ರಾತ್ರಿ ಬೆಳಗಾಗುವುದರೊಳಗೆ, ಮೊಡವೆಗಳು ಮಂಗಮಾಯ!

ಗಂಧದ ಲೇಪನ

ಇಂದು ಗಂಧದ ಪುಡಿ ಸಿದ್ದರೂಪದಲ್ಲಿ ಸಿಗುತ್ತಿದ್ದು ಮೊಡವೆಗಳನ್ನು ನಿವಾರಿಸುವ ಜೊತೆಗೇ ಉರಿಯನ್ನು ಶಮನ ಮಾಡುವ ಶಕ್ತಿಯನ್ನೂ ಹೊಂದಿದೆ. ಅಲ್ಲದೇ ಚರ್ಮದ ಅಡಿಯಲ್ಲಿ ಸಂಗ್ರಹವಾಗಿದ್ದ ತೈಲಗಳನ್ನು ನಿವಾರಿಸಿ ಇನ್ನಷ್ಟು ಮೊಡವೆಯಾಗುವುದರಿಂದ ರಕ್ಷಿಸುತ್ತದೆ. ಇದಕ್ಕಾಗಿ ಗಂಧದ ಪುಡಿಯನ್ನು ಕೊಂಚ ನೀರಿನೊಂದಿಗೆ ಬೆರೆಸಿ ಮೊಡವೆಗಳಿರುವಲ್ಲಿ ಹಚ್ಚಿ ಸುಮಾರು ಎರಡರಿಂದ ಮೂರು ಗಂಟೆ ಬಿಡಿ.

ಗಂಧದ ಲೇಪನ

ಬಳಿಕ ಕೇವಲ ತಣ್ಣೀರಿನಿಂದ ತೊಳೆದುಕೊಂಡು ಟವೆಲ್ ಒತ್ತಿ ಒಣಗಿಸಿ ಬಳಿಕ ಈ ಚರ್ಮ ಒಣಗಿಯೇ ಇರುವಂತೆ ನೋಡಿಕೊಳ್ಳಿ. ಮುಂದಿನ ಮೂರು ದಿನಗಳವರೆಗೆ ಮೊಡವೆ ಇರುವಲ್ಲಿ ಸೋಪು ಹಚ್ಚಬೇಡಿ. ಅಪ್ಸರೆಯಂತಹ ತ್ವಚೆಗಾಗಿ ಶ್ರೀಗಂಧದ ಫೇಸ್ ಪ್ಯಾಕ್!

ಗುಲಾಬಿ ನೀರು

ಗುಲಾಬಿ ನೀರಿನಿಂದ ಮುಖವನ್ನು ತೊಳೆದುಕೊಂಡಾಗ ಚರ್ಮದ ಸೂಕ್ಷ್ಮರಂಧ್ರಗಳು ತೆರೆದು ಒಳಗಿನ ಕಲ್ಮಶಗಳು ಹೊರಬರಲು ಸಾಧ್ಯವಾಗುತ್ತದೆ. ಹಾಗೂ ಮೊಡವೆಗಳು ಶೀಘ್ರವಾಗಿ ಇಲ್ಲವಾಗುತ್ತವೆ. ಉತ್ತಮ ಪರಿಣಾಮಕ್ಕಾಗಿ ಕೊಂಚ ಗುಲಾಬಿ ನೀರನ್ನು ಗಂಧದ ಪುಡಿಯೊಂದಿಗೆ ಬೆರೆಸಿ ಮೊಡವೆಗಳ ಮೇಲೆ ಹಚ್ಚಿದರೆ ಇನ್ನೂ ಹೆಚ್ಚಿನ ಪರಿಣಾಮವನ್ನು ಪಡೆಯಬಹುದು. ಮೊಡವೆಯ ಸಮಸ್ಯೆಗೆ ಗುಲಾಬಿ ನೀರಿನ ನಲ್ಮೆಯ ಆರೈಕೆ

