ಕೂದಲಿಗೆ ನ್ಯಾಚುರಲ್ ಕಂಡೀಶನರ್ ಹೇಗೆ?

1. ಆಲಿವ್ ಅಥವಾ ಕೊಬ್ಬರಿ ಎಣ್ಣೆ: ಈ ಎರಡೂ ಎಣ್ಣೆಗಳು ನಿಮ್ಮ ಕೂದಲಿಗೆ ಒಳ್ಳೆಯ ಕಂಡೀಶನರ್ ನಂತೆ ಕೆಲಸ ನಿರ್ವಹಿಸುತ್ತವೆ. ರಜಾ ಇದ್ದಾಗ ಸಂಜೆ ವೇಳೆ ಕೂದಲಿಗೆ ಎಣ್ಣೆ ಹಚ್ಚಿಕೊಂಡು ಚೆನ್ನಾಗಿ ಮಸಾಜ್ ಮಾಡಿ ತಲೆಯನ್ನು ಪೂರ್ತಿ ತೆಳುಬಟ್ಟೆಯಿಂದ ಮುಚ್ಚಿ ಮುಂಜಾನೆ ಎದ್ದು ಸ್ನಾನ ಮಾಡಬೇಕು.

2. ಬೆಣ್ಣೆ ಹಣ್ಣು ಮತ್ತು ಆಲಿವ್ ಎಣ್ಣೆ: ಒಂದು ಬಟ್ಟಲಿನಲ್ಲಿ ಅವಕಾಡೊ (ಬೆಣ್ಣೆ ಹಣ್ಣು) ಹಾಕಿ ಚೆನ್ನಾಗಿ ಹಿಸುಕಿ ಪೇಸ್ಟ್ ನಂತೆ ಮಾಡಿಕೊಳ್ಳಬೇಕು. ಇದಕ್ಕೆ ಒಂದು ಚಮಚ ಆಲಿವ್ ಎಣ್ಣೆ ಬೆರೆಸಿ ಚೆನ್ನಾಗಿ ಕದಡಿಸಬೇಕು. ಇದನ್ನು ಕೂದಲಿಗೆ ಹಚ್ಚಿಕೊಂಡು ಒಂದು ಗಂಟೆ ನಂತರ ತೊಳೆದುಕೊಂಡರೆ ಕೂದಲು ಮೃದು ಮತ್ತು ಸೊಂಪಾಗಿ ಬೆಳೆಯುತ್ತದೆ.

3. ಮೊಟ್ಟೆ ಮತ್ತು ನೀರಿನ ಕಂಡೀಶನರ್: ಒಂದು ಮೊಟ್ಟೆಯನ್ನು ನೀರಿಗೆ ಬೆರೆಸಿಕೊಳ್ಳಬೇಕು. ಇದನ್ನು ತಲೆಯ ಬುಡಕ್ಕೆ ಮತ್ತು ಕೂದಲಿಗೆ ಸಂಪೂರ್ಣವಾಗಿ ಹಚ್ಚಿಕೊಂಡು 15-30 ನಿಮಿಷ ಬಿಟ್ಟು ತಣ್ಣೀರಿನಿಂದ ಚೆನ್ನಾಗಿ ತೊಳೆದುಕೊಳ್ಳಬೇಕು. ಮೊಟ್ಟೆ ವಾಸನೆ ಹೋಗುವಂತೆ ಚೆನ್ನಾಗಿ ತೊಳೆಯಬೇಕು. ಹೀಗೆ ಮಾಡಿದರೆ ಕೂದಲು ನೈಸರ್ಗಿಕವಾಗಿ ಮಿರುಗುವಂತೆ ಮಾಡುತ್ತದೆ.

ಈ ಮೇಲಿನ ಕೆಲವು ಸಲಹೆಗಳನ್ನು ಅನುಸರಿಸಿ ನಿಮ್ಮ ಕೂದಲನ್ನು ನೈಸರ್ಗಿಕವಾಗಿ ಹೊಳೆಯುವಂತೆ ಮಾಡಬಹುದು.