ಚರ್ಮದ ಕಾಂತಿ ಹೆಚ್ಚಿಸುವ ಜೇನು ತುಪ್ಪದ ಸ್ಕ್ರಬ್

ಜೇನುತುಪ್ಪ ಮತ್ತು ಓಟ್ ಮೀಲ್

*ಒಂದು ಸಣ್ಣ ಬೌಲ್ ನಲ್ಲಿ ಮೂರು ಚಮಚ ಬೇಯಿಸಿದ ಓಟ್ ಮೀಲ್ ಹಾಕಿ ಮತ್ತು ಅದಕ್ಕೆ ಐದು ಚಮಚ ಸಾವಯವ ಜೇನುತುಪ್ಪ ಹಾಕಿ.

*ಇದನ್ನು ಚೆನ್ನಾಗಿ ಮಿಶ್ರಣ ಮಾಡಿಕೊಂಡು ಬಳಿಕ ದೇಹಕ್ಕೆ ಹಚ್ಚಿಕೊಳ್ಳಿ.

*ಕೆಲವು ನಿಮಿಷ ಕಾಲ ನೀವು ಇದನ್ನು ಮಸಾಜ್ ಮಾಡಿ ಬಳಿಕ ತಣ್ಣಗಿನ ನೀರಿನಿಂದ ಸ್ನಾನ ಮಾಡಿ.

*ನಯವಾದ ಚರ್ಮವನ್ನು ಪಡೆಯಲು ನೀವು ವಾರದಲ್ಲಿ ಒಂದು ಸಲ ಈ ಮೊಶ್ಚಿರೈಸರ್ ನೀಡುವ ಸ್ಕ್ರಬ್ ಅನ್ನು ಉಪಯೋಗಿಸಬೇಕು.

ಜೇನುತುಪ್ಪ ಬ್ರೌನ್ ಶುಗರ್ ಆಲಿವ್ ತೈಲ

*3-4 ಚಮಚ ಜೇನುತುಪ್ಪ, ಎರಡು ಚಮಚ ಬ್ರೌನ್ ಶುಗರ್ ಮತ್ತು ಒಂದು ಚಮಚ ಆಲಿವ್ ತೈಲ್ ಹಾಕಿಕೊಂಡು ಮಿಶ್ರಣ ಮಾಡಿ.

*ಈ ಮಿಶ್ರಣವನ್ನು ನಿಮ್ಮ ದೇಹಕ್ಕೆ ಸಂಪೂರ್ಣವಾಗಿ ಹಚ್ಚಿಕೊಳ್ಳಿ ಮತ್ತು 5-10 ನಿಮಿಷ ಕಾಲ ದೇಹಕ್ಕೆ ಸಂಪೂರ್ಣ ಮಸಾಜ್ ಮಾಡಿ. ಇದರ ಬಳಿಕ ಉಗುರುಬೆಚ್ಚಗಿನ ನೀರಿನಿಂದ ಸ್ನಾನ ಮಾಡಿ.

*ಈ ಸ್ಕ್ರಬ್ ಅನ್ನು ವಾರದಲ್ಲಿ ಎರಡು ಸಲ ಬಳಸಿ. ಇದರಿಂದ ತ್ವಚೆಯು ತುಂಬಾ ನಯ ಹಾಗೂ ಕಾಂತಿಯುತವಾಗುವುದು.

ಜೇನುತುಪ್ಪ+ಎಪ್ಸೊಮ್ ಉಪ್ಪು+ಗ್ರೀನ್ ಟೀ

* ಒಂದು ಸಣ್ಣ ಬೌಲ್ ತೆಗೆದುಕೊಳ್ಳಿ. ಅದಕ್ಕೆ ಎರಡು ಚಮಚ ಜೇನುತುಪ್ಪ, ಒಂದು ಚಮಚ ಎಪ್ಸೊಮ್ ಉಪ್ಪು ಮತ್ತು 2 ಚಮಚ ಗ್ರೀನ್ ಟೀ ಹಾಕಿ.

* ಎಲ್ಲವನ್ನು ಸರಿಯಾಗಿ ಮಿಶ್ರಣ ಮಾಡಿ ಮತ್ತು ಆ ಮಿಶ್ರಣವನ್ನು ಸಂಪೂರ್ಣ ದೇಹಕ್ಕೆ ಹಚ್ಚಿಕೊಳ್ಳಿ.

* ನಿಧಾನವಾಗಿ ಕೆಲವು ನಿಮಿಷ ಕಾಲ ಮಸಾಜ್ ಮಾಡಿ ಮತ್ತು ಸ್ವಲ್ಪ ಸಮಯ ಬಿಟ್ಟು ತಣ್ಣೀರಿನಿಂದ ಸ್ನಾನ ಮಾಡಿ.

* ಈ ನೈಸರ್ಗಿಕವಾದ ಸ್ಕ್ರಬ್ ನ್ನು ತಿಂಗಳಲ್ಲಿ ಒಂದು ಸಲ ಬಳಸಿದರೆ ಒಳ್ಳೆಯ ಫಲಿತಾಂಶ ಸಿಗುವುದು.

ಜೇನುತುಪ್ಪ ಕಾಫಿ ಗ್ರೌಂಡ್ಸ್ ಬಾದಾಮಿ ತೈಲ

* 2-3 ಚಮಚ ಜೇನುತುಪ್ಪ, 2 ಚಮಚ ಕಾಫಿ ಗ್ರೌಂಡ್ಸ್ ಮತ್ತು ಒಂದು ಚಮಚ ಬಾದಾಮಿ ತೈಲ

* ಈ ಮಿಶ್ರಣವನ್ನು ಚರ್ಮದ ಮೇಲೆ ಸಂಪೂರ್ಣವಾಗಿ ಹಚ್ಚಿಕೊಳ್ಳಿ.

