ವ್ಯಂಗ್ಯ ಮಾಡುವ ವ್ಯಕ್ತಿಗಳಿಂದ ಪಾರಾಗಲು ಕೆಲವು ಟಿಪ್ಸ್

ವ್ಯಂಗ್ಯವನ್ನು ತಪ್ಪಾಗಿ ಅರ್ಥೈಸಿದಂತೆ ಪ್ರತಿಕ್ರಿಯಿಸಿ

ವ್ಯಂಗ್ಯವಾಡುತ್ತಿರುವಂತಹ ನಿಮ್ಮ ಸ್ನೇಹಿತನಿಗೆ ಆತನ ಶೈಲಿಯಲ್ಲೇ ಉತ್ತರ ನೀಡಬೇಕಾದರೆ ನಿಮಗೆ ಆತ ಹೇಳಿರುವುದು ಅರ್ಥ ಆಗಿಲ್ಲ ಎನ್ನುವಂತೆ ವರ್ತಿಸಿ. ಕೇವಲ ನಗುವಿಗೆ ಅಥವಾ ಇತರ ಕಾರಣಕ್ಕೆ ವ್ಯಂಗ್ಯವಾಡುತ್ತಿರುವ ವ್ಯಕ್ತಿಯು ತನ್ನ ಗುರಿ ಮುಟ್ಟದೆ ಇದ್ದರೆ ಆಗ ಅವರಿಗೆ ಕೋಪ ಬರುವುದು. ನೀವು ಕೂಡ ಇದೇ ವ್ಯಂಗ್ಯವಾಗಿ ಅವರಿಗೆ ಪ್ರತಿಕ್ರಿಯೆ ನೀಡಿ.

ಕಡೆಗಣಿಸುವುದೇ ಒಳ್ಳೆಯದು

ನಿಮ್ಮನ್ನು ಗೇಲಿ ಮಾಡುವುದೇ ವ್ಯಂಗ್ಯವಾಡುವವರ ಗುರಿಯಾಗಿರುವುದು. ಇಂತಹ ಸಮಯದಲ್ಲಿ ನೀವು ಇದನ್ನು ಕಡೆಗಣಿಸಬೇಕು. ಆದರೆ ವ್ಯಂಗ್ಯವಾಡುತ್ತಿರುವವರನ್ನು ಕಡೆಗಣಿಸುವುದು ತುಂಬಾ ಕಷ್ಟದ ಕೆಲಸವಾದರೂ ಕಡೆಗಣಿಸುವಂತಹ ಕೌಶಲ್ಯವನ್ನು ನೀವು ಕಲಿಯಬೇಕು.

ಚರ್ಚೆಯನ್ನು ಮತ್ತೆ ಮೊದಲಿನ ಸ್ಥಾನಕ್ಕೆ ತನ್ನಿ

ಸ್ನೇಹಿತರು ಮಾಡುವಂತಹ ವ್ಯಂಗ್ಯವನ್ನು ಕಡೆಗಣಿಸಿ, ಒಳ್ಳೆಯ ಸಂಬಂಧ ಕಾಪಾಡಲು ಮೊದಲಿಗೆ ನೀವು ಮಾತನಾಡುತ್ತಿರುವ ವಿಷಯಕ್ಕೆ ಪುನಃ ಬರಬೇಕು. ಇದರ ಬದಲು ವ್ಯಂಗ್ಯದ ಮಾತನ್ನು ಚರ್ಚಿಸಲು ಹೋಗಬೇಡಿ. ನಿಮ್ಮ ಸ್ನೇಹಿತನು ವ್ಯಂಗ್ಯ ಮಾಡುವುದನ್ನು ನಿಲ್ಲಿಸಬೇಕೆಂದಿದ್ದರೆ ಇದು ಒಳ್ಳೆಯ ವಿಧಾನವಾಗಿದೆ.

