ಮೇಕಪ್ ಪ್ರಿಯರಿಗೆ ಒಂದಿಷ್ಟು ಸರಳೋಪಾಯಗಳು

Make Up

oi-Manohar

By Manohar Shetty

Published: Tuesday, October 6, 2015, 10:09 [IST]

ಮೇಕಪ್ ಎಂದರೆ ವಿಶ್ವವನ್ನು ಗೆಲ್ಲಲು ಹೋಗುವವರಿಗಾಗಿ ಇರುವ ಹೆಚ್ಚಿನ ಆತ್ಮ ವಿಶ್ವಾಸವೆಂದೆ ಅರ್ಥ. ಮೇಕಪ್ ಇಲ್ಲದೆ ಹೊರಗೆ ಹೋಗುವುದು ಎಂದರೆ ಅರ್ಧಂಬರ್ಧ ಬಟ್ಟೆಯನ್ನು ಧರಿಸಿಕೊಂಡು ಹೊರಗೆ ಹೋದ ಹಾಗೆ ಇರುತ್ತದೆ. ಬಹುಶಃ ಇದು ಐಲೈನರ್ ಮತ್ತು ಲಿಪ್ ಗ್ಲಾಸ್ಸ್ ಅಥವಾ ಪ್ರೈಮರ್, ಫೌಂಡೇಶನ್, ಐ ಶಾಡೋ, ಬ್ಲಷರ್ ಇತ್ಯಾದಿಗಳನ್ನು ಒಳಗೊಂಡಿರುವ ಪರಿಪೂರ್ಣ ಮೇಕಪ್ ಆಗಿರಬಹುದು.

ಹೀಗೆ ಮೇಕಪ್ ಎಂಬುದು ಒಬ್ಬ ವ್ಯಕ್ತಿಯ ಅವಿಭಾಜ್ಯ ಅಂಗವಾದಾಗ, ಅದನ್ನು ಇಡೀ ದಿನ ಉಳಿಸಿಕೊಳ್ಳುವ ಇಚ್ಛೆ ಯಾರಿಗೆ ತಾನೆ ಇರುವುದಿಲ್ಲ. ಎಷ್ಟು ಬಾರಿ ನೀವು ಬೆಳಿಗೆಯೇ ಮೇಕಪ್ ಜೊತೆಗೆ ಮನೆಯಿಂದ ಹೊರ ಬರುವುದಿಲ್ಲ, ಅದೇ ಮೇಕಪ್ ಮಧ್ಯಾಹ್ನದ ಹೊತ್ತಿಗೆ ಮಂಕಾಗಿ ಹೋಗಿರುವುದಿಲ್ಲ?

ಅಷ್ಟೇ ಏಕೆ ಕೆಲವೊಮ್ಮೆ ನೀವು ಸಭೆ ಸಮಾರಂಭಗಳು ಮತ್ತು ಮಹತ್ವದ ಕಾರ್ಯಕ್ರಮಗಳ ಸಲುವಾಗಿ ಮೇಕಪ್ ಧರಿಸಿಕೊಂಡು ಹೋಗಿರುತ್ತೀರಿ, ಆದರೆ ಆ ಸಮಾರಂಭದ ನಡುವೆಯೇ ನಿಮ್ಮ ಮೇಕಪ್ ಮಧ್ಯಾಹ್ನ ಆಗುವಷ್ಟರಲ್ಲಿ ನಿಮ್ಮ ನಿಜವಾದ ಬಣ್ಣ ಬಯಲು ಮಾಡಿ ಬಿಟ್ಟಾಗ ನಿಮಗೆ ಎಷ್ಟು ಮುಜುಗರವಾಗುವುದಿಲ್ಲ? ಇದನ್ನು ತಪ್ಪಿಸಲು ನಮ್ಮ ಬಳಿ ಕೆಲವೊಂದು ಸಲಹೆಗಳಿವೆ .ಇವುಗಳನ್ನು ಪಾಲಿಸಿ, ನಿಮ್ಮ ಸೌಂದರ್ಯವನ್ನು ಕಾಪಾಡಿಕೊಳ್ಳಿ ಜೊತೆಗೆ ಇದರಿಂದ ನಿಮಗಾಗುವ ಮುಜುಗರವನ್ನು ತಪ್ಪಿಸಿಕೊಳ್ಳಿ.

