ನೆನಪಿರಲಿ ಇದೇ ಕಾರಣಕ್ಕೆ ಕೂದಲು ಹಾಳಾಗುತ್ತಿರುವುದು!

ಪ್ರತೀದಿನ ಕೂದಲು ತೊಳೆಯುವುದು

ಕೆಲವು ಮಹಿಳೆಯರ ಕೂದಲು ಎಣ್ಣೆಯಂಶದಿಂದ ಕೂಡಿರುತ್ತದೆ. ಪ್ರತೀದಿನ ಕೂದಲು ತೊಳೆದರೆ ಮಾತ್ರ ಈ ಸಮಸ್ಯೆ ಕಡಿಮೆಯಾಗುತ್ತದೆ ಎಂದು ಅವರು ಭಾವಿಸುತ್ತಾರೆ. ಆದರೆ ಇದು ತಪ್ಪು. ಯಾಕೆಂದರೆ ಪ್ರತೀ ದಿನ ಕೂದಲು ತೊಳೆಯುವುದರಿಂದ ಅದರ ನೈಸರ್ಗಿಕ ತೈಲವು ನಾಶವಾಗಬಹುದು.

ತಲೆಬುರುಡೆಗೆ ಕಂಡೀಷನರ್ ಹಾಕುವುದು

ಕೂದಲಿನ ಕೊನೆಗೆ ಮಾತ್ರ ಕಂಡೀಷನರ್ ಹಾಕಬೇಕು. ತಲೆಬುರುಡೆಗೆ ಕಂಡೀಷನರ್ ಹಾಕುವುದರಿಂದ ಕೂದಲು ಮತ್ತಷ್ಟು ಜಿಡ್ಡನ್ನು ಉಂಟು ಮಾಡಬಹುದು.

ಒದ್ದೆ ಕೂದಲು ಬಾಚುವುದು

ಕೂದಲು ಒದ್ದೆಯಾಗಿದ್ದಾಗ ಅದು ತುಂಬಾ ಸೂಕ್ಷ್ಮವಾಗಿರುತ್ತದೆ. ಒದ್ದೆ ಕೂದಲನ್ನು ಬಾಚುವುದರಿಂದ ಮತ್ತಷ್ಟು ಕೂದಲು ಉದುರಬಹುದು ಮತ್ತು ಕೂದಲಿನ ಬುಡಕ್ಕೆ ಹಾನಿಯಾಗಬಹುದು.

ಕೂದಲು ಬಿಸಿಯ ರಕ್ಷಣೆ ಬಳಸದಿರುವುದು

ಬಿಸಿಯಾಗಿಸುವ ಯಂತ್ರ ಮತ್ತು ಕೂದಲಿನ ಮಧ್ಯೆ ಅಂತರವನ್ನು ಕಾಯ್ದುಕೊಳ್ಳಬೇಕು. ಕೂದಲು ಸುಡುವುದನ್ನು ತಪ್ಪಿಸಲು ಸೆರಮ್ ಅಥವಾ ಜೆಲ್ ಬಳಸಿ. ಯಾಕೆಂದರೆ ಕೂದಲು ಸುಟ್ಟು ಹೋಗುವುದು ಯಾರಿಗೂ ಇಷ್ಟವಿಲ್ಲ.

ಒದ್ದೆ ಕೂದಲು ಕಟ್ಟಿಕೊಳ್ಳುವುದು

ತಲೆಹೊಟ್ಟು ಮತ್ತು ಇತರ ಕೆಲವೊಂದು ಸಮಸ್ಯೆಗಳಿಗೆ ಒದ್ದೆ ಕೂದಲನ್ನು ಕಟ್ಟಿಕೊಳ್ಳುವುದು ಮುಖ್ಯ ಕಾರಣವಾಗಿದೆ. ಕೂದಲನ್ನು ಸರಿಯಾಗಿ ಒಣಗಿಸದೆ ಕಟ್ಟಿಕೊಂಡರೆ ಅದರಿಂದ ಸೋಂಕು ಆಗುವುದು ಖಚಿತ.

ಒದ್ದೆ ಕೂದಲಿಗೆ ಬಿಸಿಯಂತ್ರ ಬಳಸುವುದು

ಕೂದಲು ಒದ್ದೆಯಾಗಿರುವಾಗ ಯಾವತ್ತೂ ಅದನ್ನು ನೇರವಾಗಿಸುವ ಯಂತ್ರ ಬಳಸಬೇಡಿ. ಮೊದಲು ಕೂದಲನ್ನು ಒಣಗಿಸಿಕೊಂಡು ಬಳಿಕ ನೇರವಾಗಿಸಿ.