ಅತ್ತೆಯ ಮನಗೆಲ್ಲಬೇಕೆಂದರೆ, ಸೊಸೆಯ ಗುಣ ಹೀಗಿರಬೇಕು..

ಹಿರಿಯರಿಗೆ ಗೌರವ ನೀಡಬೇಕು

ಅತ್ತೆಯಾಗುವವಳು ತನ್ನ ಸೊಸೆಯಾಗುವವಳು ತನ್ನ ಮನೆಯವರಿಗೆ ಅತಿ ಹೆಚ್ಚಿನ ಗೌರವ ನೀಡಬೇಕೆಂದು ಬಯಸುತ್ತಾಳೆ. ಈ ಹಿರಿಯರು ತನ್ನ ಪತಿಗೆ ಯಾವ ರೀತಿಯಿಂದ ಸಂಬಂಧಿಗಳು ಎಂದು ಅರಿಯದಿದ್ದರೂ ಸರಿ, ಸೊಸೆ ಎಲ್ಲರಿಗೂ ಪೂರ್ಣ ಗೌರವ ನೀಡಬೇಕು, ಅಗತ್ಯವಿದ್ದರೆ ಧರ್ಮ ಸಮ್ಮತ ವಿಧಿಗಳಾದ ಕಾಲಿಗೆ ಬಿದ್ದು ನಮಸ್ಕಾರ ಮಾಡುವುದು ಇತ್ಯಾದಿಗಳನ್ನೂ ನೆರವೇರಿಸಬೇಕು ಎಂದು ಬಯಸುತ್ತಾಳೆ.

ಚೆನ್ನಾಗಿ ಅಡುಗೆ ಮಾಡಬೇಕು

ಸೊಸೆಯಾಗಿ ಮನೆಗೆ ಬರುವವಳು ಚೆನ್ನಾಗಿ ಅಡುಗೆ ಮಾಡುವುದನ್ನು ಕಲಿತಿರಬೇಕು ಎಂದು ಅತ್ತೆ ಬಯಸುತ್ತಾಳೆ. ಅಂದರೆ ಅಡುಗೆಯ ಮೂಲಕವೇ ಪತಿಯ ಹೃದಯವನ್ನು ಗೆಲ್ಲಲು ಸಾಧ್ಯ ಎಂದು ಅತ್ತೆಯರು ಅನುಭವದಿಂದ ಅರಿತಿರುತ್ತಾರೆ. ಆದ್ದರಿಂದ ಅಡುಗೆ ಬರದೇ ಇದ್ದರೆ ತಕ್ಷಣ ಈ ಬಗ್ಗೆ ಕ್ರಮ ಕೈಗೊಳ್ಳಿ. ಕೆಲವಾದರೂ ಅಡುಗೆ ಮಾಡಲು ಕಲಿತುಕೊಳ್ಳಿ.

ಬೇಗ ಸುಸ್ತಾಗುವಂತಿರಬಾರದು

ಅತ್ತೆಯ ಮಟ್ಟಿಗೆ ಸೊಸೆ ಎಂದರೆ ಇಡಿಯ ದಿನ ಮನೆಗೆಲಸವನ್ನು ಮಾಡುವವಳಾಗಿದ್ದು ಮನೆಯ ಎಲ್ಲಾ ಕೆಲಸಗಳನ್ನು ಬಲ್ಲವಳಾಗಿರಬೇಕು. ಇದು ಪಾತ್ರೆ ತೊಳೆಯುವುದರಿಂದ ಹಿಡಿದು ಹೊಲಿಗೆ, ಸ್ವಚ್ಛಗೊಳಿಸುವಿಕೆ, ಬಟ್ಟೆ ಒಗೆಯುವುದು ಮೊದಲಾದವುಗಳನ್ನೆಲ್ಲಾ ಮಾಡಲು ಗೊತ್ತಿರಬೇಕು. ಏಕೆಂದರೆ ಇದುವರೆಗೆ ಅತ್ತೆ ಮಾಡುತ್ತಿದ್ದ ಈ ಕೆಲಸಗಳನ್ನೆಲ್ಲಾ ಮುಂದೆ ಸೊಸೆ ಮುಂದುವರೆಸಿಕೊಂಡು ಹೋಗುವ ಮೂಲಕ ಅತ್ತೆ ವಿಶ್ರಾಂತಿ ಪಡೆಯಬಹುದು ಎಂಬುದೇ ಲೆಕ್ಕಾಚಾರವಾಗಿದೆ.