ಟೂಥ್ ಪೇಸ್ಟ್

ಕೀವು ತುಂಬಿದ ಮೊಡವೆಗಳಿಗೆ ನಿಮ್ಮ ಹಲ್ಲುಜ್ಜುವ ಪೇಸ್ಟ್ ಸಹಾ ಉತ್ತಮ ಪರಿಹಾರ ಒದಗಿಸಬಲ್ಲುದು. ರಾತ್ರಿ ಮಲಗುವ ಮುನ್ನ ತಣ್ಣೀರಿನಿಂದ ಮುಖ ತೊಳೆದುಕೊಂಡು ತೆಳುವಾಗಿ ಬಿಳಿಯ ಪೇಸ್ಟ್ ಹಚ್ಚಿ ಒಣಗಲು ಬಿಡಿ. ರಾತ್ರಿ ಇಡೀ ಹಾಗೇ ಬಿಟ್ಟು ಮರುದಿನ ಕೇವಲ ತಣ್ಣೀರಿನಿಂದ ಮುಖ ತೊಳೆದುಕೊಳ್ಳಿ. ನಮ್ಮನ್ನು ಅಚ್ಚರಿಯ ಕೂಪಕ್ಕೆ ತಳ್ಳುವ ಹಲ್ಲುಜ್ಜುವ ಪೇಸ್ಟ್!

ಲಿಂಬೆ ರಸ

ಮೊಡವೆಗಳನ್ನು ಬುಡಸಹಿತ ನಿವಾರಿಸಿ ಕಲೆಯಿಲ್ಲದ ಚರ್ಮ ಬೆಳೆಸಲು ಲಿಂಬೆ ರಸ ಅತ್ಯುತ್ತಮವಾಗಿದೆ. ಈಗತಾನೇ ತೊಳೆದ ಮುಖದ ಮೇಲೆ ತೆಳುವಾಗಿ ಲಿಂಬೆರಸ ಹಚ್ಚಿ. (ಕಣ್ಣಿಗೆ ಕೊಂಚವೂ ಹಾರದಂತೆ ಅತಿ ಹೆಚ್ಚಿನ ಎಚ್ಚರಿಕೆ ವಹಿಸಬೇಕು, ಉತ್ತಮ ಎಂದರೆ ಕಣ್ಣು ಮುಚ್ಚಿಕೊಂಡು ಇನ್ನೊಬ್ಬರಿಂದ ಹಚ್ಚಿಸಿಕೊಳ್ಳಬೇಕು) ಬಳಿಕ ಸುಮಾರು ಹತ್ತರಿಂದ ಹದಿನೈದು ನಿಮಿಷ ಈ ರಸ ಒಣಗಲು ಬಿಡಬೇಕು.

ಲಿಂಬೆ ರಸ

ಒಂದು ವೇಳೆ ಮೊಡವೆಯ ತುದಿ ತೆರೆದಿದ್ದರೆ ಲಿಂಬೆ ರಸ ಹಚ್ಚಿದ ತಕ್ಷಣ ವಿಪರೀತ ಉರಿಯಾಗುತ್ತದೆ. ಈ ಪರಿಸ್ಥಿತಿಯಲ್ಲಿ ಲಿಂಬೆರಸವನ್ನು ಕೊಂಚ ನೀರಿನೊಂದಿಗೆ ಬೆರೆಸಿ ಬಳಸಿ. ಇನ್ನೂ ಉತ್ತಮ ಎಂದರೆ ಲಿಂಬೆರಸ ಮತ್ತು ಗಂಧದ ಪುಡಿ ಬೆರೆಸಿ ಮೊಡವೆಗಳಿಗೆ ಹಚ್ಚಿ. ಬಳಿಕ ಕೇವಲ ತಣ್ಣೀರಿನಿಂದ ತೊಳೆದುಕೊಳ್ಳಿ.