ಸ್ವಚ್ಛತೆ
ಸ್ವಚ್ಛತೆಯು ತ್ವಚೆಗೆ ಅತ್ಯಗತ್ಯವಾಗಿ ಬೇಕಾಗಿರುತ್ತದೆ ಎಂಬುದನ್ನು ಮರೆಯಬಾರದು. ಅದರಲ್ಲಿ ಬೆಳಗೆಯಿಂದ ಸಂಜೆಯವರೆಗೆ ಮೇಕಪನ್ನು ಉಳಿಸಿಕೊಳ್ಳುವಂತಹ ಸಾಹಸಕ್ಕೆ ಕೈಹಾಕಿದಾಗ ಇದರ ಅಗತ್ಯ ಎಂದಿಗಿಂತ ಹೆಚ್ಚಾಗಿರುತ್ತದೆ. ಏಕೆಂದರೆ ಕೊಳೆಯಾದ ಮುಖದಲ್ಲಿ ಮೇಕಪ್ ತುಂಬಾ ಹೊತ್ತು ನಿಲ್ಲುವುದಿಲ್ಲ. ತ್ವಚೆಯಲ್ಲಿರುವ ಹೆಚ್ಚಿನಂಶ ಜಿಡ್ಡನ್ನು ತೆಗೆಯುವಷ್ಟರ ಮಟ್ಟಕ್ಕೆ ಕ್ಲೀನ್ಸರ್ ಇರಬೇಕು. ಇದರ ಜೊತೆಗೆ ರಾತ್ರಿ ಮಲಗುವ ಮುನ್ನ ಮೇಕಪನ್ನು ತೆಗೆದು ಮಲಗುವ ಅಭ್ಯಾಸ ಸಹ ತಪ್ಪದೆ ಇರಿಸಿಕೊಳ್ಳಬೇಕು. ಇದರಿಂದ ತ್ವಚೆಗೆ ಸ್ವಲ್ಪ ಆರಾಮ ದೊರೆತು ನಾಳೆ ಇನ್ನೂ ಕಳೆಯಿಂದ ಕೂಡುತ್ತದೆ. ಮದುಮಗಳ ಅಂದದ ಕಣ್ಣಿನ ಚೆಂದ ಹೆಚ್ಚಿಸಲು ಸೂಕ್ತ ಸಲಹೆಗಳು

ಮೊಯಿಶ್ಚರ್
ಯಾವ ಮಾದರಿಯ ತ್ವಚೆ ನಿಮಗಿದೆ ಎಂಬುದು ವಿಷಯವೇ ಅಲ್ಲ. ಮೊಯಿಶ್ಚರ್ ಮಾಡಿದ್ದೀರಾ?- ಅದು ಆಂತರಿಕವಾಗಿಯಾದರು ಇರಬಹುದು, ಬಾಹ್ಯವಾಗಿಯಾದರು ಇರಬಹುದು. ಸಾಕಷ್ಟು ನೀರನ್ನು ಸೇವಿಸಿ ಮತ್ತು ನಿಮ್ಮ ತ್ವಚೆಗೆ ಸರಿಹೊಂದುವ ಮೊಯಿಶ್ಚರೈಸರನ್ನು ಲೇಪಿಸಿ. ಏಕೆಂದರೆ ಒಣ ತ್ವಚೆಯನ್ನು ನಿಭಾಯಿಸುವುದು ಕಷ್ಟ. SPF-15 ಹೊಂದಿರುವ ಎಣ್ಣೆ ರಹಿತವಾದ ಮೊಯಿಶ್ಚರೈಸರ್ ಎಲ್ಲರಿಗು ಒಪ್ಪುವಂತಹದಾಗಿರುತ್ತದೆ.

ಎಕ್ಸ್‌ಫೋಲಿಯೇಟ್
ನಮ್ಮ ತ್ವಚೆಯು ಸದಾ ನವೀಕರಣ ಕಾರ್ಯಕ್ಕೆ ಒಳಪಡುತ್ತಲೆ ಇರುತ್ತದೆ. ಹಳೆಯ ತ್ವಚೆಯು ಹೋಗಿ, ಹೊಸ ತ್ವಚೆಯು ಬರುತ್ತ ಇರುತ್ತದೆ. ಆದ್ದರಿಂದ ಹಳೆಯ ತ್ವಚೆಯನ್ನು ತೆಗೆಯುವ ಎಕ್ಸ್‌ಫೋಲಿಯೆಟ್ ಮಾಡುವ ಸ್ಕ್ರಬ್ ನಮಗೆ ಅತ್ಯಾವಶ್ಯಕ. ಮೃದುವಾದ ತ್ವಚೆಯ ಮೇಲು ಸಹ ಇದನ್ನು ಮಾಡುವುದರಿಂದ ಮೇಕಪ್ ದೀರ್ಘ ಕಾಲ ಉಳಿಯುತ್ತದೆ. ವಾರಕ್ಕೆ ಎರಡರಿಂದ ಮೂರು ಬಾರಿ ಎಕ್ಸ್‌ಫೋಲಿಯೇಟ್ ಮಾಡಿ.

