ಕೂದಲುದುರುವ ಸಮಸ್ಯೆಗೆ 'ಗ್ರೀನ್ ಟೀ' ಹೇರ್ ಪ್ಯಾಕ್ ಪ್ರಯತ್ನಿಸಿ

ಬೇಕಾಗಿರುವ ವಸ್ತುಗಳು

*3-4 ಗ್ರೀನ್ ಟೀ ಬ್ಯಾಗ್‌ಗಳು

* 1/2 ಲೀಟರ್ ನೀರು

ಮಾಡುವುದು ಹೇಗೆ?

ಗ್ರೀನ್ ಟೀ ಬ್ಯಾಗ್ ಅನ್ನು ನೀರಿನಲ್ಲಿ 10-15 ನಿಮಿಷ ಮುಳುಗಿಸಿ. ನಿಮ್ಮ ಕೂದಲನ್ನು ಶ್ಯಾಂಪೂವಿನಿಂದ ತೊಳೆದುಕೊಂಡ ನಂತರ, ಕೊನೆಯ ಬಾರಿಗೆ ತೊಳೆಯಲು ಗ್ರೀನ್ ಟಿ ಸಲ್ಯೂಷನ್ ಅನ್ನು ಬಳಸಿ. ನಂತರ ನೀರಿನಿಂದ ಕೂದಲನ್ನು ತೊಳೆಯಿರಿ. ಇನ್ನಷ್ಟು ಉತ್ತಮ ಪ್ರಯೋಜನವನ್ನು ಪಡೆದುಕೊಳ್ಳಲು ತಿಂಗಳಿಗೆ ಎರಡರಿಂದ ಮೂರು ಬಾರಿ ಇದನ್ನು ಅನುಸರಿಸಿ. ಇದರಿಂದ ತಲೆಹೊಟ್ಟು ದೂರಾಗುತ್ತದೆ.

ಮೊಟ್ಟೆ ಮತ್ತು ಗ್ರೀನ್ ಟೀ ಹೇರ್ ಮಾಸ್ಕ್

ತಲೆ ತೊಳೆದುಕೊಂಡ ನಂತರ ನಿಮ್ಮ ಕೂದಲಿಗೆ ಹೆಚ್ಚಿನ ಪೋಷಣೆಯನ್ನು ಒದಗಿಸಲು ಕೂದಲಿಗೆ ಆಳ ಕಂಡೀಷನಿಂಗ್ ಅನ್ನು ಮಾಡಿ. ಇದರಿಂದ ಕೂದಲು ಉದುರುವುದಿಲ್ಲ.

ಬೇಕಾಗಿರುವ ಸಾಮಾಗ್ರಿ

* 1 ಮೊಟ್ಟೆ

* 2-3 ಗ್ರೀನ್ ಟೀ

ಮಾಡುವುದು ಹೇಗೆ?

ಮೊದಲಿಗೆ ಗ್ರೀನ್ ಟೀ ಚಹಾವನ್ನು ಕುದಿಸಿಕೊಳ್ಳಿ. ನಂತರ ಪೂರ್ತಿ ಮೊಟ್ಟೆಯನ್ನು ಹಿಸುಕೊಳ್ಳಿ ಮತ್ತು ಗ್ರೀನ್ ಟೀಯನ್ನು ಅದಕ್ಕೆ ಹಾಕಿ. ಎರಡನ್ನೂ ಚೆನ್ನಾಗಿ ಮಿಶ್ರ ಮಾಡಿ. ನಿಮ್ಮ ಕೂದಲಿಗೆ ಮತ್ತು ತಲೆಬುರುಡೆಗೆ ಇದನ್ನು ಹಚ್ಚಿಕೊಳ್ಳಿ. ಶವರ್ ಕ್ಯಾಪ್ ಬಳಸಿ ಕೂದಲನ್ನು ಕವರ್ ಮಾಡಿ. ಕೆಲವು ನಿಮಿಷ ಹಾಗೆಯೇ ಬಿಡಿ. ನಿಮ್ಮ ಕೂದಲನ್ನು ಮೃದುವಾದ ಶ್ಯಾಂಪೂ ಬಳಸಿ ತೊಳೆದುಕೊಳ್ಳಿ.

ಗ್ರೀನ್ ಟೀ ಮತ್ತು ತೆಂಗಿನೆಣ್ಣೆ ಮಾಸ್ಕ್

ನಿಮ್ಮ ಕೂದಲುದುರುವುದನ್ನು ತಡೆಯಲು ಇದು ಪರಿಣಾಮಕಾರಿಯಾದ ಮಾಸ್ಕ್ ಆಗಿದೆ

* 2 ಚಮಚ ಗ್ರೀನ್ ಟೀ

* 1 ಚಮಚ ತೆಂಗಿನೆಣ್ಣೆ

* 1/2 ಲಿಂಬೆ

ಮಾಡುವುದು ಹೇಗೆ?

ಗ್ರೀನ್ ಚಹಾವನ್ನು ಕುದಿಸಿಕೊಳ್ಳಿ. ಅರ್ಧ ಲಿಂಬೆಯನ್ನು ಹಿಂಡಿಕೊಳ್ಳಿ ಮತ್ತು ಎರಡನ್ನೂ ಚೆನ್ನಾಗಿ ಮಿಶ್ರ ಮಾಡಿ. ಇದಕ್ಕೆ ಸ್ವಲ್ಪ ತೆಂಗಿನೆಣ್ಣೆ ಹಾಕಿ ಮತ್ತು ಎಲ್ಲವನ್ನೂ ಚೆನ್ನಾಗಿ ಮಿಶ್ರ ಮಾಡಿಕೊಳ್ಳಿ. ನಿಮ್ಮ ಕೂದಲಿನ ಬುಡಕ್ಕೆ ಮತ್ತು ತುದಿಗೆ ಇದನ್ನು ಹಚ್ಚಿ. ಚೆನ್ನಾಗಿ ಮಸಾಜ್ ಮಾಡಿ ವೃತ್ತಾಕಾರವಾಗಿ 3-5 ನಿಮಿಷಗಳ ಕಾಲ ಮಸಾಜ್ ಮಾಡಿ. 30 ನಿಮಿಷ ಹಾಗೆಯೇ ಬಿಡಿ ನಂತರ ನೀರಿನಿಂದ ಕೂದಲನ್ನು ತೊಳೆದುಕೊಳ್ಳಿ. ನಿಯಮಿತವಾಗಿ ಬಳಸಿದರೆ ವ್ಯತ್ಯಾಸ ನಿಮಗೆ ಗೊತ್ತಾಗುತ್ತದೆ.