ಮಾಜಿ ಪ್ರೇಮಿಗೆ ಅಸೂಯೆ ಆಗಲಿಯೆಂದು, ನಿಮ್ಮೊಂದಿಗೆ ಪ್ರೀತಿಯ ನಾಟಕ!

ಸೂಚನೆ #1

ಆತ ಅಥವಾ ಆಕೆ ನಿಮ್ಮ ಬಗೆ ತೋರುವ ಪ್ರೀತಿಯನ್ನು ಕೆಲವು ಸಂದರ್ಭಗಳಲ್ಲಿ ಅಗತ್ಯಕ್ಕೂ ಹೆಚ್ಚೇ ಎಂಬಷ್ಟು ಪ್ರಕಟಿಸಲು ತೊಡಗುತ್ತಾರೆ. ಆಗ ಭಾವೋದ್ವೇಗಕ್ಕೆ ಒಳಗಾಗದೇ ಸುತ್ತಲಿರುವ ವ್ಯಕ್ತಿಗಳನ್ನು ಸೂಕ್ಷ್ಮವಾಗಿ ಗಮನಿಸಿ. ಇವರಲ್ಲೊಬ್ಬರು ಕಳ್ಳನೋಟದಿಂದ ನಿಮ್ಮೆಡೆಗೇ ಹೊರಳುತ್ತಿರುವುದು ಹಾಗೂ ನಿಮ್ಮ ಪ್ರೇಮಿಯ ನೋಟವೂ ಆಗಾಗ ಅತ್ತ ಕ್ವಚಿತ್ತಾಗಿ ಹೊರಳುತ್ತಿದ್ದರೆ ಈ ವ್ಯಕ್ತಿಗೆ ಹೊಟ್ಟೆಕಿಚ್ಚು ಬರಿಸಲೆಂದೇ ಈ ನಾಟಕ ಎಂದು ನೀವು ಅರಿಯಬೇಕು.

ಸೂಚನೆ #2

ನೀವಿಬ್ಬರೇ ಇದ್ದಾಗ ಆತ/ಆಕೆ ಹೆಚ್ಚು ಮಾತನಾಡುವುದಿಲ್ಲ. ಹೆಚ್ಚೂ ಕಡಿಮೆ ಇವರು ಮೌನ ಧರಿಸುತ್ತಾರೆ. ಏಕೆಂದರೆ ಈ ಸಮಯದಲ್ಲಿ ನಿಮ್ಮನ್ನು ಬಳಸಿಕೊಂಡು ಆತ/ಆಕೆ ತನ್ನ ಹಿಂದಿನ ಪ್ರೇಮಿಗೆ ಯಾವ ರೀತಿಯಲ್ಲಿ ಹೊಟ್ಟೆಕಿಚ್ಚು ಬರಿಸಬಹುದು ಎಂಬ ಬಗ್ಗೆ ಯೋಚಿಸುತ್ತಿರುತ್ತಾನೆ/ಳೆ. ಆದರೆ ನಾಲ್ಕು ಜನರಿದ್ದಾಗ ಈತನ/ಈಕೆಯ ವರ್ತನೆ ಗೋಸುಂಬೆಯಂತೆ ಬದಲಾಗುತ್ತದೆ. ನೀನೇ ನನ್ನ ಜೀವ, ನೀನಿಲ್ಲದ ಭೂಮಿ ನರಕ ಎಂಬೆಲ್ಲಾ ಪದಗಳ ಮೂಲಕ ನಿಮಗಿಂತಲೂ ಸುತ್ತಮುತ್ತಲ ಜನರ ಗಮನವನ್ನು ಸೆಳೆಯಲು ಯತ್ನಿಸುತ್ತಾರೆ.

ಸೂಚನೆ #3

ಆತ/ಆಕೆ ನಿಮ್ಮ ಬಗ್ಗೆ ಯಾವುದೇ ಕುತೂಹಲ ವ್ಯಕ್ತಪಡಿಸುವುದಿಲ್ಲ. ಆತ ಪ್ರೀತಿಯ ಹೊಳೆಯನ್ನೇ ಹರಿಸತೊಡಗಿದರೂ ಆತ ನಿಮ್ಮನ್ನು ಅರಿಯಲು ಯತ್ನಿಸುವುದಿಲ್ಲ.