* ಇದನ್ನು ಉಗುರುಬೆಚ್ಚಗಿನ ನೀರಿನಿಂದ ತೊಳೆಯಿರಿ ಮತ್ತು ಬಳಿಕ ಲಘುವಾದ ಮೊಶ್ಚಿರೈಸರ್ ಹಚ್ಚಿಕೊಳ್ಳಿ.

* ಅದ್ಭುತವಾದ ಮೈಕಾಂತಿ ಪಡೆಯಬೇಕೆಂದರೆ ಈ ನೈಸರ್ಗಿಕ ಸ್ಕ್ರಬ್ ಅನ್ನು ವಾರದಲ್ಲಿ ಒಂದು ಸಲ ಬಳಸಿ.

5. ಜೇನುತುಪ್ಪ+ಸಕ್ಕರೆ

* ಮೂರು ಚಮಚ ಜೇನುತುಪ್ಪ ಮತ್ತು 2-3 ಚಮಚ ಸಕ್ಕರೆ ಬೆರೆಸಿಕೊಳ್ಳಿ.

* ಇದನ್ನು ಸರಿಯಾಗಿ ಮಿಶ್ರಣ ಮಾಡಿಕೊಂಡ ಬಳಿಕ ಅದನ್ನು ದೇಹಕ್ಕೆ ಸಂಪೂರ್ಣವಾಗಿ ಹಚ್ಚಿಕೊಳ್ಳಿ ಮತ್ತು ಐದು ನಿಮಿಷ ಕಾಲ ಮಸಾಜ್ ಮಾಡಿ ಬಳಿಕ 15 ನಿಮಿಷ ಹಾಗೆ ಬಿಡಿ.

* ಹಗುರಬೆಚ್ಚಗಿನ ನೀರಿನಿಂದ ಸ್ನಾನ ಮಾಡಿ ಮತ್ತು ಮೈಗೆ ಸ್ನಾನ ಮಾಡುವ ಜೆಲ್ ಹಾಕಿ.

*ಚರ್ಮಕ್ಕೆ ಒಳ್ಳೆಯ ಕಾಂತಿ ಮತ್ತು ರಚನೆ ಪಡೆಯಬೇಕಾದರೆ ಈ ಸ್ಕ್ರಬ್ ನ್ನು ವಾರದಲ್ಲಿ ಒಂದು ಸಲ ಬಳಸಿ.

ಜೇನುತುಪ್ಪ ಬಾಳೆಹಣ್ಣು ಪುದೀನಾ ಸಾರಭೂತ ತೈಲ

*ಸರಿಯಾಗಿ ಹಣ್ಣಾಗಿರುವ ಎರಡು ಬಾಳೆಹಣ್ಣು ಮತ್ತು 3-4 ಚಮಚ ಜೇನುತುಪ್ಪ ಮತ್ತು 7-8 ಪುದೀನಾ ಸಾರಭೂತ ತೈಲ ಹಾಕಿ ಮಿಶ್ರಣ

ಮಾಡಿ.

*ಇದನ್ನು ನಿಮ್ಮ ಚರ್ಮಕ್ಕೆ ಸಂಪೂರ್ಣವಾಗಿ ಹಚ್ಚಿ.

*ಮಿಶ್ರಣವನ್ನು ಹಚ್ಚಿಕೊಂಡು ಸ್ವಲ್ಪ ಸಮಯ ಬಿಟ್ಟು ತಣ್ಣೀರಿನಿಂದ ಸ್ನಾನ ಮಾಡಿ.

*ತಿಂಗಳಲ್ಲಿ ಎರಡು ಸಲ ಇದನ್ನು ಬಳಸಿ. ಯೌವನಭರಿತ ಚರ್ಮವನ್ನು ಪಡೆಯಲು ಈ ನೈಸರ್ಗಿಕ ಸ್ಕ್ರಬ್ ಅನ್ನು ಬಳಸಿ.

ಜೇನುತುಪ್ಪ+ಕೋಕಾ ಪೌಡರ್+ರೋಸ್ ವಾಟರ್

* ಮೂರು ಚಮಚ ಜೇನುತುಪ್ಪ, 2-3 ಚಮಚ ಕೋಕಾ ಹುಡಿ ಮತ್ತು 2 ಚಮಚ ರೋಸ್ ವಾಟರ್ ಹಾಕಿ ಮಿಶ್ರಣ ಮಾಡಿ.

* ಇದು ತಯಾರಾದ ಬಳಿಕ ಸಂಪೂರ್ಣ ದೇಹಕ್ಕೆ ಇದನ್ನು ಹಚ್ಚಿರಿ.

* ಉಗುರು ಬೆಚ್ಚಗಿನ ನೀರಿನಿಂದ ತೊಳೆಯುವ ಮೊದಲು ಐದು ನಿಮಿಷ ಕಾಲ ಮಸಾಜ್ ಮಾಡಿ.

* ನಯ ಹಾಗೂ ಸುಂದರ ಚರ್ಮ ಪಡೆಯಲು ವಾರದಲ್ಲಿ ಒಂದು ಸಲ ಈ ಸ್ಕ್ರಬ್ ಬಳಸಿ.