ಈ ಒಂದೇ ಒಂದು ಸಂಗತಿ ಸಾಕು ಸುಖಕರ ದಾಂಪತ್ಯಕ್ಕೆ

ಗಟ್ಟಿಯಾದ ದಾಂಪತ್ಯ ಜೀವನದ ಹಿಂದಿರುವ ಸೂತ್ರಗಳು

ವೆಸ್ಟರ್ನ್ ಯೂನಿವರ್ಸಿಟಿನಲ್ಲಿರುವ ವಿಜ್ಞಾನಿಗಳು ಜುಲೈನಲ್ಲಿ ಗಂಡ-ಸಂಬಂಧ ಸುಂದರವಾಗಿರಲು ಮುಖ್ಯವಾಗಿರುವುದು ಏನು ಎಂಬುವುದರ ಬಗ್ಗೆ ಸಮೀಕ್ಷೆ ನಡೆಸಿದರು. ಇದರಲ್ಲಿ ತಿಳಿದು ಬಂದಿರುವ ಅಂಶವೆಂದರೆ ಒಂದು ಯಶಸ್ವಿ ದಾಂಪತ್ಯದ ರಹಸ್ಯವೆಂದರೆ ನಂಬಿಕೆ, ತಾಳ್ಮೆ, ಬೆಂಬಲ, ಅನುರಾಗ ಹಾಗೂ ಲೈಂಗಿಕ ತೃಪ್ತಿ.

ದಾಂಪತ್ಯದಲ್ಲಿ ಹೊಂದಾಣಿಕೆ ಇರಬೇಕು ಎನ್ನುತ್ತಾರೆ, ಆದರೆ ಹೊಂದಾಣಿಕೆ ಮಾತ್ರ ಸಾಲದು ಈ ಅಂಶಗಳು ಇರಲೇಬೇಕು.

ಹೊಗಳಿಕೆ

ಒಳ್ಳೆಯ ವಿಷಯಕ್ಕೆ ಸಂಗಾತಿಯನ್ನು ಹೊಗಳಬೇಕು. ಇದು ಅವರು ಮತ್ತಷ್ಟು ಒಳ್ಳೆಯ ಕೆಲಸ ಮಾಡುವುದಕ್ಕೆ ಪ್ರೇರೇಪಿಸುವುದರ ಜೊತೆಗೆ ನಿಮ್ಮ ಮೇಲಿನ ಪ್ರೀತಿಯೂ ಹೆಚ್ಚುವುದು. ಅವರು ಒಂದು ಒಳ್ಳೆಯ ಅಡುಗೆ ಮಾಡಿದಾಗ ಅಥವಾ ಚೆನ್ನಾಗಿ ಕಂಡಾಗ ಹೀಗೆ ನಿಮಗೆ ಯಾವುದಾದರೂ ವಿಷಯಕ್ಕೆ ಮೆಚ್ಚುಗೆಯಾದರೆ ಮನಸ್ಸಿನಲ್ಲಿಯೇ ಇಟ್ಟುಕೊಳ್ಳಬೇಡಿ, ಮನಸಾರೆ ಅವರನ್ನು ಹೊಗಳಿ, ಇದು ನಿಮ್ಮ ಸಂಬಂಧಕ್ಕೆ ಒಳ್ಳೆಯದನ್ನೇ ಮಾಡುತ್ತದೆ.

ಲೈಂಗಿಕ ತೃಪ್ತಿ

ದಾಂಪತ್ಯದಲ್ಲಿ ಇದು ಬಹು ಮುಖ್ಯವಾದ ಅಂಶವಾಗಿದೆ. ಲೈಂಗಿಕ ತೃಪ್ತಿ ಇಲ್ಲದಿದ್ದರೆ ದಾಂಪತ್ಯದಲ್ಲಿ ಬೇರೆ-ಬೇರೆ ಸಮಸ್ಯೆಗಳು ಉಂಟಾಗುವುದು. ಆದರೆ ಸಂಗಾತಿ ಆಸೆ ಈಡೇರಿಸುವುದು ಕೂಡ ಮುಖ್ಯವಾಗಿರುತ್ತದೆ.

ಬೇರೆಯವರ ಜೊತೆ ಹೋಲಿಸುವ ಅಭ್ಯಾಸ ಬೇಡ

ದಾಂಪತ್ಯದಲ್ಲಿ ಯಾರು ಮೇಲಲ್ಲ, ಯಾರು ಕೀಳಲ್ಲ, ಗಂಡ ಹೆಂಡತಿಯನ್ನು ಗೌರವಿಸಬೇಕು, ಹೆಂಡತಿ ಪತಿಯನ್ನು ಗೌರವದಿಂದ ಕಾಣಬೇಕು, ಅಲ್ಲದೆ ಒಬ್ಬರಿಗೊಬ್ಬರು ತಮ್ಮ ಸಂಗಾತಿಯ ಇಚ್ಛೆಗೆ ಅನುಸಾರ ನಡೆದುಕೊಳ್ಳಲು ಪ್ರಯತ್ನಿಸಬೇಕು, ಆಗ ಆ ದಾಂಪತ್ಯ ಜೀವನ ತುಂಬಾ ಸುಂದರವಾಗಿರುತ್ತದೆ. ನಿಮ್ಮ ಸಂಗಾತಿಯನ್ನು ಯಾವುದೇ ಕಾರಣಕ್ಕೆ ಇತರರ ಜೊತೆ ಹೋಲಿಸಬೇಡಿ. ಇದು ನಿಮ್ಮ ನೆಮ್ಮದಿ ಹಾಳು ಮಾಡುವುದು, ನಿಮ್ಮ ಬದುಕು ನಿಮ್ಮದು, ಅವರ ಬದುಕು ನಿಮ್ಮದು.