ ಮುಖವನ್ನು ತೊಳೆದುಕೊಳ್ಳಿ.

ಕಿತ್ತಳೆ ಸಿಪ್ಪೆ ಮತ್ತು ಹಾಲಿನ ಫೇಸ್ ಮಾಸ್ಕ್

ಮುಖವನ್ನು ಹೈಡ್ರೇಟ್ ಮಾಡಲು ಮತ್ತು ತಾಜಾಗೊಳಿಸಲು ಕಿತ್ತಳೆ ಸಿಪ್ಪೆ ಮತ್ತು ಹಾಲಿನ ಫೇಸ್ ಮಾಸ್ಕ್ ಸಹಕಾರಿಯಾಗಲಿದೆ. ಇದು ತ್ವಚೆಗೆ ಉತ್ತಮ ಕಾಂತಿಯನ್ನು ಒದಗಿಸಲಿದ್ದು ಕಿತ್ತಳೆ ಸಿಪ್ಪೆಯೊಂದಿಗೆ ನೀವು ಸಿದ್ಧಪಡಿಸಬಹುದಾದ ಉತ್ತಮ ಸ್ಕಿನ್ ಪ್ಯಾಕ್ ಆಗಿದೆ. ಇದು ಮೊಡವೆಯನ್ನು ಹೋಗಲಾಡಿಸಲಿದ್ದು, ದೊಡ್ಡ ಗಾತ್ರದ ಕಲೆಗಳನ್ನು ನಿವಾರಿಸಲಿದೆ.

ಕಿತ್ತಳೆ ಸಿಪ್ಪೆ ಮತ್ತು ಹಾಲಿನ ಫೇಸ್ ಮಾಸ್ಕ್

ಎರಡು ಚಮಚದಷ್ಟು ಕಿತ್ತಳೆ ಸಿಪ್ಪೆ ಹುಡಿಯನ್ನು ತೆಗೆದುಕೊಂಡು ಸ್ವಲ್ಪ ಹಾಲು ಅಥವಾ ಹಾಲಿನ ಕ್ರೀಮ್‌ನೊಂದಿಗೆ ಮಿಶ್ರ ಮಾಡಿ. ಇದಕ್ಕೆ ಒಂದು ಚಮಚದಷ್ಟು ತೆಂಗಿನೆಣ್ಣೆಯನ್ನು ಹಾಕಿ ಮತ್ತು ಈ ಮಿಶ್ರಣದೊಂದಿಗೆ ನಿಮ್ಮ ಮುಖವನ್ನು ಮಸಾಜ್ ಮಾಡಿಕೊಳ್ಳಿ. ನಿಮ್ಮ ಮುಖದಲ್ಲಿ 15 ನಿಮಿಷಗಳ ಕಾಲ ಈ ಮಿಶ್ರಣ ಹಾಗೆಯೇ ಇರಲಿ ನಂತರ ತಣ್ಣೀರಿನಿಂದ ಮುಖವನ್ನು ತೊಳೆದುಕೊಳ್ಳಿ.

ಕಿತ್ತಳೆ ಸಿಪ್ಪೆ ಮತ್ತು ಬೇವಿನೆಲೆಗಳು

ಮೊಡವೆ ಮತ್ತು ಕಲೆಗಳಿಂದ ಹಾನಿಗೊಳಗಾದ ಮುಖವನ್ನು ರಿಪೇರಿ ಮಾಡಲು ಕಿತ್ತಳೆ ಸಿಪ್ಪೆ ಮತ್ತು ಬೇವಿನೆಲೆಗಳ ಪ್ಯಾಕ್ ಕಮಾಲನ್ನು ಉಂಟುಮಾಡಲಿದೆ. ನಿಮ್ಮ ಸೂಕ್ಷ್ಮ ತ್ವಚೆಗೆ ಇದು ಉತ್ತಮ ಫೇಸ್ ಪ್ಯಾಕ್ ಎಂದೆನಿಸಿದ್ದು, ಜಿಡ್ಡಿನ ಮೊಡವೆ ಮುಖಕ್ಕೆ ಇದು ಉತ್ತಮ ಎಂದೆನಿಸಲಿದೆ. ಸ್ವಲ್ಪ ಕಿತ್ತಳೆ ಸಿಪ್ಪೆಯನ್ನು ತೆಗೆದುಕೊಂಡು ಅದರಿಂದ ಹುಡಿಯನ್ನು ಮಾಡಿಕೊಳ್ಳಿ.

ಕಿತ್ತಳೆ ಸಿಪ್ಪೆ ಮತ್ತು ಬೇವಿನೆಲೆಗಳು

ಈಗ ಬೇವಿನ ಎಲೆಯ ಹುಡಿಯನ್ನು ತೆಗೆದುಕೊಂಡು ಅದಕ್ಕೆ ಸ್ವಲ್ಪ ಎಣ್ಣೆಯನ್ನು ಮಿಶ್ರ ಮಾಡಿ ಪೇಸ್ಟ್ ತಯಾರಿಸಿಕೊಳ್ಳಿ. ಎರಡನ್ನೂ ಮಿಶ್ರ ಮಾಡಿ ಮತ್ತು ಮುಖಕ್ಕೆ ಇದನ್ನು ಹಚ್ಚಿಕೊಳ್ಳಿ ಉತ್ತಮ ಫಲಿತಾಂಶವನ್ನು ನೀವು ಪಡೆದುಕೊಳ್ಳುವುದು ಖಂಡಿತ.