ಮನಸ್ಸನ್ನು ಹತೋಟಿಯಲ್ಲಿಡಿ

ವ್ಯಂಗ್ಯದ ಮಾತನ್ನು ಯಾರಿಗೂ ಕೇಳಲು ಆಗಲ್ಲ. ಆದರೆ ಕೆಲವೊಂದು ಸಂದರ್ಭದಲ್ಲಿ ಪದಗಳು ಮತ್ತು ಅದರ ಭಾಷೆಯು ನಮ್ಮನ್ನು ಅನಕ್ಷರಸ್ಥನಂತೆ ಭಾವಿಸುವಂತೆ ಮಾಡುವುದು. ಕೆಲವು ತಮ್ಮ ಸಮಸ್ಯೆಗಳಿಂದ ಹೊರಗೆ ಬರಲು ಬೇರೆಯವರ ಮೇಲೆ ವ್ಯಂಗ್ಯ ಮಾಡುವುದು ಇದೆ. ಇಂತಹ ಸಂದರ್ಭದಲ್ಲಿ ನೀವು ಅವರಿಗೆ ಅವರ ಸ್ಥಿತಿ ನೆನಪಿಸಿ ಅಲ್ಲಿಂದ ಹೋಗಿಬಿಡಿ.

ಇದರ ಬಗ್ಗೆ ಮಾತನಾಡಿ

ನೀವು ಪದೇ ಪದೇ ವ್ಯಂಗ್ಯದ ಮಾತುಗಳನ್ನು ಎದುರಿಸುತ್ತಿದ್ದರೆ ಮತ್ತು ಇದರಿಂದ ಬೇಸತ್ತು ಹೋಗಿದ್ದರೆ ಆಗ ನೀವು ಇದರ ಬಗ್ಗೆ ವ್ಯಂಗ್ಯ ಮಾಡುತ್ತಿರುವ ವ್ಯಕ್ತಿಯ ಜತೆಗೆ ಮಾತನಾಡಿ. ನಿಮಗೆ ಯಾವ ರೀತಿಯ ಭಾವನೆ ಆಗುತ್ತಿದೆ ಮತ್ತು ಅದನ್ನು ಹೇಗೆ ನಿವಾರಣೆ ಮಾಡಬಹುದು ಎಂದು ತಿಳಿಯಿರಿ. ಅವರ ವ್ಯಂಗ್ಯದ ಬಗ್ಗೆ ನಿಮಗೆ ಏನು ಅನಿಸುತ್ತದೆ ಎಂಧು ಹೇಳಿ ಮತ್ತು ಅವರಿಗೆ ವ್ಯಂಗ್ಯ ಮಾಡಿದರೆ ಹೇಗೆ ಅನಿಸಬಹುದು ಎಂದು ಕೇಳಿ. ವ್ಯಂಗ್ಯವಾಡುತ್ತಲಿದ್ದರೆ ಸ್ನೇಹವು ಮುಂದುವರಿಯಲು ಸಾಧ್ಯವಿಲ್ಲವೆಂದು ಹೇಳಿ. ಅವರು ವ್ಯಂಗ್ಯವಾಡುವುದನ್ನು ನಿಲ್ಲಿಸದೆ ಇದ್ದರೆ ಸ್ನೇಹವು ಇರಲ್ಲ ಎಂದು ಸ್ಪಷ್ಟವಾಗಿ ಹೇಳಿ.

ಎದ್ದು ಹೋಗಿ

ಸ್ನೇಹಿತರು ಮಾಡುವ ವ್ಯಂಗ್ಯವನ್ನು ನಿಲ್ಲಿಸಲು ಇದು ಸರಿಯಾದ ರೀತಿಯಾಗಿದೆ. ನೀವು ಅಲ್ಲಿಂದ ಎದ್ದು ಹೋದರೆ ಆಗ ಅವರ ವ್ಯಂಗ್ಯವು ವಿಫಲವಾಗುವುದು. ನಿಮ್ಮ ಸ್ವಾಭಿಮಾನವು ಇಲ್ಲಿ ಮುಖ್ಯವಾಗಿರುವುದು. ಸ್ನೇಹಿತರು ನಿಮಗೆ ಗೌರವ ನೀಡದೆ ಇದ್ದರೆ ಆಗ ನೀವು ಅಲ್ಲಿಂದ ಎದ್ದು ಹೋಗುವುದು ಒಳ್ಳೆಯದು.