ಕೂದಲಿನ ಆರೈಕೆ ಕೂಡ ಕೋಮಲತೆಯಿಂದ ಕೂಡಿರಲಿ

ಕೂದಲನ್ನು ಪ್ರತಿದಿನ ತೊಳೆಯಬೇಡಿ

ತಲೆ ಸ್ನಾನವನ್ನು ವಾರ ಪೂರ್ತಿ ಮಾಡಬೇಡಿ. ಬದಲಿಗೆ ವಾರಕ್ಕೆ ಎರಡು ಅಥವಾ ಮೂರು ಬಾರಿ ಮಾಡಿ. ಕೂದಲನ್ನು ಅಧಿಕವಾಗಿ ತೊಳೆಯುವುದರಿಂದ ಕೂದಲಿನ ಬುಡವು ಒಣಗುತ್ತದೆ ಮತ್ತು ಅದರಲ್ಲಿರುವ ಸ್ವಾಭಾವಿಕ ಎಣ್ಣೆಗಳು ನಿರ್ಮೂಲನೆಯಾಗುತ್ತವೆ. ಆದ್ದರಿಂದ ನಿಮ್ಮ ಕೂದಲು ಹಾನಿಗೊಳಗಾಗುತ್ತದೆ.

ನಿಮ್ಮ ಶಾಂಪೂಗಳ ಲೇಬಲ್ ಪರೀಕ್ಷಿಸಿ

ಸೋಡಿಯಂ ಲಾರಿಯಲ್ ಸಲ್ಫೇಟ್ ಎಂಬ ರಾಸಾಯನಿಕವನ್ನು ಸೋಪ್ ಮತ್ತು ಡಿಟರ್ಜೆಂಟ್ ಅಲ್ಲದೆ ಶಾಂಪೂಗಳಲ್ಲಿ ಸಹ ಬಳಸಲಾಗುತ್ತದೆ. ಇದು ನಿಮ್ಮ ಕೂದಲನ್ನು ಒಣಗಿಸುತ್ತದೆ ಮತ್ತು ಹಾನಿ ಮಾಡುತ್ತದೆ.ಆದ್ದರಿಂದ ಸಲ್ಫೇಟ್ ಮುಕ್ತ ಶಾಂಪೂವನ್ನೇ ಖರೀದಿಸಿ. ಕೊಳ್ಳುವ ಮೊದಲು ಅದರ ಲೇಬಲನ್ನು ಓದುವ ಅಭ್ಯಾಸವಿರಿಸಿಕೊಳ್ಳಿ.

ಯಾವಾಗಲು ಕಂಡೀಶನರ್ ಬಳಸಿ

ಕೂದಲು ತೊಳೆದ ನಂತರ ಕಂಡೀಶನರ್ ಬಳಸುವುದನ್ನು ಮರೆಯಬೇಡಿ. ಇದು ಕೂದಲನ್ನು ಮೃದು ಮಾಡುತ್ತದೆ ಮತ್ತು ತುಂಡಾಗುವಿಕೆಯಿಂದ ತಡೆಯುತ್ತದೆ. ಕಂಡೀಶನರ್ ಕೂದಲು ಮತ್ತಷ್ಟು ಹಾನಿಯಾಗುವುದನ್ನು ತಡೆಯುತ್ತದೆ. ಜೊತೆಗೆ ತಲೆ ಬಾಚುವಾಗ ಇದು ಕೂದಲಿಗೆ ಹಾನಿಯಾಗದಂತೆ ಮಾಡುತ್ತದೆ.

ಬ್ಲೋ ಡ್ರೈಯಿಂಗ್ ಮಾಡಬೇಡಿ

ಬ್ಲೋ ಡ್ರೈಯರ್‌ಗಳಿಂದ ಬರುವ ಬಿಸಿ ಗಾಳಿಯು ಕೂದಲಿಗೆ ಹಾನಿಯುಂಟು ಮಾಡಿ, ಅದನ್ನು ತುಂಡು ಮಾಡಲು ಸಹಕರಿಸುತ್ತದೆ. ಜೊತೆಗೆ ಇದು ಕೂದಲಿನಲ್ಲಿರುವ ಸ್ವಾಭಾವಿಕ ಎಣ್ಣೆಯನ್ನು ನಾಶ ಮಾಡುತ್ತದೆ. ಇದರಿಂದ ಕೂದಲು ಸಿಕ್ಕಾಗುತ್ತದೆ ಮತ್ತು ಒಣಗುತ್ತದೆ. ಮತ್ತಷ್ಟು ಹಾಳಾಗುವುದನ್ನು ತಡೆಯಲು ಕೂದಲನ್ನು ಯಾವಾಗಲು ಸ್ವಾಭಾವಿಕವಾಗಿ ಒಣಗಿಸಿ.

ಕೂದಲನ್ನು ಕರ್ಲಿಂಗ್ ಮತ್ತು ಸ್ಟ್ರೈಟ್‌ನಿಂಗ್ ಮಾಡಿಸಬೇಡಿ

ಕರ್ಲಿಂಗ್ ಮತ್ತು ಸ್ಟ್ರೈಟೆನಿಂಗ್ ಮಾಡಲು ಕೂದಲಿಗೆ ಬಿಸಿಯಾಗಿರುವ ಸಾಧನಗಳನ್ನು ಬಳಸುತ್ತಾರೆ. ಇವುಗಳು ನಿಮ್ಮ ಕೂದಲನ್ನು ನಿರ್ಜೀವ ಮಾಡುತ್ತವೆ ಮತ್ತು ಹೊಳೆಯದಂತೆ ಮಾಡುತ್ತವೆ. ನಿಜವಾಗಿ ಇಂತಹ ಸಾಧನಗಳು ಆ ಸಮಯಕ್ಕೆ ಸರಿ ಎಂದು ತೋರಬಹುದು. ಆದರೆ ಇವುಗಳನ್ನು ಬಳಸಿದ ಕೇವಲ 15 ದಿನಕ್ಕೆ ಇವು ನಿಮ್ಮ ಕೂದಲನ್ನು ಹಾಳು ಮಾಡುತ್ತವೆ.

ಒದ್ದೆ ಕೂದಲನ್ನು ಬಾಚಬೇಡಿ

ಕೂದಲು ಒದ್ದೆಯಾಗಿರುವಾಗ ಬಾಚಲು ಹೋಗಬೇಡಿ. ಅದರಿಂದ ಖಂಡಿತ ನಿಮ್ಮ ಕೂದಲು ತುಂಡಾಗುತ್ತದೆ. ಜೊತೆಗೆ ಇದು ನಿಮ್ಮ ಕೂದಲಿನ ತುದಿಗಳು ಒಡೆಯುವಂತೆ ಮಾಡುತ್ತವೆ. ಕೂದಲು ಒಣಗಿದ ಮೇಲೆ ಅದನ್ನು ಬಾಚಿ. ಈ ಸಲಹೆಗಳನ್ನು ಪಾಲಿಸಿ ನಿಮ್ಮ ಕೂದಲು ಮತ್ತಷ್ಟು ಹಾನಿಗೊಳಗಾಗುವುದನ್ನು ತಡೆಯಿರಿ.