ಮದುವೆಯಾಗಿ ಗಂಡನ ಮನೆಗೆ ಕಾಲಿಡುವ ಮುನ್ನ....

ಕುಟುಂಬದ ಅಧ್ಯಯನ ಮಾಡಿ

ಮದುವೆಗೆ ಮೊದಲು ನೀವು ಹುಡುಗನ ಕುಟುಂಬದ ಬಗ್ಗೆ ಸ್ವಲ್ಪ ಮಟ್ಟಿಗೆ ಅಧ್ಯಯನ ಮಾಡಿಕೊಳ್ಳಿ. ಮಹಿಳೆಯಾಗಿ ನೀವು ಆ ಕುಟುಂಬದ ಸದಸ್ಯರ ಬೇಕುಬೇಡಗಳನ್ನು ಅರಿತುಕೊಂಡರೆ ಮುಂದೆ ಎಲ್ಲವೂ ಸುಗಮವಾಗುವುದು.

ಹೊಸ ಜೀವನವನ್ನು ಅಳವಡಿಸಿಕೊಳ್ಳಿ

ಹೊಂದಾಣಿಕೆ ಮಾಡಿಕೊಳ್ಳುವ ಬದಲು ನೀವು ಪ್ರವೇಶಿಸುವ ಹೊಸ ಮನೆಯಲ್ಲಿನ ಜೀವನವನ್ನು ಅಳವಡಿಸಿಕೊಳ್ಳಿ. ಸಣ್ಣ ಬದಲಾವಣೆ ಮಾಡಿಕೊಂಡರೆ ಜೀವನದಲ್ಲಿ ಸಂತೋಷವನ್ನು ಕಾಣಬಹುದಾಗಿದೆ.

ಸಂಬಂಧ ಬೆಳೆಸಿ

ಅತ್ತೆಯ ಜತೆಗೆ ಒಳ್ಳೆಯ ಸಂಬಂಧವನ್ನು ಇಟ್ಟುಕೊಳ್ಳುವುದು ವಧುವಿಗೆ ತುಂಬಾ ಒಳ್ಳೆಯದು. ಅತ್ತೆ ಖುಷಿಯಾಗಿದ್ದರೆ ಎಲ್ಲವೂ ಸರಿಯಾಗಿರುತ್ತದೆ.

ಮೌಲ್ಯಗಳಿಗೆ ಬೆಲೆ ಕೊಡಿ

ಹುಡುಗನ ಮನೆಗೆ ಮೊದಲ ಸಲ ಹೋದ ಬಳಿಕ ಹಠಾತ್ ಆಗಿ ನೀವು ಬದಲಾವಣೆಗಳನ್ನು ಮಾಡಲು ಹೋಗಬೇಡಿ. ಕುಟುಂಬದ ಹೊಸ ಸದಸ್ಯರಾಗಿರುವ ನೀವು ಅವರ ಮೌಲ್ಯಗಳನ್ನು ಗೌರವಿಸಬೇಕು. ಇದನ್ನು ಸಾಧಿಸಿದರೆ ನೀವು ಎಲ್ಲವನ್ನು ಗೆದ್ದಂತೆ.

ತೀರ್ಪು ನೀಡಲು ಹೋಗಬೇಡಿ

ನೀವು ತೀರ್ಪು ನೀಡಲು ಹೋದರೆ ಅಲ್ಲಿ ಗೊಂದಲ ಉಂಟಾಗುವುದು. ಪತಿಯ ಮನೆಯಲ್ಲಿ ಹೆಚ್ಚಾಗಿ ತೀರ್ಪು ನೀಡುವಂತಹ ಕೆಲಸಕ್ಕೆ ಹೋಗಬೇಡಿ. ಹುಡುಗಿ ಕೇವಲ ಹುಡುಗನನ್ನು ಮಾತ್ರ ಮದುವೆಯಾಗಿರುವುದಿಲ್ಲ. ಆತನ ಕುಟುಂಬವನ್ನೇ ಮದುವೆಯಾಗಿರುವಂತೆ ಎನ್ನುವುದು ನೆನಪಿರಬೇಕು.

ಸಹನೂಭೂತಿಯಿರಲಿ

ಯಾವುದೇ ಸಂದರ್ಭದಲ್ಲಿ ವಧು ಹೊಸ ಕುಟುಂಬದ ಸದಸ್ಯರೊಂದಿಗೆ ಸಹನೂಭೂತಿಯನ್ನು ಹೊಂದಿರಬೇಕು. ಇತರ ಸದಸ್ಯರು ಮಾತಿನ ಚಕಮಕಿಗೆ ಮುಂದಾದರೂ ತಾನು ಮಾತ್ರ ಸಹನೂಭೂತಿಯನ್ನು ತೋರಿಸಬೇಕು ಎಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.