ಲಿಪ್ ಲೈನರ್

ಲಿಪ್‍ಸ್ಟಿಕ್ ಅಥವಾ ಲಿಪ್ ಗ್ಲಾಸ್ಸ್ ಹಚ್ಚುವ ಮೊದಲು ಲಿಪ್ ಲೈನರ್ ಹಚ್ಚಿ. ಇದು ನೀವು ಹಚ್ಚುವ ಲಿಪ್‍ಸ್ಟಿಕ್ ಶೇಡ್‍ನಲ್ಲಿಯೇ ಇರಲಿ ಅಥವಾ ಶೇಡ್ ಲೈಟರ್ ಅಥವಾ ಡಾರ್ಕರ್ ಆಗಿರಲಿ. ಆಯ್ಕೆ ನಿಮ್ಮದು ಮತ್ತು ಅದು ನಿಮಗೆ ಸುಖಕರವಾಗಿ ತೋರಬೇಕು. ಲಿಪ್‍ಗೆ ಲೈನಿಂಗ್ ಮಾಡುವುದು ಎಂದರೆ ನಿಮ್ಮ ತುಟಿಗೆ ಇಡೀ ದಿನಕ್ಕೆ ಅಗತ್ಯವಾದ ಲವಲವಿಕೆಯನ್ನು ಮತ್ತು ಹೊಳಪನ್ನು ನೀಡುತ್ತದೆ. ಹದಿಹರೆಯದ ಹೆಣ್ಣಿನ ತುಟಿಗಳಿಗೆ ಐದು ಸೂಕ್ತ ವರ್ಣಗಳು

ವಾಟರ್‌ಪ್ರೂಫ್ ಉತ್ಪನ್ನಗಳನ್ನು ಬಳಸಿ

ಮಾರುಕಟ್ಟೆಯಲ್ಲಿರುವ ಕಾಸ್ಮೆಟಿಕ್ ಉತ್ಪನ್ನಗಳನ್ನು ಬಳಸುವಾಗ ದೀರ್ಘ ಬಾಳಿಕೆ ಬರಲು ವಾಟರ್‌ಪ್ರೂಫ್ ಉತ್ಪನ್ನಗಳನ್ನು ಬಳಸಿ. ಇವುಗಳನ್ನು ಸರಿಯಾದ ಕ್ರಮದಲ್ಲಿ ಬಳಸಿ, ಅಧಿಕವಾದ ಉಪಯೋಗವನ್ನು ಪಡೆಯಿರಿ. ಉದಾಹರಣೆಗೆ ವಾಟರ್‌ಪ್ರೂಫ್ ಮಸಕರವು ಕಣ್ಣೀರು ಬರದಂತೆ ಕಾಪಾಡುತ್ತದೆ ಮತ್ತು ಲಾಂಗ್-ಲಾಸ್ಟಿಂಗ್ ಲಿಪ್‍ಸ್ಟಿಕ್ ನಿಮ್ಮ ಕಾಫಿ ಕಪ್‍ಗೆ ಅಂಟಿಕೊಳ್ಳುವುದಿಲ್ಲ. ಮೇಕಪ್‍ನ ಅರ್ಥವು ವ್ಯಕ್ತಿಯಿಂದ ವ್ಯಕ್ತಿಗೆ ಭಿನ್ನವಾಗಿರುತ್ತದೆ. ನೀವು ಎಷ್ಟು ಮೇಕಪ್ ಹಾಕುತ್ತೀರಾ ಎಂಬುದು ಮುಖ್ಯವಲ್ಲ. ಆದರೆ ಅದು ದಿನದ ಮಧ್ಯದಲ್ಲಿಯೇ ಸುಲಿದು ಕೊಂಡು ಬಂದು, ನಿಮಗೆ ಅಸಹ್ಯವನ್ನು ಮಾಡಬಾರದು. ಇಡೀ ದಿನ ನಿಮ್ಮ ಮುಖಕ್ಕೆ ಅಂದವನ್ನು ಮತ್ತು ಮೆರಗನ್ನು ನೀಡುವ ಮೇಕಪ್‍ಗಾಗಿ ಈ ನೀತಿಗಳನ್ನು ಪಾಲಿಸಿ.