ಬ್ಯೂಟಿ ಟಿಪ್ಸ್: ಮುಖದ ಅಂದಕ್ಕೆ ಸಿಂಪಲ್ ಫೇಸ್ ಪ್ಯಾಕ್...

ರೋಸ್ ವಾಟರ್ ಮತ್ತು ವಿನೇಗರ್

ಬೇಕಾಗುವ ಸಾಮಗ್ರಿಗಳು:

4 ಚಮಚ ರೋಸ್ ವಾಟರ್

4 ಚಮಚ ವಿನೇಗರ್

ಬಳಸುವುದು ಹೇಗೆ?

ಒಂದು ಸಣ್ಣ ಪಿಂಗಾಣಿಯಲ್ಲಿ ರೋಸ್ ವಾಟರ್ ಮತ್ತು ವಿನೇಗರ್ ಅನ್ನು ಮಿಶ್ರಣ ಮಾಡಿಕೊಳ್ಳಿ. ಒಂದು ಹತ್ತಿ ಉಂಡೆ ತೆಗೆದುಕೊಂಡು ಅದನ್ನು ಮಿಶ್ರಣದಲ್ಲಿ ಅದ್ದಿಕೊಳ್ಳಿ. ಹತ್ತಿಯ ಉಂಡೆಯಿಂದ ಮುಖವನ್ನು ಒರೆಸಿಕೊಳ್ಳಿ. ಇದು ತ್ವಚೆಗೆ ಕಾಂತಿ ನೀಡುವುದರೊಂದಿಗೆ ಬಿಳಿಯಾಗಿ ಕಾಣುತ್ತೀರಿ.

ತುಳಸಿ ಎಲೆಗಳಿಂದ ಸೌಂದರ್ಯ

ಆರೋಗ್ಯಕ್ಕಾಗಿ ಪವಿತ್ರವೆನ್ನಲಾಗಿರುವ ತುಳಸಿ ಎಲೆಗಳನ್ನು ಬಳಸುವುದನ್ನು ನಾವು ನೋಡಿದ್ದೇವೆ. ಈಗ ಸೌಂದರ್ಯಕ್ಕಾಗಿಯೂ ಇದನ್ನು ಬಳಸಬಹುದು. ತುಳಸಿ ಎಲೆಗಳನ್ನು ಬಳಸಿಕೊಂಡು ತ್ವಚೆಯ ಕಾಂತಿಯನ್ನು ವೃದ್ಧಿಸಬಹುದಾಗಿದೆ.

ತುಳಸಿ ಎಲೆಗಳಿಂದ ಸೌಂದರ್ಯ

ಬೇಕಾಗುವ ಸಾಮಗ್ರಿಗಳು:

*10-15 ತುಳಸಿ ಎಲೆಗಳು

*ಒಂದು ಕಪ್ ನೀರು

ಮಾಡುವ ವಿಧಾನ

ಐದು ನಿಮಿಷಗಳ ಕಾಲ ತುಳಸಿ ಎಲೆಗಳನ್ನು ನೀರಿನಲ್ಲಿ ಕುದಿಸಿಕೊಳ್ಳಿ. ಬಳಿಕ ನೀರು ಮತ್ತು ಎಲೆಗಳನ್ನು ಬೇರ್ಪಡಿಸಿ. ನೀರು ಸ್ವಲ್ಪ ತಣ್ಣಗಾದ ಬಳಿಕ ಹತ್ತಿ ಉಂಡೆಗಳನ್ನು ನೀರಿನಲ್ಲಿ ಅದ್ದಿಕೊಂಡು ಮುಖವನ್ನು ಒರೆಸಿಕೊಳ್ಳಿ. ತುಳಸಿ ಎಲೆಗಳು ತಕ್ಷಣಕ್ಕೆ ನಿಮಗೆ ಫಲಿತಾಂಶ ನೀಡುವುದು.

ಗ್ರೀನ್ ಟೀ(ಹಸಿರು ಚಹಾ)

ಗ್ರೀನ್ ಟೀಯನ್ನು ತೂಕ ಕಳೆದುಕೊಳ್ಳಲು ಮತ್ತು ಉತ್ತಮ ಆರೋಗ್ಯಕ್ಕಾಗಿ ಬಳಸುತ್ತಾರೆ. ಆದರೆ ಇದರಲ್ಲಿ ತ್ವಚೆಗೆ ಕಾಂತಿಯನ್ನು ಉಂಟು ಮಾಡುವ ಗುಣಗಳಿವೆ ಎಂದು ಕೇಳಿದ್ದೀರಾ? ಗಿಡಮೂಲಿಕೆಗಳಿಂದ ತಯಾರಾಗಿರುವ ಗ್ರೀನ್ ಟೀ ತ್ವಚೆಗೆ ಪೋಷಣೆಯನ್ನು ನೀಡಿ ನೈಸರ್ಗಿಕ ತೈಲವು ಚರ್ಮಕ್ಕೆ ಸಿಗುವಂತೆ ಮಾಡುವುದು. ತ್ವಚೆಯ ಕಾಂತಿ ಹೆಚ್ಚಿಸಲು ಬಳಸಿ ಗ್ರೀನ್ ಟೀ ಫೇಸ್ ಪ್ಯಾಕ್!

ಗ್ರೀನ್ ಟೀಯನ್ನು ಬಳಸುವುದು ಹೇಗೆ?

ಬೇಕಾಗುವ ಸಾಮಗ್ರಿಗಳು

*ಒಂದು ಚಮಚ ಗ್ರೀನ್ ಟೀ

*ಒಂದು ಕಪ್ ಬಿಸಿ ನೀರು

ಬಳಸುವುದು ಹೇಗೆ?

ಎರಡರಿಂದ ಮೂರು ನಿಮಿಷಗಳ ಕಾಲ ಚಹಾ ಎಲೆಗಳನ್ನು ಕುದಿಸಿ ನೀರು ಮತ್ತು ಎಲೆಗಳನ್ನು ಬೇರ್ಪಡಿಸಿ. ಗ್ರೀನ್ ಟೀ ತಂಪಾಗಲು ಬಿಡಿ. ಹತ್ತಿ ಉಂಡೆಯನ್ನು ಬಳಸಿಕೊಂಡು ಗ್ರೀನ್ ಟೀಯನ್ನು ಮುಖಕ್ಕೆ ಹಚ್ಚಿಕೊಳ್ಳಿ.