ಕೂದಲಿನ ಸಹಜಕಾಂತಿಗೆ-ಕ್ಯಾರೆಟ್ ಹೇರ್ ಮಾಸ್ಕ್!

ಹಂತ #1

ಮೊದಲು ಒಂದು ಬೆಣ್ಣೆಹಣ್ಣಿನ (ಆವಕಾಡೊ) ತೆಗೆದುಕೊಂಡು ಅದನ್ನು ಚೆನ್ನಾಗಿ ರುಬ್ಬಿಕೊಂಡು ಪೇಸ್ಟ್ ರೀತಿ ಮಾಡಿಕೊಳ್ಳಿ. ಬೆಣ್ಣೆಹಣ್ಣು ಒಂದು ಆರೋಗ್ಯಕರ ಫಲವಾಗಿದ್ದು ಇದರ ಎಣ್ಣೆಯೂ ಉತ್ತಮ ಸೌಂದರ್ಯವರ್ಧಕವಾಗಿದೆ. ಇದರಲ್ಲಿರುವ ವಿಟಮಿನ್ A, B1, B2 ಮತ್ತು D, ಲಿಸೈಥಿನ್, ಪೊಟ್ಯಾಶಿಯಂ ಮತ್ತು ವಿಟಮಿನ್ ಇ ಚರ್ಮಕ್ಕೆ ಹಾಗೂ ಕೂದಲಿಗೆ ಅಗತ್ಯವಾದ ಪೋಷಣೆಯನ್ನು ನೀಡುತ್ತವೆ.

ಹಂತ #2

ಇನ್ನು ಒಂದೆರಡು ಕ್ಯಾರೆಟ್ ಅನ್ನು ತುರಿದುಕೊಂಡು ಅದರಿಂದ ರಸವನ್ನು ತಯಾರಿಸಿಕೊಳ್ಳಿ. ನಿಮ್ಮ ಕೂದಲಿನ ಉದ್ದಕ್ಕೆ ತಕ್ಕಂತೆ ರಸವನ್ನು ತಯಾರಿಸಿ

ಹಂತ #3

ತಳ ಆಳವಿರುವ ಪಾತ್ರೆಯನ್ನು ತೆಗೆದುಕೊಂಡು, ಕ್ಯಾರೆಟ್ ರಸ, ಅವಕಾಡೊ ಪೇಸ್ಟ್ ಅನ್ನು ಸೇರಿಸಿ ಇದಕ್ಕೆ 1 ಚಮಚ ಆಲೀವ್ ಎಣ್ಣೆಯನ್ನು ಸೇರಿಸಿ. ಮೊಸರನ್ನು ಬಳಸಿಕೊಂಡು, ಮೃದುವಾದ ಪೇಸ್ಟ್ ತಯಾರಿಸಿ. ಈ ಪೇಸ್ಟ್ ಹೆಚ್ಚು ದಪ್ಪ ಅಂತೆಯೇ ತೆಳು ಕೂಡ ಆಗಿರಬಾರದು. ಮಧ್ಯಮ ಗತಿಯಲ್ಲಿ ಪೇಸ್ಟ್ ಸಿದ್ಧಪಡಿಸಿಕೊಳ್ಳಿ ಇದರಿಂದ ತೊಳೆಯಲೂ ಅನುಕೂಲಕರವಾಗಿರುತ್ತದೆ.

ಹಂತ #4

ಇನ್ನಷ್ಟು ಪೋಷಣೆಯನ್ನು ನೀಡಲು ಕ್ಯಾರೆಟ್ ಹೇರ್ ಮಾಸ್ಕ್‎ಗೆ ರೋಸ್ ಮೇರಿ ಎಣ್ಣೆಯನ್ನು ಸೇರಿಸಿ. ರೋಸ್ ಮೇರಿಯಲ್ಲಿರುವ ಅಂಶಗಳು ಕೂದಲಿನ ಬುಡದ ಪೋಷಣೆಯನ್ನು ಮಾಡುತ್ತದೆ, ಕೂದಲಿನ ಬೆಳವಣಿಗೆ ಕೂಡ ನಡೆಯುತ್ತದೆ.

ಹಂತ #5

ಅಗಲವಾದ ಹಲ್ಲುಳ್ಳ ಬಾಚಣಿಗೆಯಿಂದ ಕೂದಲನ್ನು ಬಾಚಿಕೊಳ್ಳಿ. ಸಿಕ್ಕುಗಳನ್ನು ಬಿಡಿಸಿ ಅಂತೆಯೇ ಸ್ವಲ್ಪ ಕೂದಲನ್ನು ತೆಗೆದುಕೊಂಡು ಮಧ್ಯದವರೆಗೆ ಹಿಡಿದುಕೊಂಡು ನಂತರವಷ್ಟೇ ಬಾಚಿಕೊಳ್ಳಿ. ಇದರಿಂದ ಕೂದಲಿಗೆ ಉಂಟಾಗುವ ಹಾನಿಯನ್ನು ತಪ್ಪಿಸಬಹುದಾಗಿದೆ.

ಹಂತ #6

ಬ್ರಶ್ ಅನ್ನು ಬಳಸಿಕೊಂಡು ಮಾಸ್ಕ್ ಅನ್ನು ಕೂದಲಿನ ಬುಡ ಮತ್ತು ಕೂದಲಿನ ಉದ್ದಕ್ಕೆ ಸಮನಾಗಿ ಹಚ್ಚಿಕೊಳ್ಳಿ. 10 ನಿಮಿಷಗಳ ಕಾಲ ವೃತ್ತಾಕಾರವಾಗಿ ಮಸಾಜ್ ಮಾಡಿ.

ಹಂತ #7

ಒಂದು ಗಂಟೆಯಷ್ಟು ಕಾಲ ಮಾಸ್ಕ್ ಅನ್ನು ಹಾಗೆಯೇ ಬಿಡಿ. ನಂತರ ಮೃದುವಾದ ಶಾಂಪೂ ಬಳಸಿಕೊಂಡು ಕೂದಲನ್ನು ತೊಳೆದುಕೊಳ್ಳಿ. ಇದಕ್ಕೆ ಸೂಕ್ತವಾದ ಕಂಡೀಷನರ್ ಅನ್ನು ಹಚ್ಚಿಕೊಳ್ಳಿ. ಈ ಹೇರ್ ಮಾಸ್ಕ್ ಅನ್ನು ಪ್ರಯತ್ನಿಸಿ ಮತ್ತು ನಿಮ್ಮ ಅನುಭವಗಳನ್ನು ನಮ್ಮೊಂದಿಗೆ ಹಂಚಿಕೊಳ್ಳಿ.