ಚೆನ್ನಾಗಿ ಸ್ನಾನ ಮಾಡುವುದರಿಂದ ಕೂದಲು-ತ್ವಚೆಯ ಸೌಂದರ್ಯ ಹೆಚ್ಚುತ್ತದೆಯಂತೆ!

ಚರ್ಮಕ್ಕೆ ಸ್ನಾನದ ಕ್ರಮಗಳು

ಒಣ ಬ್ರಷ್ ನಿಂದ ಆರಂಭ ಮಾಡಿ. ಇದು ಸ್ನಾನ ಮಾಡುವ ಸರಿಯಾದ ವಿಧಾನ. ಸ್ನಾನದ ಕೊಠಡಿಗೆ ಹೋದ ಬಳಿಕ ದೇಹದ ಮೇಲೆ ನೀರು ಹಾಕಿಕೊಳ್ಳುವ ಮೊದಲು ಬ್ರಷ್ ಗೆ ಸ್ವಲ್ಪ ನೀರು ಹಾಕಿಕೊಂಡು ಅದರಿಂದ ಸಂಪೂರ್ಣ ದೇಹವನ್ನು ಉಜ್ಜಿಕೊಳ್ಳಿ. ಇದರಿಂದ ದೇಹದಲ್ಲಿರುವ ಮೊದಲ ಪದರದ ಕೊಳೆ ಹಾಗೂ ಕಲ್ಮಶಗಳು ದೂರವಾಗುವುದು ಮತ್ತು ಮುಂದಿನ ಸ್ನಾನಕ್ಕೆ ಚರ್ಮವನ್ನು ತಯಾರುಗೊಳಿಸುವುದು. ಹೀಗೆ ಮಾಡುವಾಗ ಚರ್ಮವನ್ನು ಅತಿಯಾಗಿ ಉಜ್ಜಬೇಡಿ ಮತ್ತು ದೀರ್ಘ ಕಾಲ ಹೀಗೆ ಮಾಡಬೇಡಿ.

ಚರ್ಮಕ್ಕೆ ಸ್ನಾನದ ಕ್ರಮಗಳು

ವಿವಿಧ ರೀತಿಯ ಚರ್ಮಗಳಿಗೆ ಬೇರೆ ಬೇರೆ ರೀತಿಯ ಉತ್ಪನ್ನಗಳು ಬೇಕಾಗುವುದು. ಫೇಸ್ ವಾಶ್ ನ್ನು ಕೇವಲ ಮುಖಕ್ಕೆ ಮಾತ್ರ ಬಳಸಿಕೊಳ್ಳಬೇಕು. ಅದೇ ರೀತಿ ಬಾಡಿ ವಾಶ್ ನ್ನು ತಲೆಯಿಂದ ಕಾಲಿನವರೆಗೆ ಬಳಸಬಹುದು. ಸಮಯ ಉಳಿಸಿಕೊಳ್ಳಲು ವೇಗವಾಗಿ ಸ್ನಾನ ಮಾಡಲು ಹೋದರೆ ಆಗ ಗಡಿಬಿಡಿಯಲ್ಲಿ ಯಾವುದೋ ಉತ್ಪನ್ನವನ್ನು ಇನ್ನೆಲ್ಲಿಗೋ ಬಳಸುತ್ತೀರಿ. ಇದರಿಂದ ಫಲಿತಾಂಶ ಕೆಡುವುದು.

ಅಂಗೈ ಮತ್ತು ಪಾದಕ್ಕೆ ಸಮಯ ಕೊಡಿ

ಸ್ನಾನ ಮಾಡಲು ನಾವು ಹೆಚ್ಚಿನ ಸಮಯ ಕಳೆದರೂ ಅಂಗೈ ಮತ್ತು ಪಾದಗಳಿಗೆ ಸಮಯ ನೀಡುವುದೇ ಇಲ್ಲ. ಪಾದಗಳು ಮತ್ತು ಅಂಗೈಗಳಿಗೆ ಎರಡು ನಿಮಿಷ ನೀಡುವುದು ಸರಿಯಾದ ಸ್ನಾನದ ಕ್ರಮವಾಗಿದೆ. ಈ ಸಮಯದಲ್ಲಿ ಮೊದಲು ಪಾದ ಹಾಗೂ ಅಂಗೈಗಳನ್ನು ಸ್ಕ್ರಬ್ ಮಾಡಿ ಬಳಿಕ ತೊಳೆಯಿರಿ. ದೇಹದ ಇತರ ಭಾಗಗಳಿಗೂ ಇದೇ ರೀತಿ ಮಾಡಿಕೊಳ್ಳಿ.

ಪೂರ್ತಿ ತಲೆಗೆ ಕೂದಲಿನ ಉತ್ಪನ್ನ ಹಾಕಿ

ಶಾಂಪೂ ಅಥವಾ ಕಂಡೀಷನರ್ ಬಳಸಿಕೊಳ್ಳುವಾಗ ಅದನ್ನು ಅಂಗೈಗೆ ಹಾಕಿಕೊಂಡು ತಲೆಗೆ ತಿಕ್ಕಿಕೊಳ್ಳುತ್ತೇವೆ. ಆದರೆ ಇದು ಸರಿಯಾದ ವಿಧಾನವಲ್ಲ. ಶಾಂಪೂ ಅಥವಾ ಕಂಡೀಷನರ್ ನ್ನು ಕೂದಲು ಅಥವಾ ತಲೆಗೆ ಸಂಪೂರ್ಣವಾಗಿ ಹಾಕಿಕೊಂಡು ಅದನ್ನು ಬುಡದ ತನಕ ಮಸಾಜ್ ಮಾಡಬೇಕು. ಕೂದಲಿನ ಬುಡದಿಂದ ತುದಿಯ ತನಕ ಇದನ್ನು ಹಚ್ಚಿಕೊಳ್ಳಬೇಕು. ಕೂದಲನ್ನು ತೊಳೆಯುವ ವೇಳೆ ತಲೆಯ ಎಲ್ಲಾ ಭಾಗದ ಕೂದಲಿನ ಕಡೆ ಗಮನಹರಿಸಿ.