ಅತ್ತೆಯನ್ನು ಪ್ರಶಂಸಿಸುವಂತಿರಬೇಕು

ಅತ್ತೆ ಸೊಸೆಯರ ಜಗಳವಿಲ್ಲದ ಮನೆಯೇ ಇಲ್ಲ ಎನ್ನುತ್ತಾರೆ. ಏಕೆಂದರೆ ಸಾಮಾನ್ಯವಾಗಿ ಸೊಸೆಯಾಗಿ ಬಂದವಳು ಇಂದಿನ ದಿನಗಳಿಗೆ ಅನುಸಾರವಾಗಿ ಯೋಚಿಸುತ್ತಿದ್ದರೆ ಅತ್ತೆ ಹಿಂದಿನ ಕಾಲದ ಕಟ್ಟುಪಾಡುಗಳ ಬಗ್ಗೆಯೇ ಚಿಂತನೆ ನಡೆಸುತ್ತಿರುತ್ತಾಳೆ. ಈ ಎರಡೂ ಯೋಚನೆಗಳು ಭಿನ್ನ ದಿಕ್ಕಿನಲ್ಲಿದ್ದಷ್ಟೂ ಕಲಹ ಹೆಚ್ಚು. ಆದ್ದರಿಂದ ಇಬ್ಬರಲ್ಲೊಬ್ಬರು ತಮ್ಮ ಯೋಚನೆಗಳನ್ನು ಇನ್ನೊಬ್ಬರಿಗೆ ಅನುಗುಣವಾಗುವಂತೆ ಬದಲಿಸುವುದೇ ಉತ್ತಮ ಮಾರ್ಗ. ಈ ಕಾರ್ಯ ಸೊಸೆಯಿಂದಲೇ ಆಗಲಿ ಎಂದು ಅತ್ತೆ ಬಯಸುತ್ತಾಳೆ.

ಮನೆಯ ಮಕ್ಕಳನ್ನು ತನ್ನ ಮಕ್ಕಳಂತೆಯೇ ಪ್ರೀತಿಸಬೇಕು

ಸೊಸೆಯಾಗಿ ಮನೆಗೆ ಬರುವವಳಿಂದ ಮನೆಯಲ್ಲಿರುವ ಎಲ್ಲಾ ಮಕ್ಕಳಿಗೂ ಸಮಾನವಾದ ಪ್ರೀತಿ ದೊರಕುವಂತಿರಬೇಕು ಎಂದೇ ಎಲ್ಲಾ ಅತ್ತೆಯರು ಬಯಸುತ್ತಾರೆ. ಅದರಲ್ಲೂ ಕಟ್ಟುಪಾಡುಗಳು ಹೆಚ್ಚಿರುವ ಮನೆಗೆ ಸೊಸೆಯಾಗಿ ಹೋಗುವವಳಿಗೆ ಆ ಮನೆಯ ಮಕ್ಕಳನ್ನು ಆಯಾಳಂತೆ ನೋಡಿಕೊಳ್ಳುವ ಪ್ರಮೇಯವೂ ಬರಬಹುದು. ಏಕೆಂದರೆ ಆ ಮನೆಯ ಅತ್ತೆಯರಿಗೆ ಅವರ ಮೊಮ್ಮಕ್ಕಳು ಸ್ವರ್ಗದ ದಾರಿಯಾಗಿದ್ದು ಸೊಸೆಯಾಗುವವಳಿಂದ ಮಕ್ಕಳಿಗೆ ಯಾವುದೇ ತೊಂದರೆಯಾಗದಂತೆ ನೋಡಿಕೊಳ್ಳುವುದು ಅಗತ್ಯವಾಗಿರುತ್ತದೆ.