ಮನೆಗೆ ಬಂದ ಬಳಿಕ ಆಫೀಸ್ ಕೆಲಸ ಪಕ್ಕಕ್ಕಿಡಿ, ಹೆಂಡತಿ ಜೊತೆ ಸಮಯ ಕಳೆಯಿರಿ!

ಮನೆಯಲ್ಲೂ ಕಚೇರಿ ಕೆಲಸ ಮಾಡುತ್ತೀರಾ?

ಕಚೇರಿಯಲ್ಲೇ ಎಲ್ಲಾ ಕೆಲಸ ಮುಗಿಸಬೇಕೆನ್ನುವ ನಿಯಮ ಪಾಲಿಸಬೇಕು. ಆದರೆ ಇಂದಿನ ದಿನಗಳಲ್ಲಿ ಕೆಲವರು ಸ್ವಲ್ಪ ಕೆಲಸವನ್ನು ಮನೆಯಲ್ಲೂ ಮಾಡಲು ಇಷ್ಟಪಡುತ್ತಾರೆ. ಇದರಲ್ಲಿ ಯಾವುದೇ ತಪ್ಪಿಲ್ಲ. ಆದರೆ ಇದರ ಬಗ್ಗೆ ನಿಮ್ಮ ಸಂಗಾತಿಯು ದೂರುತ್ತಾ ಇದ್ದರೆ ಅದು ಖಂಡಿತವಾಗಿಯೂ ತಪ್ಪು. ಕೆಲಸವು ನಿಮ್ಮ ಸಂಬಂಧದಲ್ಲಿ ಬಿರುಕು ಉಂಟು ಮಾಡುವ ಲಕ್ಷಣವಿದು.

ಸಂಗಾತಿಯೊಂದಿಗೆ ಸಮಯ ಕಳೆಯಲು ಸಾಧ್ಯವಾಗುತ್ತಿಲ್ಲವೇ?

ನಿಮ್ಮ ಸಂಗಾತಿಯು ತುಂಬಾ ರೋಮ್ಯಾಂಟಿಕ್ ಆಗಿದ್ದಾಗ ನೀವು ಲ್ಯಾಪ್ ಟಾಪ್ ತಂದು ಕೆಲಸ ಮಾಡುತ್ತಾ ಆಕೆಯನ್ನು ಕಾಯಿಸುತ್ತಾ ಇದ್ದರೆ ಅದರಿಂದ ಸಂಬಂಧ ಕೆಡಬಹುದು. ಸಂಗಾತಿಯು ನಿಮ್ಮೊಂದಿಗೆ ಮಾತನಾಡದೆ ಹಾಗೆ ಮಲಗಿ ಬಿಡಬಹುದು. ಇದು ನಿಮ್ಮ ಸಂಬಂಧದಲ್ಲಿ ಬಿರುಕಿನ ಮತ್ತೊಂದು ಲಕ್ಷಣವಾಗಿದೆ.

ಕಚೇರಿಯ ಒತ್ತಡ ಮನೆಗೆ ತರುತ್ತೀರಾ?

ಕಚೇರಿಯಲ್ಲಿ ಏನಾದರೂ ನಡೆದು ಅದರಿಂದ ನಿಮ್ಮ ಮೇಲೆ ಒತ್ತಡ ಬಿದ್ದಿದ್ದರೆ ಅದನ್ನು ಅಲ್ಲಿಯೇ ಬಿಡಬೇಕು. ಮನೆಗೆ ಕೂಡ ಅದೇ ಒತ್ತಡದಲ್ಲಿ ಬಂದು ಸಂಗಾತಿ ಮೇಲೆ ರೇಗುವುದು ಸರಿಯಲ್ಲ. ಸಂಬಂಧಕ್ಕೆ ಕೆಲಸವು ಪರಿಣಾಮ ಬೀರುತ್ತಿದೆ ಎನ್ನುವುದಕ್ಕೆ ಇದು ಮತ್ತೊಂದು ಸುಳಿವು.

ಕೆಲಸದ ಒತ್ತಡದಿಂದ ಲೈಂಗಿಕ ಕ್ರಿಯೆಯಿಂದ ದೂರವಿರುತ್ತೀರಾ?

ನಿಮ್ಮ ಸಂಗಾತಿಯು ಲೈಂಗಿಕ ಕ್ರಿಯೆಗಾಗಿ ಹಾತೊರೆಯುತ್ತಿರುವಾಗ ನಿಮ್ಮ ಶಕ್ತಿ ಮಾತ್ರ ಕುಂದಿ ಸಂಗಾತಿಯೊಂದಿಗೆ ಬೆರೆಯಲು ಕಷ್ಟವಾಗುತ್ತಿದೆಯಾ? ಇದು ಕೆಲಸದ ಒತ್ತಡವು ನಿಮ್ಮ ವೈವಾಹಿಕ ಜೀವನದ ಮೇಲೆ ಪರಿಣಾಮ ಬೀರುತ್ತಿದೆ ಎನ್ನುವುದರ ಲಕ್ಷಣವಾಗಿದೆ.

ಪದೇ ಪದೇ ಕಚೇರಿಯಿಂದ ಪ್ರವಾಸಕ್ಕೆ ಹೋಗುತ್ತಿದ್ದೀರಾ?

ಕಚೇರಿಯಿಂದಾಗಿ ನಿಮಗೆ ಪದೇ ಪದೇ ಪ್ರವಾಸಕ್ಕೆ ಹೋಗಬೇಕಾಗುತ್ತಿದೆಯಾ? ಇದರಿಂದಾಗಿ ಸಂಗಾತಿಯೊಂದಿಗೆ ಹೆಚ್ಚು ಸಮಯ ಕಳೆಯಲು ಕಷ್ಟವಾಗುತ್ತಿದೆಯಾ? ಇಂತಹ ಸಮಯದಲ್ಲಿ ನೀವು ಸಂಗಾತಿ ಜತೆಗೆ ಅಮೂಲ್ಯವಾದ ಸಮಯ ಕಳೆದು ಸಂಬಂಧ ಉಳಿಸಿಕೊಳ್ಳಬಹುದು.

ಸಂಗಾತಿಯ ಹುಟ್ಟುಹಬ್ಬ ಮರೆತೀರಾ?

ಕೆಲಸದಲ್ಲಿ ಎಷ್ಟು ವ್ಯಸ್ತರಾಗಿದ್ದೀರಿ ಎಂದರೆ ನಿಮ್ಮ ಸಂಗಾತಿಯ ಹುಟ್ಟುಹಬ್ಬವನ್ನೇ ಮರೆತು ಬಿಟ್ಟಿದ್ದೀರಾ? ಎಲ್ಲಾ ದಿನಾಂಕವನ್ನು ಮರೆಯಬಹುದು. ಆದರೆ ಸಂಗಾತಿಯ ಹುಟ್ಟುಹಬ್ಬ ಮರೆತರೆ ಕೆಲಸವು ನಿಮ್ಮ ಮೇಲೆ ಒತ್ತಡ ಬೀರುತ್ತಿದೆ ಎನ್ನಬಹುದು.