ಸೂಚನೆ #4

ಈತನ/ಈಕೆಯ ಮಾತುಗಳಲ್ಲಿ ಪ್ರಮುಖವಾಗಿ ಹಿಂದಿನ ಪ್ರೇಮದ ವೈಫಲ್ಯಗಳೇ ತುಂಬಿರುತ್ತವೆ. ಈತನಲ್ಲಿ ಈ ವಿಷಯದ ಹೊರತಾಗಿ ಬೇರೆ ವಿಷಯವೇ ಇಲ್ಲವೇ ಎಂಬ ಭಾವನೆ ಮೂಡುತ್ತದೆ. ಸದಾ ತನ್ನನ್ನು ಹಿಂದಿನ ಸಂಗಾತಿ ಹೀಗೆ ಮೋಸಗೊಳಿಸಿದ/ಳು ಎಂದೇ ಈತನ/ಈಕೆಯ ಚರ್ಚೆಯ ವಿಷಯವಾಗಿರುತ್ತದೆ.

ಸೂಚನೆ #5

ಈತ/ಈಕೆ ಸತತವಾಗಿ ಇಬ್ಬರೂ ಜೊತೆಗಿರುವ ಸೆಲ್ಫೀಗಳನ್ನು ಅನಗತ್ಯವಾಗಿ ತೆಗೆದು ಸಾಮಾಜಿಕ ತಾಣಗಳಲ್ಲಿ ಪ್ರಕಟಿಸುತ್ತಾ ಇರುತ್ತಾನೆ. ಈ ಚಿತ್ರಗಳನ್ನು ನೋಡಿ ಹಿಂದಿನ ಪ್ರೇಮಿ ಅಸೂಯೆಗೊಳ್ಳಲಿ ಎಂಬುದೇ ಇದರ ಮೂಲ ಉದ್ದೇಶವಾಗಿರುತ್ತದೆ.

ಸೂಚನೆ #6

ನಿಧಾನವಾಗಿ ನಿಮಗೆ ತಾನು ಆತನ ಪ್ರತೀಕಾರಕ್ಕಾಗಿ ಬಳಸಲ್ಪಡುತ್ತಿದ್ದೇನೆ ಎಂಬ ಅರಿವು ಮೂಡುತ್ತದೆ. ಯಾವಾಗ ನೀವು ಈತನ ಪ್ರೀತಿಯ ಮಾತುಗಳಿಗೆ ಕಡಿಮೆ ಮಹತ್ವ ನೀಡಿ ಈತನ/ಈಕೆಯ ಚರ್ಯೆಗಳನ್ನು ಸೂಕ್ಷ್ಮವಾಗಿ ಗಮನಿಸುತ್ತೀರೋ ಆಗ ಈ ಸ್ವಾರ್ಥದ ನಡವಳಿಕೆಯನ್ನು ಸ್ಪಷ್ಟವಾಗತೊಡಗುತ್ತದೆ.

ಸೂಚನೆ #7

ಒಮ್ಮೆ ನೀವು ಆತನನ್ನು/ಆಕೆಯನ್ನು ನೇರವಾಗಿ ಕೇಳಿದಾಗ ಮೊದಲು ಇಲ್ಲವೆಂದು ನಿರಾಕರಿಸಿದರೂ ಕೆಲವು ಪುರಾವೆ ಒದಗಿಸಿದರೆ ಇವರು ಒಪ್ಪಿಕೊಳ್ಳುತ್ತಾರೆ. ಯಾವಾಗ ಈ ವಿಷಯ ಮನದಟ್ಟಾಯಿತೋ, ತಕ್ಷಣವೇ ಈ ವ್ಯಕ್ತಿಯ ಮೋಹದಿಂದ ಹೊರಬಂದು ಆತನ ಬಗ್ಗೆ ಇರುವ ಎಲ್ಲಾ ಭಾವನೆಗಳನ್ನು ಮನಸ್ಸಿನಿಂದ ಅಳಸಿಬಿಡುವುದೇ ನಿಮಗೆ ಕ್ಷೇಮ. ಏಕೆಂದರೆ ಈ ವ್ಯಕ್ತಿಗಳು ಪ್ರೀತಿಗೆ ಅರ್ಹರಲ್ಲ, ಇದೇ ಕಾರಣಕ್ಕೆ ಈತನ/ಈಕೆಯ ಹಿಂದಿನ ಪ್ರೇಮಿ ಇವರನ್ನು ತ್ಯಜಿಸಿದ್ದು ಇವರಿಗೆ ಇದನ್ನು ಸಹಿಕೊಳ್ಳಲು ಆಗುತ್ತಿಲ್ಲ. ಆದ್ದರಿಂದ ಸ್ಪಷ್ಟ ಮಾತುಗಳಲ್ಲಿ ಇವರ ಸ್ನೇಹವನ್ನು ಕಡಿದುಕೊಂಡು ಇವರನ್ನು ಅಲಕ್ಷಿಸುವುದೇ ಉತ್ತಮ.