ಕೂದಲು ಉದುರದಿರಲು ತೆಂಗಿನ ಹಾಲಿನಿಂದ ಮದ್ದು

ತೆಂಗಿನ ಎಣ್ಣೆಯನ್ನು ಬಿಸಿ ಮಾಡಿ ತಲೆಗೆ ಹಚ್ಚಿದರೆ ಕೂದಲು ಸೊಂಪಾಗಿ ಬೆಳೆಯುತ್ತದೆ. ಅದೇ ರೀತಿಯಲ್ಲಿ ಕೂದಲು ಉದುರುವಿಕೆಯನ್ನು ತಡೆಯಲು ತೆಂಗಿನ ಹಾಲನ್ನು ಬಳಸಿದರೆ ಸಾಕು ಎಂಬ ವಿಷಯ ಗೊತ್ತಿದೆಯೇ?

ನಿಮ್ಮ ಕೂದಲು ಉದುರುತ್ತಿದ್ದರೆ ತೆಂಗಿನ ಹಾಲನ್ನು ಹಚ್ಚಿ ನೋಡಿ ಫಲಿತಾಂಶ ನೀವೇ ಕಾಣುವಿರಿ. ತೆಂಗಿನ ಹಾಲನ್ನು ಮಾತ್ರ ತಲೆಗೆ ಹಚ್ಚಬಹುದು ಅಥವಾ ತಾಜಾ ತೆಂಗಿನ ಹಾಲನ್ನು ಈ ಕೆಳಗಿನ ವಸ್ತುಗಳ ಜೊತೆ ಮಿಶ್ರಣ ಮಾಡಿ ತಲೆಗೆ ಹಚ್ಚಿ ಕೂದಲು ಉದುರುವಿಕೆಯನ್ನು ತಡೆಯಬಹುದು.

ತೆಂಗಿನ ಹಾಲು ಮತ್ತು ಜೇನು: ತೆಂಗಿನ ಹಾಲನ್ನು ಹಿಂಡಿ ಅದಕ್ಕೆ ಜೇನನ್ನು ಮಿಶ್ರಣ ಮಾಡಿ 35 ನಿಮಿಷದ ಬಳಿಕ ಶ್ಯಾಂಪೂ ಹಾಕಿ ತಲೆ ತೊಳೆಯಿರಿ. ಈ ರೀತಿ ವಾರದಲ್ಲಿ 2-3 ಬಾರಿ ಮಾಡುತ್ತಾ ಬಂದರೆ ಕೂದಲು ಉದುರುವುದು ನಿಲ್ಲತ್ತದೆ.

ತೆಂಗಿನ ಹಾಲು, ಮೊಸರು ಮತ್ತು ನಿಂಬೆ ರಸ: ತಲೆ ಕೂದಲು ಉದುರುವುದರ ಜೊತೆಗೆ ಹೊಟ್ಟಿನ ಸಮಸ್ಯೆ ಇರುವವರು ಈ ಮದ್ದನ್ನು ಪ್ರಯೋಗ ಮಾಡಬಹುದು. ಇದನ್ನು ವಾರದಲ್ಲಿ ಎರಡು ಬಾರಿ ಮಾಡುತ್ತಾ ಬನ್ನಿ.

ತೆಂಗಿನ ಹಾಲು ಮತ್ತು ನೆಲ್ಲಿಕಾಯಿ: ತೆಂಗಿನ ಹಾಲನ್ನು , ಬಿಸಿ ಮಾಡಿದ ನೆಲ್ಲಿಕಾಯಿ ಎಣ್ಣೆಯ ಜೊತೆ ಮಿಶ್ರಣ ಅದನ್ನು ತಲೆಗೆ ಹಚ್ಚಬೇಕು. ಈ ವಿಧಾನವನ್ನು ಅನುಸರಿಸುವವರು ವಾರದಲ್ಲಿ 3 ಬಾರಿಯಾದರೂ ಮಾಡಿದರೆ ಬೇಗನೆ ಫಲಿತಾಂಶ ಕಾಣಬಹುದು.

ತೆಂಗಿನ ಹಾಲು ಮತ್ತು ಮೆಂತೆ: ಮೆಂತೆಯನ್ನು ಅರೆದು ಪೇಸ್ಟ್ ರೀತಿಯಲ್ಲಿ ಮಾಡಿ ಅದನ್ನು ತೆಂಗಿನ ಹಾಲಿನ ಜೊತೆ ಮಿಶ್ರಣ ಮಾಡಿ ತಲೆಗೆ ಹಚ್ಚಿ 20 ನಿಮಿಷ ಬಿಟ್ಟು ನಂತರ ತಲೆ ತೊಳೆಯಿರಿ.

ಈ ವಿಧಾನವು ತಲೆ ಕೂದಲು ಉುದುರುವುದನ್ನು ತಡೆಯುತ್ತದೆ.